дедо мраз – Kurir.mk

Родители, ова треба да го знаете: Треба ли да ги лажете децата за постоењето на Дедо Мраз?

Ивана Ефремовски — Sat, 31 Dec 2022 21:40:03 +0000

Како родители, знаеме дека Дедо Мраз не постои, но дали тоа значи дека споделувањето на овој мит со нашите деца е лажење? Ако Дедо Мраз не е дел од вашата семејна традиција или култура, тогаш нема ни потреба да размислувате да го поттикнувате тоа верување кај вашите деца. Но ако се мачите околу тоа дали да ја кажете вистината во врска со Дедо Мраз или не, можеби ќе ви олесни впечатокот дека тоа нема да и наштети на имагинацијата на вашите деца. -Децата на возраст од четири, пет, шест, па и седум години, живеат во она што го нарекуваме магични години на живот во фантазија, рекол д-р Бенџамин Сигел, професор по педијатрија и психијатрија на Медицинската школа при Универзитетот во Бостон. „Тие се под влијание на она што го гледаат и слушаат околу нив. Силно се возбудуваат од карактерите во нивниот живот, кои за нив имаат посебно значење“. Меѓу тие карактери се суперхероите, чудовиштата, животните, па дури и Дедо Мраз. Постојат многу начини да ги поттикнете вашите деца да бидат добри, а приказната за Дедо Мраз е само една од нив. Сигел укажувал на тоа дека Дедо Мраз за повеќето семејства е весел човек со помошници, кои им носи подароци на добрите деца. Се разбира, постојат приказни за јаглен во чорапа за немирните деца, но тешко дека ќе најдете дете кое добило нешто такво утрото по Нова Година. Она што родителите треба да го постигнат е вредноста која сакат да ја постигнат во свеста на нивните деца, и дали тој мит поттикнува морал. „Секоја култура има бајки или митови кои припаѓаат на историскиот идентитет“, вели Сигел. „Ако митовите се добри и зборуваат за споделување и помагање на луѓето околу вас, тогаш тоа е навистина убаво“. За многу семејства, возбудата да се оставаат колачиња за Дедо Мраз, гледањето на санката низ прозорецот која лета во ноќта, станувањето рано наутро за да се отворат подароците и споделувањето на сето тоа оди, во прилог на вербата дека Дедо Мраз е посебен и единствен во тоа семејство. Таа традиција е причината зошто толку родители ја кажуваат приказната за Дедо Мраз – затоа што и тие ја научиле додека растеле. Ако решите дека Дедо Мраз ќе биде дел од вашата семејна новогодишна традиција, тогаш постојат повеќе начини како да ја кажете таа приказна. Ќе се изненадите кога ќе откриете дека постојат купишта книги за Дедо Мраз во локалната библиотека кои чекаат да бидат причитани. Постојат книги за еколошката свесност на Дедо Мраз и за животни, дури и за диносауруси кои се облечени како Дедо Мраз. Родителите се загрижени дека ќе мораат да ја прекинат магијата за нивните деца и да ја растурат сета нивна визија за Божик. Сепак, многу деца самите го дознаваат ова на возраст помеѓу седум и осум години.

Војникот кој го претепа Дедо Мраз оди во затвор – Мајката на суд: Не кажувај ништо

Ристе Здравков — Mon, 26 Dec 2022 13:50:53 +0000

Во девет часот утринава во општинското државно правобранителство во Славонски Брод на распит бил донесен 24-годишен млад човек, инаку активно воено лице, кој на Бадник удрил млад човек облечен како Дедо Мраз, нанесувајќи му сериозни повреди. Прегледот траеше половина час. Судијата му одреди едномесечен истражен затвор. Поради опасност од повторување на делото, напаѓачот следните неколку недели ќе ги помине во Пожега. Тој само и рекол на мајка си која го чекала пред судот дека полицајците кои го придружуваат веднаш ќе го однесат таму, пишува ПлусПортал. „Тој е осомничен за кривично дело нанесување тешка телесна повреда за што е пропишана казна од шест месеци до пет години. Овој предмет е во надлежност на Општинскиот суд во Славонски Брод“, изјави портпаролот на Жупанискиот суд. Славен Видмар. Се чека решение за притвор Напаѓачот малку пред пладне повторно бил изведен во Жупанискиот суд. Осомничениот пред зградата на судот го пречекала неговата мајка, која побарала од придружните полицајци да и дозволат „барем да го бакне“, пренесува Плус портал. Кога влегла во Судот, таа му предложила да не кажува ништо. „Слушна ли Матеј, не кажувај ништо“, му рече таа.

ФОТО: Дедо Мраз со балон слета во Кисела Вода, пакетчиња добија преку 3000 деца!

Тале Кристо — Sat, 24 Dec 2022 13:08:09 +0000

Со голем балон на топол воздух, Дедо Мраз денес слета во паркот во Кисела Вода и донесе пакетчиња за преку 3000 дечиња. Ова беше финалето на новогодишниот настан кој го организираше Општина Кисела Вода и кој за најмладите овозможи двочасовна забава-театарска претстава од општинските градинки и концерт на изведувачите од детскиот фестивал „Поточиња“. Градоначалникот Ѓорѓиевски ја истакна желбата на локалната самоуправа да им ги разубави празниците на сите граѓани и да им овозможи на најмладите со подарок и со спектакуларен настан кој ќе го паметат да ја испратат старата и дочекаат Новата 2023 година. -Новогодишниот период е време кога ja прославуваме радоста, кога еден на друг си посветуваме повеќе внимание, кога со возбуда го очекуваме новиот почеток кој треба да донесе здравје, среќа, успех и други убави нешта за нашите најсакани. Се чини дека најважни за сите нас, сепак, се децата чии желби се најискрени и најтопли. Општина Кисела Вода одлучи да им ги разубави празниците на сите најмлади, да направи нешто несекојдневно за нив и силно верувам дека денешниот настан ќе го паметат долго време. Нашата честитка годинава изгледа вака- со театарска претстава, со концерт на омилените “Поточиња” и со новогодишни пакетчиња за сите дечиња кои се тука присутни. Нив ги донесе Дедо Мраз, а тој, како никаде и никогаш досега, само за децата од Кисела Вода, пристигна со балон. Со настан за паметење да започнеме нова година за паметење-истакна градоначалникот Ѓорѓиевски, честитајќи ја уште еднаш Новата 2023-та година и додавајќи дека овој настан ќе премине во традиционален.

Во сабота Дедо Мраз пристигнува со балон во Кисела Вода- Пакетчиња за сите деца!

Катерина Бојаџиева — Thu, 22 Dec 2022 09:47:57 +0000

Општина Кисела Вода ги поканува дечињата на големо дружење оваа сабота, со почеток од 10:30 минути. Новогодишниот хепенинг ќе се одвива под името “Дедо Мраз со подароци за вас” и на најмладите ќе им овозможи несекојдневно доживување. Програмата ќе започне со театарска претстава во изведба на вработените од ЈДГ “Весели Цветови”, по што следува концерт на “Поточиња”, a потоа спектакуларно, со балон на топол воздух ќе пристигне Дедо Мраз и ќе им подели пакетчиња на сите присутни дечиња. Бидете сите во сабота, на 24.12.2022, во паркот на улицата “Есенинова” за заедно да ја почуствуваме новогодишната магија и да си посакаме многу успех, среќа и здравје во Новата 2023 година.

Како Свети Никола станал Дедо Мраз?

Дарко Андоновски — Mon, 19 Dec 2022 09:19:23 +0000

Ликот на Свети Никола, познат по долгиот црвен капут и белата брада, кој во христијанската култура се смета за човек кој разнесува подароци на санка влечена од ирваси, во многу земји послужил како пример за Дедо Мраз. Според легендата, Свети Никола бил бискуп познат по својата великодушност и љубов кон децата. Една од распространетите приказни зборува за неговата великодушност. Еднаш на некој сиромашен човек Свети Никола му фрлил цела вреќа со богатство што требало да му послужи како мираз за неговата ќерка, која требала да биде продадена како робинка. Сиромашниот човек златото го криел во своите чизми, кои се сушеле покрај печката. Затоа денес децата ги оставаат своите чизми покрај вратата или под елката, за Свети Никола да им остави некаков подарок.

Како Свети Никола станал Дедо Мраз?

Катерина Бојаџиева — Sat, 17 Dec 2022 21:57:09 +0000

Рекорден број испратени писма до Дедо Мраз, одговорени сите над 30.000

Ивона Петрова — Tue, 28 Dec 2021 09:04:00 +0000

Поштенското сандаче во германското село Свети Никола, каде децата ширум светот повеќе од 50 години испраќаат писма до Дедо Мраз, односно Божиќниот дедо постави нов рекорд и одговори на преку 30.000 писма. Овој Божиќ поштенското сандаче примило 30.711 писма, што е најмногу досега. На писмата одговарале 44 волонтери, а биле испратени од деца од 43 држави во светот. Со ова е пробиен минатогодишниот рекорд на одговорени писма, кога биле испратени 866 писма помалку од оваа година. Најголем дел од писмата биле испратени од Германија, околу 90 проценти, додека меѓународни писма стигнале од Тајван (1083), Франција (374), Кина (352). Волонтерите одговарале на примените писма, а секое го означувале со посебната поштенска маркичка на Дедо Мраз.

ВО ЖИВО: Следете го движењето на санката на Дедо Мраз

Ивона Петрова — Fri, 24 Dec 2021 10:50:43 +0000

На популарната страна Flightradar каде може да се следат авионските летови, сега може да го гледате и движењето на санката на Дедо Мраз. Позицијата на Дедо Мраз се следи со помош на терестријална и сателитска опрема. Движењето на Дедо Мраз следете го на овој ЛИНК.

Илјадници учесници на трката на Дедо Мразовци во Мадрид

Катерина Бојаџиева — Sun, 19 Dec 2021 14:44:43 +0000

Илјадници луѓе учествуваа на традиционалната трка на Дедо Мразовци во Мадрид, главниот град на Шпанија. Оваа трка, која е од хуманитарен карактер, започнува и завршува на плоштадот Колумбо во Мадрид. Неколку илјади луѓе од сите генерации и двата пола трчаа на делница долга околу 5,5 километри. Меѓу Дедо Мразците имаше и луѓе облечени во зелени костуми, како неговите помошници.

Како Свети Никола станал Дедо Мраз?

Катерина Бојаџиева — Sun, 19 Dec 2021 11:23:24 +0000