Големо признание: Избрани топ 10 головите во Лигата на Европа, два од нив постигнати од вардарци (ВИДЕО)

Матеја Петровски — Sat, 19 May 2018 14:28:19 +0000

Вардар оваа сезона успеа да ја испише историјата на македонскиот фудбал пласирајќи се во групите во Лигата на Европа, што беше прв ваков успех за еден македонски клуб. Додека пак состојбата беше дијаметрално спротивна во првенството, ако летниот период ќе се памети по успехот на Вардар, на домашна сцена имаа може да се каже катастрофална сезона и моментално се 32 бода зад Шкендија. Вардар можеби во групната фаза не успеа да направи некое чудо, но двајца играчи добија индивидуални признанија. Избрани се најубавите 10 гола во Лигата на Европа, а два од нив се постигнати од фудбалери на Вардар. Стрелец на еден од головите беше Хуан Фелипе, а воедно тоа беше и првиот гол на Вардар во групната фаза, постигнат во поразот на гостувањето кај Розенборг од 3:1. Тогаш магичната нога на Бразилецот постигна гол се еден брилијантен лоб. Вториот е на Дејан Блажевски, во последните мигови од гостувањето кај Зенит, кога Вардар загуби со 1-2. По еден корнер, Блажевски ја дочека топката на волеј и молскавично ја смести во долниот лев агол на домашниот голман. Најубавиот гол му припадна на Дмитри Паје, постигнат неодамна, во четвртфиналето против Лајпциг, кога Марсеј победи со 5-2.

И Македонија го има својот Роналдо: Блажевски пред пет години во Турново постигна гол во стил на португалската ѕвезда (ВИДЕО)

Матеја Петровски — Wed, 04 Apr 2018 15:06:39 +0000

Од вчера вечер после натпреварот меѓу Јувентус и Реал Мадрид, голот на Кристијано Роналдо со ножички е главна во спортскиот свет. Многу спортски, не само фудбалски ѕвезди по социјалните мрежи го кажаа своето воодушевување од голот на Португалецот од Реал Мадрид. Голот на Роналдо дури успеа да ги натера и фановите на италијанскиот великан да станат и да му аплаудираат, нешто што досеа се нема случено во Торино. Сепак и во македонскиот фудбал пред 5 години падна гол сличен на оној кој вчера го постигна Кристијано Роналдо. Во септември 2013 година, Дејан Блажевски тогаш најдобар играч во македонското првенство, постигна мајсторски гол во победата над Еуромилк. Голот дури заврши и во шпиците на спортските медиуми ширум светот, беше во конкуренција за гол на неделата и тоа во конкуренција со легендарниот Роналдињо, кој имаше три од пет гола кои беа во конкуренција за најдобар.

дејан блажевски – Kurir.mk

Големо признание: Избрани топ 10 головите во Лигата на Европа, два од нив постигнати од вардарци (ВИДЕО)

И Македонија го има својот Роналдо: Блажевски пред пет години во Турново постигна гол во стил на португалската ѕвезда (ВИДЕО)