дејан бодирога – Kurir.mk

Бодирога: Само еден АБА клуб во Евролигата, за два ќе видиме

Бошко Тасиќ — Wed, 05 Oct 2022 05:36:55 +0000

Легендарниот српски кошаркар Дејан Бодирога, сега прв човек на Евролигата, гостуваше во дневникот на „ТВ Нова С“ каде зборуваше за актуелните теми кога е во прашање овој спорт. Сигурно најинтересни се неговите изјави поврзани со АБА лигата, односно дали регионалното натпреварување во иднина може да има двајца претставници во Евролигата. Според Бодирога останува да се види што ќе донесе новиот формат на натпреварувањето: – Евролигата засега му гарантира едно место на шампионот во АБА лигата. Со оглед на околностите, поради сè што се случуваше со руските клубови, Партизан доби вајлд-карта. Овој регион ѝ даде многу на европската кошарка – АБА имаше три претставници, се намали на два, па на еден. Треба да најдеме рамнотежа, да не гледаме само на пазарите, туку да најдеме рамнотежа што ќе ги задоволи сите. Ние секако ќе се грижиме за овој важен регион. Моментни што можеме да кажеме – еден претставник од АБА лигата. Но, ќе видиме што ќе донесе новиот формат на натпреварување во иднина – рече Бодирога.

Дејан Бодирога е нов претседател на Евролигата

Бошко Тасиќ — Wed, 14 Sep 2022 19:37:40 +0000

Дејан Бодирога е промовиран во нов претседател на Евролигата, највкалитетното кошаркарско клупско натпреварување во Европа. Бодирога доаѓа на местото на Жозеп Бартомеу кој 22 години беше прв човек на Евролигата. Задачата на Србинот сега е да го одржи високото ниво на лигата кое беше создадено низ изминатите години. „Влегуваме во нова ера на Евролигата. Во изминатите 20 години, елитното европско кошаркарско натпреварувања стана сила во глобалниот спорт. Би сакал да му се заблагодарам на Жорди Бартомеу и неговиот тим за нивната визија и напорна работа и со нетрпение очекувам да продолжам да го проширувам влијанието на Евролигата и Еврокупот“, изјави Бодирога. Покрај претседателската функција која му е доделена на Бодирога, Евролигата објави дека е назначен и нов извршен директор, се работи за Маршал Гликмен.

Дејан Бодирога ќе биде прв човек на кошаркарската Евролига

Бошко Тасиќ — Mon, 23 May 2022 18:37:49 +0000

Легендарниот српски кошаркар Дејан Бодирога е прв фаворит да го наследи Жорди Бартомеу на чело на кошаркарската Евролига, најавуваат грчки медиуми. Бартомеу не е баш најомилен кај дел од евролигашите и во среда на Генералното собрание на Евролигата треба да се донесе конечна одлука за иднината на досегашниот прв човек на најсилната кошаркарска лига на Стариот континент, а одлучуваат 13-те клубови акционери. Мнозинството од акционерите уште зимоска го изразија незадоволството од работата на Бартомеу, зашто приходите им се драстично помали од расходите.

Сега Бодирога влегува како прв фаворит, а втора опција која се споменува е потпретседателот на НБА Европа, Хесус Буено.

Бодирога „дивеел“ со Масератито, му следи сериозна казна

Ивона Петрова — Wed, 13 Jan 2021 08:07:02 +0000

Познатиот српски кошаркар Дејан Бодирога, како што пишуваа медиумите, брзо возел со својот автомобил Масерати на автопат кон Белград. Полицијата го запрела и утврдила дека тој возел 175 км/ч на место каде е дозволена брзина од 80 км/ч. -Едноставно без коментар сум. Нема тоа да го коментирам, изјавил кусо Бодирога за „Блиц“. Српските медиуми јавуваат дека на Бодирога му се заканува сериозна казна - 15 дена затвор, 15 казнени поени и забрана за возење од осум месеци.