Дејан Илиев – Kurir.mk

Дејан Илиев нов голман на фински ХЈК

Тале Кристо — Wed, 08 Feb 2023 18:40:27 +0000

Повремениот чувар на мрежата на македонската фудбалска репрезентација Дејан Илиев ќе ја продолжи кариерата во најтрофејниот фински клуб ХЈК. Клубот од Хелсинки објави денеска дека со 27-годишниот Илиев е потпишан договор на една година со можност за продолжување на соработка за уште година. Илиев се сели во финското првенство откако измината година беше голман на словачкиот прволигаш Тренчин. Во тинејџерските години потпиша за лондонски Арсенал и за петте години како член на премиерлигашот беше позајмуван во неколку англиски и европски екипи. Во ХЈК ќе го носи дресот со бројот 25, а негов конкурент на голманската позиција ќе биде 22-годишниот поранешен фински младински репрезентативец Јесе Ост.

Арсенал и Дејан Илиев не ја продолжија соработката

Бошко Тасиќ — Fri, 14 Jan 2022 19:36:27 +0000

Македонскиот репрезентативец Дејан Илиев заминува од Арсенал по девет години. Македонскиот голман не доби вистинска шанса меѓу „топџиите“ и ќе ја продолжи кариерата надвор од лондонскиот клуб. 26-годишникот голман замина од Беласица во 2012 година. Неговата форма беше задоволувачка во младинските категории на англискиот гигант, што му донесе нов тригодишен договор во 2015 година. По неколку позајмици, Арсенал на крај одлучи да не му ја продолжи соработката. Последна екипа на Илиев беше Серед од Словачка. Засега не е познато кои се понудите и опциите на талентираниот македонски чувар на мрежата.

Македонија на „Сараевски филмски фестивал“ по уште еден успех

Ивона Петрова — Wed, 19 Aug 2020 07:34:36 +0000

Македонија преку ко-продукција во филмот „Галаксијата Андромеда“ зема учество на Сараевскиот филмски фестивал кој се одржува од 14-21 август. Филмот се натпреварува за главна награда во главната селекција на Сараевскиот филмски фестивал од А категорија. Филмот е сниман во Приштина и ја раскажува приказната на Шпетим (Сунај Рача) кој поради корупција и невработеност не може да најде работа. Фактот дека е самохран родител кој мора да се грижи за својата малолетна ќерка дополнително ја компликува ситуацијата, а притоа тие немаат каде да живеат. Во многу наврати се обидува да ја подобри состојбата и да најде работа, но постојано е измамуван. Конечно, тој носи одлука заедно со сопственото дете да мигрира во Германија. Авторската екипа е составена од Море Рача режисерка и сценаристка, Дарио Секуловски - директор на фотографија, Сунај Рача - актер и Илија Циривири и Дејан Илиев - продуценти. -Речиси половина од екипата беше од Македонија и трошоците за целосно учество во филмот од македонска страна се сопствена инвестиција на ДМФ продукција. За жал Агенцијата за филм не виде потенцијал во филмот и не го поддржи. Исто така, филмот е и шпанска и италијанска ко-продукција, вели продуцентот на филмот Циривири. „Галаксијата Андромеда“ ја освои главната награда на фестивалот во Сан Себастијан (категорија Glocal за филмови во развој) кој се одржа од 20-ти до 28-ми септември 2019 по што доби целосна пост-продукција од таму.

Дејан Илиев го продолжи договорот со Арсенал

Ивона Петрова — Fri, 20 Jul 2018 10:06:04 +0000

Македонскиот голман во редовите на лондонски Арсенал, Дејан Илиев го продолжи договорот со клубот од „Емирати“, кој е за 2+2 години. Дваесет и тригодишниот струмичанец одигра осум дуели за тимот на „топџиите“ до 23 години минатата сезона, а исто така беше вклучен и во првиот тим при победата во „Карабао Купот“ против Норвич Сити во октомври минатата година. Илиев потпиша за Арсенал во летото 2012 година, откако дојде од ФК Беласица. Тој е репрезентативец на Македонија за играчи до 21 година. МИА

Дејан Илиев уште две години останува во Арсенал

Ивона Петрова — Fri, 29 Jun 2018 16:44:51 +0000

Македонскиот репрезентативен голман Дејан Илиев останува во дресот на Арсенал. Од лондонскиот клуб официјално потврдија за новиот договор и продолжувањето на соработката за две години. Илиев на „Емирати“ дојде од струмичка Брегалница. Македонскиот голман имаше одлична сезона во Арсенал и стандардно бранеше во младинскиот У23 тим со кого ја освои шампионската титула во развојната лига до 23 години.