Дејан Кулушевски – Kurir.mk

ФОТО: Дејан Кулушески со уште неколку светски познати фудбалски ѕвезди се одмара во селото Орман кај Охрид

Дарко Андоновски — Mon, 26 Jun 2023 12:10:28 +0000

Шведскиот фудбалски репрезентативец, Дејан Кулушески, кој е роден во Стокхолм, но има македонско потекло, деновиве е на одмор во Охрид, родниот крај на неговите родители. Кулушески кој е стандарден првотимец на англискиот фудбалски гигант „Тотенхем“, заедено со уште неколку познати фудбалери, меѓу кои неколку играчи на „Стохлолм“ како и фудбалерот на „Брајтон“, Јасин Ајари се во охридското село Орман, на гости кај дедото на Колушески. Самиот Кулушески и неговите другари велат дека мошне убаво се чувствуваат во Охрид, дека уживаат во добро јадење и добро друштво, како и дека градот и околината се прекрасно место за одмор по напорните натпревари.

View this post on Instagram

A post shared by Dejan Kulusevski (@dejan.k10)

Македонец е најдобриот фудбалер во Шведска за 2022 година

Ристе Здравков — Wed, 28 Dec 2022 15:09:16 +0000

Шведскиот репрезентативец со македонски корени, Дејан Кулушевски, ја доби наградата Гулдболен (Златна топка) за најдобар шведски фудбалер за изминатава 2022 година. Играчот на Тотенхем имаше одлична година и сосема заслужено за прв пат во својата кариера ја доби оваа награда. Воедно, со своите 22 години тој е најмлад игач кој ја освојува оваа награда по легендарниот Томас Бролин во 1990. „Целата година ми беше апсолутно фантастична. Дојдов во Тотенхем и се вратив во живот, си ја повратив гладта, љубовта и сето тоа само пролета. Чувствувам како се подобрувам, и ми е неверојатно забавно кога сум на теренот“, рече Кулушевски. Тој во јануари од редовите на Јуве премина во Тотенхем и оттогаш во Премиер лигата постигна 6 гола и асистираше 13 пати на вкупно 28 натпревари. Единствено поле на кое немаше успех е репрезентацијата на Шведска со која не успеа да се пласира на Мундијалот во Катар откако загуби од Полска во финалниот бараж во март. Годинава во жолто-синиот дрес одигра 7 натпревари, постигна 1 гол и 3 асистенции. „Наградата Гулдболен на Шведската фудбалска асоцијација и Aftonbladet (дневен весник, заб. на прев.) оди кај играч кој, со играчката интелигенција и зрелост, за кратко време прерасна во водечки играч во најсилната лига во светот“, рече Симон Банк додека го соопштуваше победникот.

𝑫𝑬𝑱𝑨𝑵 𝑲𝑼𝑳𝑼𝑺𝑬𝑽𝑺𝑲𝑰 𝑽𝑰𝑵𝑵𝑬𝑹 𝑮𝑼𝑳𝑫𝑩𝑶𝑳𝑳𝑬𝑵 𝟐𝟎𝟐𝟐! 🏆

Stort grattis till din första Guldboll! 🇸🇪💯 pic.twitter.com/qfr5qNnqKl
— Svensk Fotboll (@svenskfotboll) December 27, 2022

„Се разбира, многу сум горд и среќен што ја добивам оваа награда. Многумина ми помогнаа на патот, кој беше исполнет со напорна работа. Горд сум што ја добивам наградава“, додаде Дејан. Кулушевски е првиот Македонецд кој е играч на годината на европска земја, а да не е Македонија. Двајцата негови родители се од Охрид, а тој е роден во Шведска. За жал, порано настапуваше за македонската репрезентација до 16 години, но потоа одлучи да ги брани боите на Шведска. Тој е вториот Балканец кој добива Гулдболен. Претходно тоа му успеа на Златан Ибрахимовиќ и тоа во дури 12 наврати, последниот пат во 2020 година. Оваа награда датира уште од 1946 година, а прв освојувач е легендарниот Гунар Грен. Кулушевски ја продолжи низата на играчи кои ја добиваат оваа награда, а не настапуваат во шведската лига. Последен играч од домашното првенство кој ја доби наградата е Роланд Нилсон во 1996 година, а тогаш настапуваше за Хелсинбориј.

Кулушевски за Конте: Никогаш не сум сретнал толку амбициозна личност во мојот живот

Ивана Ефремовски — Mon, 26 Sep 2022 18:01:24 +0000

Напаѓачот на Тотенхем, Дејан Кулушевски го сподели своето мислење за тренерот на клубот Антонио Конте. -Многу сум среќен што работам под Антонио Конте. Никогаш во животот не сум сретнал, дури и надвор од фудбалот, таква личност која е одлучна да ја исполни целта. Конте е еден. Кога зборува со вас, неизбежно продира во вашето срцето, го цитира Кулушевски „Гол“. Дваесет и двегодишниот Швеѓанец му се приклучи на Тотенхем од Јувентус во јануари 2022 година на позајмица. Договорот со напаѓачот е со важност до јуни 2023 година. Кулушевски оваа сезона одигра девет натпревари за Спарс, постигнува еден гол и три асистенции во сите натпреварувања. (МИА)

Кулушевски: Македонија е многу важна за мене

Бошко Тасиќ — Sun, 20 Mar 2022 14:03:28 +0000

Дејан Кулушевски е еден од играчите со македонско потекло кој се одлучи да не настапува за нашата селекција и наместо тоа се реши да ги брани боите на Шведска, земја во која е роден. Потоа овде имаше многу коментари, пред се негативни, меѓутоа дека не е се така црно говори најновата изјава на Дејан посветена на Македонија и неговите македонски корени. -За мене и моето семејство Македонија е многу важна. Како што вели мојата мајка, никогаш нема да заборавиме од каде доаѓаме. Таму одам секое лето и ми се допаѓа. Отсекогаш сум велел дека ако можам да играм за Шведска и Македонија, тоа би го направил. Ама морав да изберам и ја избрав Шведска затоа што сум од таму. Сега го имаме натпреварот со Вест Хем и после тоа ќе бидам подготвен да ја донесам мојата земја на Светското првенство. Тоа е местото каде што припаѓаме, -порача Дејан за „Гардијан“.

Тотенхем го позајми Кулушевски од Јувентус

Ивона Петрова — Sun, 30 Jan 2022 08:21:10 +0000

Тотенхем се договори со Јувентус за позајмица на играчот од средниот ред Дејан Кулушевски до крајот на сезоната за пет милиони евра. Купувањето на 21-годишниот шведски репрезентативец со македонско потекло за 35 милиони ќе стане задолжително за лондонскиот клуб доколку се исполнат два услови. Првиот е Спарс да стигнат до Лигата на шампионите, а вториот е Кулушевски да одигра најмалку половина од натпреварите за Тотенхем. На 20 натпревари од сезоната во Серија А, Кулушевски има постигнато еден гол и креирано три асистенции.

Кулушевски се сели во Милан

Бошко Тасиќ — Thu, 27 Jan 2022 20:16:44 +0000

Дејан Кулушевски не се наметна во Јувентус по неговиот трансфер вреден 35 милиони евра, па сега од тимот во Торино го нудат на останатите клубови кои би можеле да си го дозволат неговиот потпис. Според новинарот на „Калчомеркато“, Николо Шира, Кулушевски бил понуден на Милан кој е во потрага по офанзивен играч за врска. Саму Касталјехо веројатно ќе си оди од клубот, а Брахим Дијаз не е константен во своите настапи, па Кулушевски би можел да ги реши проблемите во офанзивата на „росонерите“. Офанзивецот не би се преселил на перманентна основа на „Сан Сиро“, туку би пристигнал како позајмен фудбалер без право на откуп на неговиот договор.

Кулушевски сака да замине од Јувентус

Бошко Тасиќ — Tue, 30 Nov 2021 21:33:42 +0000

Шведскиот фудбалски репрезнетативец со македонско потекло Дејан Кулушевски не е задоволен во Јувентус и побарал трансфер од раководството на клубот. Кулушевски оваа сезона не добива голема минутажа од Алегри и сериозно размислува да ја промени средината. Најсилен интерес за него покажуваат Арсенал и Њукасл, кои веќе стапиле во контакт со неговиот агент.

Арсенал заинтересиран за шведскиот репрезентативец со македонско потекло

Магдалена Андонова — Fri, 12 Nov 2021 10:56:04 +0000

Премиерлигашот Арсенал го контактирал Јувентус за трансфер на шведскиот репрезентативец со македонско потекло Дејан Кулушевски (21), откако менаџерите на напаѓачот на Фиорентина, Душан Влаховиќ, воопшто не одговориле на повиците од лондонскиот клуб. Како што денеска јавуваат италијанските медиуми, Јувентус е подготвен да му дозволи на Кулушевски да замине, но за тоа ќе бара најмалку 25 милиони евра. Јувентус го донесе Кулушевски во своите редови во 2020 година од Аталанта во трансфер вреден 35 милиони евра, но со доаѓањето на тренерот Масимилијано Алегри, шведскиот репрезентативец не е во прв план. (МИА)

Де Лихт за решавачкиот потег на Кулушевски: Тоа го научи од Роналдо (Видео)

Ристе Здравков — Thu, 21 Oct 2021 06:53:34 +0000

Дејан Кулушевски го постигна голот за победа на дуелот меѓу Зенит и Јувентус, а по натпреварот признал дека овој погодок има големо значење и ќе го памети до крајот на животот. Не само што Швеѓанецот со македонско потекло ретко постигнува голови со глава, туку за него ова беше прв погодок во Лигата на шампионите и затоа има посебно место во неговата кариера. По средбата, Кулушевски зборувал пред камерите на клупската телевизија заедно со Матијс де Лихт, а токму Холанѓанецот се шегувал за неговиот прецизен удар со глава. – Го научи тој удар со глава од Кристијано Роналдо. И јас работам многу со него за да му помогнам во овој сегмент, – изјавил расположениот Де Лихт. За да биде поинтересно, вчера и Роналдо постигна гол со глава и на тој начин му донесе триумф на Манчестер Јунајтед против Аталанта.

Проблеми за Шведска , Кулушевски позитивен на Ковид -19

Бошко Тасиќ — Tue, 08 Jun 2021 15:55:31 +0000

Фудбалеротна Јувентус кој во младинските конкуренции настапуваше за Македонија, но се предомисли и го облече дресот на Шведска на сениорски план, Дејан Кулушевски е позитивен на последното тестирање на Ковид-19.

Ова е голем проблем за селекцијата на Шведска на неполна седмица пред првиот меч на претстојното Европско првенство, но од таборот на таа селекција наведоа дека нема да биде повикана замена за фудбалерот од средниот ред.

Сигурно дека во составот на Шведска ќе претстојат и нови тестирања на коронавирусот по случајот со Кулушевски, а како за потсетување, поради повреда вон комбинација на европскиот турнир е повратникот Златан Ибрахимовиќ.