дејан ловрен – Kurir.mk

Ловрен ја заврши репрезентативната кариера

Ивона Петрова — Thu, 23 Feb 2023 12:47:29 +0000

Дејан Ловрен се повлече од хрватската репрезентација. Хрватскиот фудбалски сојуз денес објави соопштение и проштално писмо од дефанзивецот. - Оваа одлука ја донесов по долго размислување. Дојде денот кога треба да се збогувам со репрезентацијата, иако и понатаму останувам страстен навивач на репрезентацијата. Најубавата страница во оваа приказна за мене е сето она што го постигнавме во изминатите пет години. Да бидам искрен, сè уште ми изгледа како еден голем сон. Никогаш нема да ги заборавам овие моменти и засекогаш ќе ги чувам во моето срце. Благодарам за соработката на сите тренери, од Славен Билиќ до Златко Далиќ, научив многу од сите. Им благодариме на сите поранешни и сегашни соиграчи за оваа незаборавна авантура. Споделивме подеми и падови, смеа и солзи. Ми станавте како браќа. Бевте покрај мене кога ми беше навистина тешко. Како и секогаш ќе бидам покрај вас. Ви благодарам од се срце, напиша дефанзивецот на Лион. Ловрен во хрватската репрезентација е од 2009 година. Како дел од тимот „коцкестите“ одигра 78 натпревари, стана вицешампион на светот во 2018 година и бронзен медалист на Светското првенство во Катар 2022 година.

Ѓоковиќ им испрати порака на Хрватите по поразот од Аргентина – Ловрен МОРАШЕ веднаш да реагира

Ристе Здравков — Wed, 14 Dec 2022 12:14:57 +0000

Репрезентацијата на Хрватска не успеа да се пласира во финалето на Светското првенство во Катар откако синоќа во полуфиналето Аргентина ја победи со 3:0. По мечот во центарот на вниманието беше пораката на Новак Ѓоковиќ, на која утрово мораше да реагира Дејан Ловрен. По синоќешниот меч во центарот на вниманието беше српскиот тенисер Новак Ѓоковиќ, кој реши да се огласи по мечот со Аргентина и им честиташе на хрватските играчи за уште еден голем напор на вакво големо натпреварување и покрај поразот во полуфиналето. „Им честитам на овие момци и на целиот тим за уште едно одлично првенство“, напиша Ѓоковиќ и во објавата ги означи Ловрен и Модриќ, а хрватскиот дефанзивец веднаш реши да реагира. „Благодарам Нола“, напиша кратко Ловрен.

Ловрен: Добро ги познавам

Бошко Тасиќ — Thu, 08 Dec 2022 07:22:08 +0000

Дејан Ловрен е еден од најискусните играчи на Хрватска и на ова Светско првенство сочинува извонреден тандем со Јошко Гвардиол, играчот за кого се интересираат сите најголеми клубови во Европа. Новинарите го прашаа Ловрен како гледа на бразилското танцување при прославата на головите на мундијалот во Катар, пред се поради тоа што Дејан во својата кариера имаше многу бразилски соиграчи во различни клубови. – Што се однесува до танцувањето, тие може да прават што сакаат. Јас не гледам на тоа како непокажување респект и почит. Добро ги познавам, Бразилците се родени со песна и танц и живеат со тоа. Ги знам како дишат и нема ништо лошо во тоа. Секако, се треба да има свои граници, – вели Ловрен, кој е свесен дека Бразил во четвртфиналето влегува како голем фаворит. – Бразил е фаворит, може да состави два тима по квалитетот на играчи кои ги поседува. Тие во секој момент можат да го променат ритамот на натпреварот. Ги почитуваме, немаме ништо против тоа што се фаворити, но и ние планираме да се појавиме и да се покажеме на теренот. Тие се фантастични, но ние сме подготвени за борба, – потенцира Ловрен.

Официјално: Ловрен премина во рускиот шампион

Магдалена Андонова — Mon, 27 Jul 2020 14:45:38 +0000

Дефанзивецот Дејан Ловрен го направи својот трансфер од Ливерпул во Зенит, објавија двата клуба. Договорот со неговиот нов тим е за следните три сезони. Финансиските детали за договорот не се објавени, но според информациите, рускиот шампион платил 11 милиони фунти за 31-годишниот играч. Хрватскиот интернационалец мина 6 години на „Енфилд“, одигра 185 натпревари со 8 погодоци. Минатата сезона ја освои Лигата на шампионите со тимот, а оваа година – титулата во Англија. Менаџерот Јирген Клоп и напаѓачот, Мохамед Салах, се збогуваа со Ловрен со видео пораки. Тренерот истакна колку е важен дефанзивецот за тимот, додека Египќанецот, кој беше доста близок со него, рече дека многу ќе му недостасува неговиот сегашен соиграч.

Dejan Lovren is a Zenit player! ? More ➡️ https://t.co/bf7ILb2BOG pic.twitter.com/MnFZF5pXJZ
— FC Zenit in English✨ (@fczenit_en) July 27, 2020

(МИА)

Лацио заинтересиран за Ловрен

Ивона Петрова — Mon, 16 Mar 2020 08:16:29 +0000

Дефанзивецот на Ливерпул, Дејан Ловрен може да се пресели во Рим, објави „Спорт Медијасет“. Раководството на Лацио е сериозно заинтересирано да го донесе на „Олимпико“ играчот чиј договор со премиерлигашот му важи до летото 2021 година. „Црвените“ за 30-годишниот Ловрен бараат оштета од 15 милиони евра. Хрватскиот фудбалер игра за Ливерпул од 2014 година. Тој досега има над 100 натпревари за клубот. Во 2018 година со Хрватска го освои второто место на Светското првенство. На 14 средби од тековната сезона, тој има еден гол и една асистенција.

Ловрен стана хит на интернет за само 10 секунди среде Белград: Кога ќе видите со кој политичар се спореди се ќе ви стане јасно

Дарко Андоновски — Tue, 06 Nov 2018 09:08:49 +0000

Хрватската ѕвезда на англискиот премиерлигаш Ливерпул, Дејан Ловрен за само 10 секунди стана вистински хит во Белград, откако дојде со „црвените“ на мегдан на Црвена Звезда во мечот кој денеска попладне од 18.55 часот ќе се одигра на стадионот „Рајко Митиќ“. Ѕвездите на Ливерпул во српската престолнина беше дочекани како Битлси, а без оглед што српската јавност не ги сака баш Хрватите, Ловрем за миг ги воодушеви, откако посочи дека имал дочек како да е – Владимир Путин. „Се чувствувам сигурно. Се чувствувам како да сум Владимир Путин“, рекол Ловрен. Ливерпул во Белград ќе ја брка третата победа со која би исчекориле „црвените“ кон осминафиналето во „групата на смртта“ во која во вториот меч Наполи го дочекува ПСЖ, кој пред две недели на свој терен се спасуваше од пораз во последните секунди.

Ловрен: Истрошени сме по Мундијалот

Ристе Здравков — Mon, 15 Oct 2018 10:13:07 +0000

Фудбалерот на Ливерпул и хрватски репрезентативец, Дејан Ловрен призна дека многу играчи кои настапија на Светското првенство во Русија се изморени, посебно ова се однесува на они чии селекции стигна до завршницата. - Многу сме истрошени по Мундијалот. Тоа се виде и на нашиот дуел со Англија. Големите ѕвезди како Хари Кејн, Лука Модриќ, признаваат дека се физички и емоционално исцрпени. Тешко е да се фати ритамот кога се испуштаат поголемиот дел од подготовките во претсезоната. Како и да е, ќе се вратиме на посакуваното ниво. Само треба малку време, изјави Ловрен. Хрватот по завршувањето на Мундијалот поради повреда пропушти поголем дел од натпреварите. Настапи само на две средби, против Челзи во Лига купот и против Манчестер Сити.

Ловрен со порака до колегите кои се простија од репрезентацијата: Па доста веќе (ФОТО)

Матеја Петровски — Wed, 15 Aug 2018 15:19:40 +0000

Откако претходно збогум од националниот тим на Хрватска кажаа Ведран Чорлука и Марио Манџукиќ, денеска од националниот тим се збогува и Даниел Субашиќ, голманот на Монако. Порака со благодарност до него испрати дефанзивецот на Ливерпул и репрезентацијата на Хрватска, Дејан Ловрен. -Па доста веќе од опростувања од репрезентација. Дај јавете јавите се во исто време да направиме некоја заедничка фотографија, а не поединечно. Е мој „fu*king years“, не можам да опишам колку ми беше драго да играм со човек како тебе, кој секогаш е насмеан, позитивен и весел, а покај се тоа и одличен голман. Брату, ти благодарам за се, напиша Ловрен на Инстаграм.

Pa dosta vise oprastanja od repke ? daj javite se u isto vrijeme da mogu objavit neku zajednicku sliku, a ne pojedinacno ?? E moj fu*king years, neopisivo mi je drago bilo igrat sa covjekom poput tebe koji je uvijek nasmijan, pozitivan i veseo, a uz sve to odlican golman. Brate hvala na svemu ❤

A post shared by Dejan Lovren (@dejanlovren06) on Aug 15, 2018 at 3:59am PDT

Ќе потроши брдо пари за сограѓаните: Ловрен покажа дека има големо срце- еве што ќе гради фудбалерот во родниот град (ФОТО)

Дарко Андоновски — Fri, 27 Jul 2018 19:31:04 +0000

Хрватскиот репрезентативец Дејан Ловрен вчера беше во Краљево Сутјеска, каде што беше организиран незаборавно добредојде. Дејан малото место кое се наоѓа во близина на Какањ, го посети во придружба на неговите родители, а таму стотици луѓе го поздравија со песна и извици на поддршка. „Дејо, Дејо”, се слушаше од сите страни. Како знак на благодарност за поддршката од локалните жители на Краљево Сутјеска, Дејан на својот Инстаграм профилот откри дека ќе отвори пензионерски дом на ова место. „Со гордост можам да кажам дека тука ќе изградам пензионерски дом, тоа е најмалку што можам да го направам за вас драги луѓе …”, напиша Ловрен кој се фотографираше пред францисканскиот манастир. Во објавата, тој уште еднаш се заблагодари и напиша „прекрасно добредојде”.

Mogu ponosno reci da cu ovdje gradit staracki dom! To je najmanje sto mogu ucinit za vas drage ljude... Kraljeva Sutjeska ? Hvala vam na prekrasnom doceku sinoc ??❤ #franjevackisamostan #Franciscanmonastery

A post shared by Dejan Lovren (@dejanlovren06) on Jul 27, 2018 at 2:04am PDT

Ловрен ги воодушеви сите на пречекот во својот Карловац: Хрватскиот репрезентативец прати моќна порака до политичкиот врв

Матеја Петровски — Tue, 17 Jul 2018 20:24:56 +0000

По неверојатниот пречек на сите играчи во Загреб, тие тргнаа на уште еден пречек и тоа во своите градови. Така и Дејан Ловрен отиде да ги поздрави навивачите во Карловац, во градот каде помина поголем дел од животот. -Никогаш нема да го заборавам Карловац. Тоа беше првиот град кој ме прифати после бегалскиот период и Германија и на овој град му останав должен. Сакам да бидам меѓу своите луѓе и да покажам дека сум нормален човек како и секој од нив, кажа гордиот Ловрен, кој изрази благодарност до своите карловчани, што вака го дочекаа и прати порака до политичарите. -Кога видовме по медиумите дека се прави единство во Хрватска, сфативме „Лијепа наша“ гори. Ова не смееме да го заборавиме и мораме нешто од тоа да научиме како друштво. Дека може низ работа и почитување да се дојде до големи работи. Политичарите мораат да ја сфатат пораката низ ова. Ако ние можевме ова да го направиме кои немаме големо влијание во друштвото, но покажавме дека како група можеме да и ја дадеме на Хрватска таа сила за единство, тогаш тоа го можат и они, ги воодушеви Ловрен сите со искажаните зборови и додаде дека не смее да се заборават оние кои загинале за државата... -Секој човек вреди, како и оние кои не се со нас, кои загинаа во војната. Тие го направија тоа за нас, заклучи Ловрен, кој е дел од најдобриот тим на Светското првенство, каде се најде место за уште еден фудбалер на хрватскиот национален тим, станува збор за капитенот Лука Модриќ, кој беше и прогласен за најдобар фудбалер на целото првенство во Русија.