дејан милосављев – Kurir.mk

Дејан Милосављев го предводеше Фуксе Берлин до трофејот во Европската лига

Бошко Тасиќ — Mon, 29 May 2023 05:04:01 +0000

Германскиот Фуксе Берлин стана нов шампион во Европската лига, откако во финалето славеше против Гранолјерс со 36-31, додека третото место му припадна на Гепинген кој го совлада Монпелје со 33-29. Германскиот тим ја најави победата уште во првото полувреме, кое го доби со 16-12, а Гранолјерс во вторите 30 минути се обидуваше да најде начин за пресврт, меѓутоа не успеа во намерата. Најдобар во редовите на Фуксе Берлин беше Андерсон со осум голови, додека екс-голманот на Вардар, Дејан Милосављев запиша 13 одбрани. За бундеслигашот ова е трета титула на европската сезона, откако во 2015 и 2018 година го освои ЕХФ-купот.

Милосављев двајца противници испрати во болница, се повреди и сам, а доби и црвен картон (Видео)

Ристе Здравков — Thu, 20 Apr 2023 07:46:20 +0000

Поранешниот голман на ракометниот клуб Вардар, Србинот Дејан Милосављев, синоќа беше централна фигура во тимот на Фуксе Берлин во дуелот со Кадетен Шафхаузен од ЕХФ Европската лига. По дуелите со тешкиот Милосављев, двајца играчи на швајцарскиот тим беа пренесени во болница, а при вториот случај и самиот Милосављев се повреди, со што за него заврши мечот затоа што доби и црвен картон за фаулот. Од Кадетен информираа дека повредите на нивните играчи не се сериозни, но ќе следуваат дополнителни испитувања.

Признание за екс вардарецот: Милосављев прогласен за најдобар српски ракометар во 2021 година

Ристе Здравков — Fri, 24 Dec 2021 11:09:34 +0000

Поранешниот голман на Вардар, Дејан Милосављев беше прогласен за најдобар ракометар за 2021 година од страна на Ракометниот сојуз на Србија. Некогашниот член на Вардар игра во одлична форма на клупско и репрезентативно ниво, а добиената награда за него ќе биде голема мотивација пред самиот старт на Европското првенство во Унгарија и Словачка. Милосављев со вардаровиот тим во сезона 2018/19 ја освои Лигата на шампионите. Во истата сезона доби место во Ол Стар тимот во најквалитетното натпреварување. Ракометниот сојуз на Србија за најдобра ракометарка ја одбра голманката Јована Рисовиќ. Чуварот на мрежата на Крим во последните години е предводник на својата репрезентација и беше една од најзаслужните за пласманот на Србија во главната фаза на Светското првенство во Шпанија.

Број 1 одбрана за минатата сезона според фановите е за Дејан Милосављев (ВИДЕО)

Катерина Бојаџиева — Fri, 28 Jun 2019 15:56:41 +0000

Во пресрет на новата сезона во ракометната машка Лига на шампиони, ЕХФ и натаму се навраќа на најинтересните моменти од претходната сезона. На официјалната страница на европската ракометна куќа, ракометните фанови имаа шанса да ја одберат најдобрата одбрана на голманите во најелитното европско клупско натпреварување за минатата сезона. Број еден одбрана за минатата сезона е за човекот кој ги бранеше боите на РК Вардар Дејан Милосављев и неговата интеревенција против Веспрем во финалето на ЛШ.

Дејан Милосављев со емотивна изјава се збогува од Вардар

Ивана Ефремовски — Sun, 09 Jun 2019 10:01:51 +0000

Младиот српски голман Дејан Милосављев, еден од најзаслужните за втората европска титула на Вардар, со емотивна објава се збогува со клубот. Тој кариерата ќе ја продолжи во германски Фуксе Берлин.

Милосављев: Треба да ги гледам двата меча, не паметам поголем дел од финалето

Предраг Кукиќ — Thu, 06 Jun 2019 08:51:14 +0000

Во Скопје пристигна како замена за Страхиња Милиќ, а на крајот од тековната сезона беше крунисан за најдобар голман во Лигата на шампионите. Дејан Милосављев го живее својот детски сон и со Вардар веќе неколку дена ја слави европската титула. Српскиот голман се уште не верува во постигнатиот успех и вели дека не се сеќава на голем дел од двата натпревари во Келн. „Ова е лудница. Не смеам ни на улица да излезам. Сето ова делува како да не е вистина. Македонците навистина го сакаат ракометот. Ќе ми треба време за да дојдам при себе од феноменалниот завршен турнир во Келн. Морам да ги гледам двата натпревари. Од финалето не паметам што се случи во првите 10 и на крајот, во последните 15 минути“, вели Милосављев.

ФОТО: Милосављев се збогува со Комити со стиховите од „Ја излези Ѓурѓо“

Предраг Кукиќ — Tue, 04 Jun 2019 13:45:26 +0000

Српскиот голман на новиот европски првак Вардар, Дејан Милосављев после само една година заминува од таборот на црвено-црните. Денеска, после после спектакуларниот пречек, српскиот голман емотивно на Фејсбук се прости од најверните навивачи. Тоа го направи со стиховите од песната „Ја излези Ѓурѓо“, која веќе од поодамна е една од хитовите на вардаровите навивачи.

Милосављев: Би сакал целата кариера да ја поминам во Вардар

Предраг Кукиќ — Fri, 12 Oct 2018 09:49:06 +0000

Голманот на Вардар, Дејан Милосављев во интервју за клупскиот сајт изјави дека „цревно-црните“ не се аутсајдери во ниту еден натпревар од Лигата на шампионите, а потценувањето од останатите само дополнително ги мотивирало играчите на Парондо. - Мислам дека не сме биле аутсајдери на ниту еден натпревар. На мечот со Рајн Некар некои луѓе очекуваа дека мечот може да биде многу потежок, зашто Рајн Некар е брза екипа, а ние имаме неколку повредени играчи и може не сме во можност да играме брз ракомет. Тоа, пак, дека луѓето сезонава го потценија Вардар дополнително не мотивираше. Костурот на екипата кој беше и минатата сезона, а кој го сочинува Вардар, тука мислам на капитенот Стојанче Стоилов, Тимур, Карачиќ, Чупиќ, Шишкарев, се играчи со светски имиња во ракометот и мислам дека ниту еден противник, кој ќе се најде спроти нив, не треба да ги потцени, смета Милосављев. Во однос на тоа каде се гледа себе си во иднина, голманот без размислување одговора „во Вардар“. - Договорот ми е на три години. Но, има луѓе кои кога ќе дојдат, коментираат, добро браниш, млад си, нема да останеш долго во Вардар, но јас не размислувам за друг клуб. Неверојатно е ова што тука го доживувам и би останал уште 15 години, целата своја кариера. Гледам зашто сите играчи тука би сакале да ја поминат кариерата. Најверојатно ќе дојде време да отидам во друг клуб, зашто сите менуваат, но сега би сакал тука цела своја кариера, ако е можно, додава Србинот за клупскиот сајт. (МИА)

Милосављев: Ќе играме уште подобро

Ристе Здравков — Wed, 19 Sep 2018 07:57:19 +0000

Голманот на Вардар Дејан Милосављев по триумфот над Стеауа (27:21), рече дека очекува нивото на играта на „црвено-црните“ да оди во нагорна линија. - Секој меч ни е важен и даваме максимум. Од натпревар во натпревар ќе играме се подобро. Денеска добија сите шанса да играат и да го понесат товарот и други ракометари. Се надевам дека ќе продолжиме и понатаму да играме во добра форма и ќе продолжиме да победуваме, нагласи Милосављев. Вардар по четвртиот натпревар во регионалната ракометна СЕХА лигата има максимални четири победи и е лидар на табелата со 12 бода. Вториот македонски претставник во ова натпреварување, тимот на Металург, вечер игра со Извиѓач од БиХ.

Милосављев ја има одбраната на колото во ЛШ (видео)

Ристе Здравков — Mon, 17 Sep 2018 06:44:12 +0000

Голманот на Вардар, Дејан Милосављев со својата тројна одбрана на саботниот дуел против Монпеље се најде на врвот на листата со ТОП 5 одбрани во првото коло од ракометната Лига на шампиони. Тројната одбрана на Милосављев може да се види на овој линк ЕХФ ТВ го смести Милосављев и во идеалниот тим на премиерната рунда од новата сезона. Вардарци предводени од својот чувар на мрежата успеаја на гостински терен да го совладаат актуелниот европски првак со 27:24.