Дејан Милошевски – Kurir.mk

Македонскиот карате амбасадор и светски судија Дејан Милошевски ја освојува Америка

Ивана Ефремовски — Fri, 07 Jul 2023 13:40:16 +0000

Македонскиот карате амбасадор и светски судија Дејан Милошевски во повеќе сегменти ја освојува Америка. Изминатиов викенд судеше на Мајами опен меѓународен карате шампионат 2023 – најголемото интернационално карате натпреварување во историјата на Флорида. Натпреварувањето се одржа во два дена на 6 татами следејќи ги правилата на НКФ- САД (Национал карате федерација на САД) и ВКФ (Светската карате федерација) на кое учествуваа 627 натпреварувачи, 66 тренери и 51 судија од 20 држави. Повеќе од 15 светски судии меѓу кои беше и нашиот единствен светски македонски судија во УСА, Дејан Милошевски. „Секогаш задоволството е големо кога ќе го слушнете името Македонија на вакви јавни интернационални натпреварувања. Да се биде македонски амбасадор, гордо да се претставува Македонија, секогаш е мој приоритет и обврска. Натпреварот беше навистина одлично организиран и татамито го делев со најдобрите светски американски судии. Се надевам следниот пат ќе учествуваме и со моите ученици од „Милошевски маршал артс“, вели Милишевски и нагласува: „Во изминативе месеци бев на интернационални натпреварувања во САД Калифорнија (Санта Ана), Колорадо (Денвер), Невада (Лас Вегас), Тексас (Далас) и секако во својата матична земја Македонија (Скопје)“.

Дејан Милошевски и претставниците на конзулатот во САД договорија соработка

Ивана Ефремовски — Fri, 23 Dec 2022 18:05:46 +0000

Нашиот истакнат карате тренер во САД, Дејан Милошевски – Чобачо, вчера во Чикаго имаше средба со нашите дипломати, при што разменија мислења за соработка и афирмација на Македонија и спортот. „Денеска имав одлична можност да се сретнам со г-дин Петрит Муслиу, генерален конзул и г-дин Срѓан Хаџи-Николов, вицеконзул на Република Македонија во Чикаго. Ви благодарам многу за Вашата покана и за Вашето време. Имавме продуктивна дискусија за тоа како карате спортот @mmakaratedo може да создаде, подобри и проширени можности и поддршка за нашите заедници. Со нетрпение ја очекувам нашата соработка во блиска иднина. Благодарам!“, напиша Милошевски на Фејсбук.

Дејан Милошевски добитник на наградата „40 под 40“ на ОМД за постигнувањата на млади Македонци во светот

Тале Кристо — Tue, 19 Oct 2021 13:11:43 +0000

Обединетата македонска дијаспора (ОМД) ја објави листата на добитници на наградата „40 под 40“ на македонската дијаспора. Иницијативата на ОМД „40 под 40“ е слава на постигнувањата на млади Македонци на глобално ниво кои влијаат на нивните заедници и професии. Меѓу добитиците е и кратистот Дејан Милошевски-Чобачо, кој за кратко во време во САД остави трага со она што го работи, и како спортист со забележителни успеси, но и како успешно го применува каратето во медицински цели. Наградата ги истакнува професионалците во различни области и деловни сектори, вклучувајќи технологија, бизнис, недвижен имот, медицина, финансии, настава, уметност, право и влада. Со оваа листа од годинава, ОМД досега препозна 240 лица низ целиот свет. „Повеќе од еден век, Македонците ја напуштаат нашата татковина за подобар живот. Нашите луѓе се вредни и оставаат трага во општеството. Соодветно е ОМД да ги препознае нашите како прототип во нивните заедници, како и за идните генерации Македонци“, рече Арги Белио, член на Управниот одбор на ОМД и координатор на „40 под 40 години“. Ова се првите десет добитници на наградата на ОМД: Дарко Божиноски Кристина Ивановска-Кеблер Емелија Џексон Виктор Јаковлески Тина Кеј Макс Луис Дејан Милошевски Едвард Николоф Јуниор Мери Петковска Џонатон Стојановски „Многу сум горд што сум првиот натпреварувач досега во Македонија со ова ниво на успех и најмладиот европски судија во карате (23 години) во Европа. Во 2018 година, ја добив титулата светски судија во карате, а на крајот на годината се преселив во Чикаго, САД. Оваа година освоив златен и бронзен медал на националното првенство во САД во карате. Ја отворив и мојата компанија Милошевски боречки вештини каде што работам како главен инструктор по карате и ја споделувам мојата страст за каратето. Мој совет до македонската младина е дека ништо не е невозможно, верувајте во себе, бидете храбри да направите разлика на овој свет и никогаш не се откажувајте од своите соништа“, изјави Милошевски за ОМД.