дејан митески – Kurir.mk

Митески: Зелената обврзница со која треба да се реализира изградбата на градинки и училишта во Аеродром седи во фиока на Ковачевски

Ивана Ефремовски — Thu, 02 Nov 2023 13:36:18 +0000

Нема крај на опструкциите и штетата која СДСМ и политичките партии од власта ја прават на државата. Република Македонија освен што ја има најнеспособната влада во Европа, граѓаните за жал мора да бидат жртва и да ги трпат последиците на дневнополитичките игри на деструктивната СДСМ и Ковачевски, а кои имаат цел да го закочат развојот, новите проекти и новите инвестиции во општините, каде градоначалниците се од редовите на ВМРО-ДПМНЕ, вели Дејан Митески, претседател на Совет во Општина Аеродром. -Еден од многуте такви примери е Општината Аеродром, каде пред две години ВМРО-ДПМНЕ победи убедливо на изборите и по долг временски период на стагнација, конечно започна да работи и да инвестира во општината. Уште по првата година успеавме да го вратиме и воспоставивме концептот „Општина за граѓаните“ и преку реализација на инфраструктурни и капитални проекти да најдеме решение за најголемиот дел од проблемите со кои се соочуваа тие. Но, граѓаните треба да знаат дека, како резултат на политичката ароганција, владата на СДСМ остана воздржана, односно воопшто не ја разгледа иницијативата на општина Аеродром, за обезбедување средства преку „Зелената обврзница“, која требаше да обезбеди пари за изградба на две нови детски градинки, доградба и надградба на две основни училишта, нов плоштад и нови улици, рече тој. „Единствен виновник поради што не започна изградбата на новите капитални објекти во Аеродром е токму владата на Република Македонија и премиерот Ковачевски, кои водејќи грижа за сопствената политичка агенда, а за сметка на граѓаните во Аеродром решија на многу перфиден и крајно безобразен начин да ги закочат овие проекти. Буквално иницијативата за издавање „Зелена обврзница“ со која требаше да се финансираат овие проекти, со месеци стои во фиоката на Ковачевски кој повеќе од очигледно, смета дека децата од Аеродром не заслужуваат да учат во нови училишта и да растат во нови градинки“ - рече Митески. -Проектот „Зелена обврзница“ беше поздравен од комерцијалните банки и приватните компании, а концептот на кој се заснова реализацијата на инфраструктурните проекти, доби позитивни оценки и од меѓународните партнери на Општина Аеродром. И покрај тоа што оваа обврзница е со многу поповолни каматни стапки од обврзниците кои издава државата, веројатно, само Ковачевски и неговите советници кои се платени токму од нашите пари, сметаат дека Аеродром не заслужува нови капитални проекти кои ќе се финансираат од општински средства. На крајот дозволете ми да потенцирам дека новите детски градинки и новите училишта се реална потреба во една од најголемите и најнаселени општини во Македонија и тие мора да почнат да се градат што поскоро. Ние сме целосно подготвени, а следната година, веднаш по промената на власта, ќе започнат активностите за реализација на овие капитални инвестиции. Во меѓувреме, го повикуваме премиерот Ковачевски да најде решение, или пак да даде одговор на стотици семејства чии дечиња со години чекаат ред за упис во детска градинка во Аеродром, вели тој.

Муцунски заедно со носителот на советничката листа Митески извршија увид во градежните активности кај градинката „Црвенкапа“

Магдалена Андонова — Tue, 02 Nov 2021 14:53:58 +0000

Новиот градоначалник на општина Аеродром, Тимчо Муцунски преку својата официјална страница на Фејсбук посочи дека најголемите проблеми на родителите во општина Аеродром е недостигот на места во градинките. - Уште веднаш започнуваме постапка за изградба на две нови градинки. Во нашата програма ветивме четири нови градинки кои ќе ги реализираме, напиша тој. Муцунски денеска заедно со носителот на советничката листа Дејан Митески извршија увид во градежните активности кај градинката „Црвенкапа“. - Правиме сè во наша надлежност за подобар живот во Општина Аеродром, додава градоначалникот Тимчо Муцунски.

Дејан Митески на чело на Советот на Општина Аеродром

Катерина Бојаџиева — Mon, 01 Nov 2021 13:04:26 +0000

Дејан Митески беше избран за претседател на Советот на Општина Аеродром на денешната конститутивна седница, на која беше верифициран и мандатот на новите членови. Тој порача дека ќе се залага Советот да игра конструктивна улога во работата на Општината, со цел да придонесе за подобрување на условите за живот на граѓаните. „Од оваа говорница можам да порачам дека ќе работам транспарентно, одговорно и чесно со единствена цел – просперитет на Општина Аеродром што им го должиме на нашите граѓани“, изјави Митески, преземајќи ја функцијата претседател на Советот на Општина Аеродром. Градоначалникот на Општина Аеродром, Тимчо Муцунски, честитајќи им го изборот, им посака успешна работа на новите советници и нагласи дека очекува конструктивна работа на Советот. „Се надевам дека ќе имаме добра соработка и дека сите ќе бидеме на иста линија на размислување кога е во прашање развојот на општината. Доколку на сите ни е тоа крајна интенција и цел во секој момент при одлучувањето и во Советот и во нашето секојдневно работење заедно со општинската администрација, која исто така има значајна улога, верувам дека на крајот на нашиот мандат сите ќе бидеме задоволни од тоа што сме го сработиле“, изјави Муцунски.

Митески: Додека сите првачиња се радуваа на првото училишно ѕвонче, Марин и Царовска им ја укинаа радоста на дечињата од ОУ „Димитар Македонски“

Магдалена Андонова — Wed, 01 Sep 2021 12:06:10 +0000

За жал, срамот е на Златко Марин и Мила Царовска. Додека во цела Македонија првачињата се израдуваа на првото училишно ѕвонче, дечињата од ОУ "Димитар Македонски" во Населба Лисиче немаа таква можност. После 5 години од почнување со изградба, после сите лаги искажани од градоначалникот и министерката за образоввание, единствено "успешно" им ја укинаа радоста на стотина дечиња, кои овој ден требаше да го паметат цел живот. Нема зборови кои можат да ја опишат оваа неспособност наречена СДСМ. Искрено жалам за секоја изгубена детска насмевка поради неспособноста на "владетелите". Овде не станува збор за политика, овде станува збор за тажна слика која ќе ја паметат долги години една цела генерација на дечиња и родители. Жално и срамно. Фејсбук статус на Дејан Митески

Трошење пари пред избори?

Дарко Андоновски — Thu, 26 Aug 2021 07:56:56 +0000

Заспани 3 години, се будат пред избори. Не отварам врата, ќе ми го асфалтираат ходникот, на смеа ќе рече тетка Маре. Ништо поразлично не е ни во Аеродром. Градоначалникот се разбуди од зимски сон и после 3 години сфати дека нешто треба да направи. Но за жал, ќе биде запаметен како единствен градоначалник во Аеродром без ниту еден капитален објект во својот мандат. Градоначалник за шминка и украсување, со дебела провизија. За среќа, замина во историјата. Но за жал, таква е матрицата на СДСМ, различен лик, исти постапки. Податоците од буџетот во 2018, 2019, 2020 и 2021 година покажуваат дека златко Марин имал на располагање околу 80 милиони евра и направил НИШТО. Податоците од Бирото за јавни набавки покажуваат дека склучил договори во вредност од 15 милиони евра, од кои само 1.7 милиони евра во 2018 и фантастични 5 милиони евра за 8 месеци во 2021 година. Општина Аеродром стана општина во која "квалитетот" е главен критериум за добивање на тендер. Принципот за најниска цена одамна не се применува, дури ни за тоалетна хартија. А квалитетот секогаш сомнителен, гледаме сите. Фотелјата очигледно бара "квалитетна" хартија. Анализите на спроведените тендери, постигнатите цени и повторувањето на исти добавувачи, експерти за бини, озвучување, клупи, корпи за отпадоци, спортска опрема и бекатон коцки, отвараат сериозни сомнежи за злоупотреба на буџетски средства од страна на надлежните и за скоро време ќе треба да дадат одговор, но и да понесат одговорност. Се е по закон и тие се цените не е прифатлив одговор. За непазарни цени, десетина пати повисоки од пазарните, ќе се одговара. Со само 20% заштеда на јавните набавки, на потрошени 15 милиони евра, ќе имало дополнителни средства во износ од 3 милиони евра, за најмалку 2 нови градинки, 4 монтажни гаражи, мерни станици за квалитет на воздухот во секое населено место, десетина нови фасади на згради, нови катчиња за повозрасните... Но тоа го нема. На Аеродром му треба посветено и домаќинско работење, од прв до последен ден. Будење пред избори е веќе видена приказна и не проаѓа кај граѓаните. Градоначалникот се избира за четири години и токму во тој период, во континуитет, гласачите очекуваат негова искрена, посветена, домаќинска работа. Токму таква промена ќе види Аеродром после локалните избори. Колумна на Дејан Митески

Аеродромци ќе платат 3 милиони денари штета поради тоа што Марин раскина договор со ФФМ, Митески открива детали

Ивана Ефремовски — Thu, 22 Jul 2021 07:20:29 +0000

Една од првите одлуки на Златко Марин беше раскинување на договорот со ФФМ за користење на фудбалското игралиште во Реонски центар и доделување на користење без надоместок на луѓе блиски до градоначалникот. После скоро 4 години, општина Аеродром го изгуби спорот и согласно информациите ќе треба да исплати на ФФМ повеќе од 3 милиони денари штета и трошоци, истакнува Дејан Митески од ВМРО-ДПМНЕ. „Недомаќинското раководење со општината, водено од лични интереси и непознавањето на регулативата доведе до штети по буџетот кои ќе ги плаќаме сите ние. И покрај тогашните апели општината да не презема ваков чекор, градоначалникот сакајќи да им овозможи брза заработка на луѓето околу него, презема штетен чекор, кој денес сите нас ќе не чини многу. Наместо овие 3 милиони денари да се инвестираат во уште еден спортски објект, ќе завршат во штети и судски трошоци. Вака не се води општина“ - пишува тој.

Митески: Општина Аеродром и Марин набавуваат бекатон за вртоглави 4.100 денари, а истиот чини 360 денари

Дарко Андоновски — Thu, 15 Jul 2021 09:25:50 +0000

Дејан Митески од ВМРО-ДПМНЕ преку статус на Фејсбук пишува дека општината Аеродром на чело со Златко Марин набавува бекатон на тендер за вртоглава цена од 4.100 денари, додека истиот чини 360 денари. -Бекатон: - на пазар 360 денари - на тендер 4.100 денари Златко Марин, ова нели е безобразно крадење? После октомври ќе следи одговорност, биди сигурен, вели Митески во својот статус.

Митески: Марин за четири години потрошил 5 милијарди денари за работи за кои има вработено луѓе кои зимаат плата

Дарко Андоновски — Fri, 25 Jun 2021 09:43:27 +0000

Дејан Митески од ВМРО-ДПМНЕ Аеродром преку статус на Фејсбук открива нови серија криминали на градоначалникот Златко Марин. -Нова серија на криминалите на Златко Марин За што ни ги троши парите? ➖ Организација на прес конференција - 130.000 денари. ➖ Водење протокол - 50.000 денари. ➖ Соопштение - 7.000 денари. ➖ Односи со медиуми - 145.000 денари ➖ Организација на настан - 254.000 денари. ➖ Теренско истражување - 580.000 денари. За 4 години, на ваков начин потроши 5️⃣ МИЛИЈАРДИ денари. А за сите овие работи, општина Аеродром плаќа редовно вработени луѓе. #Златко, нели е доста⁉️, стои во неговиот пост на Фејсбук.

Митески: Уште 4 месеци остануваат и ќе дојде крајот на најнеспособната локална самоуправа предводена од СДСМ и Марин

Дарко Андоновски — Thu, 24 Jun 2021 07:41:56 +0000

Дејан Митевски од ВМРО-ДПМНЕ преку статус на Фејсбук пишува дека 2020 година одамна минала, но лагите на Златко Марин останаа. -2020 година одамна помина, а лагите останаа. На средина од 2021 година, нова амбуланта во Населба Лисиче НЕМА. Повторно фатени во лага, Златко Марин и Венко Филипче, со ЌЕ ветување најавуваат нова амбуланта, ама не знаат кога. На пратеничко прашање поставено од Синиша Стојаноски, Венко вика дека проектот почнал. Би дополнил, Венко да отиде во Лисиче и да ја види амбулантата. Треба да му е срам што една таква руина се нарекува амбуланта, а жал што илјадници жители на Лисиче се приморани да користат здравствени услуги во таков објект. СДСМ и нивните функционери се луѓе без образ. За нив ветувањето не важи. Уште 4 месеци остануваат и ќе дојде крајот на најнеспособната локална самоуправа предводена од СДСМ и Марин, стои во неговиот пост на Фејсбук. Аеродром ќе го казни СДСМ за сите лаги и неоствсрени ветувања.

Митески: Марин во 2017 година вети изградба на нова гимназија во Аеродром, после четири години гимназија нема!

Тале Кристо — Tue, 22 Jun 2021 08:01:54 +0000

Златко Марин во 2017 година вети изградба на нова гимназија во Аеродром. Да биде поубедлив во лажењето, смислил и име "Кузман Јосифовски - Питу". Мила Царовска во 2021 година вика дека гимназија нема, општината не доставила барање. Накратко, ве лажевме, пишува на социјалната мрежа на Фејсбук Дејан Митески од ВМРО-ДПМНЕ. -Изгубени во лагите. Златко Марин во 2017 година вети изградба на нова гимназија во Аеродром. Да биде поубедлив во лажењето, смислил и име "Кузман Јосифовски - Питу". Мила Царовска во 2021 година вика дека гимназија нема, општината не доставила барање. Накратко, ве лажевме. Сигурен сум дека СДСМ во 2021 година, пред локални избори, повторно ќе го вети овој проект. Но исто така убеден сум дека од позиција на опозиција нема да имаат можност да го реализираат. Аеродром ќе добие нов градоначалник и тоа е повеќе од јасно. Златко Марин ќе го заврши овој четиригодишен мандат со 0 (со букви: НУЛА) капитални проекти. А обвинувал дека претходно многу малку се реализирало. Златко, 0 поделено на 4 е НУЛА. Ете толку сработи овие четири години, пишува Митески во својата објава.