дејан митевски – Kurir.mk

Митевски го повика Марин на дебата, во врска со скандалозните јавни набавки кои што се случуват во општина Аеродром

Тале Кристо — Fri, 28 May 2021 12:07:22 +0000

Претседателот на ОК ВМРО-ДПМНЕ Аеродром, Дејан Митевски и порпаролот на партијата Наум Стоилковски денеска беа повикани на увид во документацијата околу јавните набавки во општина Аеродром, но и покрај тоа што беа повикани од страна на градоначалникот, Златко Марин не бил на своето работно место. Откако не успеаа да се сретнат со градоначалникот, Митевски јавно го повика Марин на дебата, а во врска со скандалозните јавни набавки кои што се случуват во општина Аеродром. -За жал иако е работно време градоначалникот не е на своето работно место иако се надевавме дека ќе го најдеме и ќе имаме можност директно да продискутираме со него за овие јавни набавки. Имајќи во предвид дека немавме таква можност јавно би упатил еден апел до него да одбере медиум по негова желба по негов избор во термин во кој што тој ќе одлучи да продискутираме јавно пред граѓаните за сите овие јавни набавки. Се надеваме дека ќе имаме разбирање од градоначалникот да ја прифати поканата, истакна Митевски.

Митевски до Марин: Дали ќе чека ОЈО, ДКСК и ДЗР да го потсетат на законските обврски и злоупотребите со јавните набавки кои ги прави?

Дарко Андоновски — Tue, 20 Apr 2021 07:23:10 +0000

Дејан Митевски на својот Фејсбук профил сподели фотографија од општина Аеродром под која пишува дека повеќе од три ипол години се борат со градоначалникот Златко Марин да ги достави поединечните цени на сите тендери. -За жал, реалност во Општина Аеродром. Повеќе од три ипол години се "бориме" со Златко Марин да ги достави поединечните цени на сите тендери. Исто толку време одбива. Дали се плаши за тоа што јавноста ќе разбере по какви цени купувал клупи, корпи, сијалици, бекатон, чешми за вода и слично. Во тендерите ќе прочитате како една корпа за отпадоци чини 300 евра, една клупа за седење исто толку, една чешма за вода во парк повеќе од 1000 евра, канделабра од 300 евра и слично. Но ќе му дојде крајот и на тоа. Јавно нека одговори градоначалникот дали од Бирото за јавни набавки му е доставено известување за задолжително објавување на поединечните цени, а во спротивно ше следи блокада на општината и неможност за објавување на нови тендери. Јавно нека одговори градоначалникот од која причина повеќе од еден месец не одговара на советничко прашање поставено од Pane Antovski и зошто не му ги доставува поединечните цени по сите склучени фоговори за јавни набавки. Дали ќе чека ОЈО, ДКСК и ДЗР да го потсетат на законските обврски и злоупотребите со јавните набавки кои ги прави? Во наредниот период, со негова желба или не, јавноста ќе разбере за секој криминал направен од општина Аеродром, поврзан до јавните набавки. #Златко, крајот ти е блиску. Секој криминално потрошен денар од општинска сметка ќе го платиш од џеб. Доста е!, стои во неговиот пост на Фејсбук.

За жал, реалност во Општина Аеродром. Повеќе од три ипол години се "бориме" со Златко Марин да ги достави поединечните... Posted by Дејан Митески on Понеделник, 19 април 2021

Аеродром LEVEL UP!

Катерина Бојаџиева — Wed, 31 Mar 2021 20:05:01 +0000

Фонтани, детски игралишта, паркинзи? Да, и тоа како нужно потребни за сите граѓани. Но дали општина како Аеродром треба на тоа да застане? Еден цел мандат од 4 години изгубен во времето и просторот, без идеја за нешто повеќе. Општина со повеќе од 100.000 жители заслужува подобро. Заслужува едно повисоко ниво на урбано живеење, хуман и еднаков развој во сите свои делови. Голф терен секако не е тоа.Треба да изградиме нешто поинакво, нешто што ќе биде од корист за сите граѓани, нешто за најмладите, но и за возрасните. Општина која ќе биде гордост за сите свои жители. Визијата на актуелниот градоначалник во заминување, за жал не успеа да ги подигне условите за живот во Аеродром на едно повисоко ниво. Ако градоначалникот се промовира со чистење на фонтани, знаете дека во суштина нема ништо направено. Но тука ќе запрам за него, не е вредно да се коментира повеќе што направил или не направил. Во суштина не треба многу да се измислува. Доволно е да се преземат добрите практики од европските општини, слични по структура и големина на Аеродром и да се имплементираат, секако прилагодени на потребите и условите на Аеродром. Можеби современа велосипедска инфраструктура? Која секако не подразбира само вело патеки со бекатон плочки, туку многу повеќе. Безбедни места за паркирање на велосипеди, соодветно обележани патеки, прилагодени ивичници на булеварите. Зошто да не и зона 0, каде ќе биде дозволено движење само на пешаци и велосипедисти? Зошто да не и ден без автомобили? Така добиваме 0 емисија на гасови, намалено загадување, многу помала бучава и поголема безбедност. И ова не треба да се измисли, ова функционира, треба само да се имплементира. А и долго време е барање од „На точак“, ама нема кој да слушне. Спортот како суштина, не како дисциплина. Квалитетна спортска инфраструктура, достапна за сите без исклучок е нешто што ќе поттикне создавање на здрави навики и зависност од спорт. Современо образование? Да, ама тоа не е само фарбање на фасади и боење на училници. Тоа подразбира многу повеќе. Општина Аеродром ги има сите предуслови за сериозна модернизација на образованието, на начин што наставата ќе биде прилагодена на современите текови, позабавна за учениците, а со тоа ќе покрене и поголем интерес од нивна страна. Современо образование со современи методи. Социјална и детска заштита прилагодена на родителите и достапна за сите! Не родителите да се прилагодуваат на потребите на градинките, потребно е спротивното, градинките да се прилагодат на потребите на родителите. Како? Со изградба на нови, модернизација на постоечките и воведување на современа програма за најмладите. Градинките за жал се недостапни за многу дечиња и тоа мора да се промени. Квалитетна и здрава исхрана, еко градини, учење низ игра и многу други неопходни промени кои мора да се случат. Селекција на отпад? Искористување на сончева енергија заради енергетска ефикасност? Да, што побрзо. Ако се стремиме кон урбано живеење, повисоки стандарди, ова е неопходно. Но да не заборавиме, потребен е и целосен и рамномерен развој во Аеродром. Лисиче како дел од Аеродром мора да го достигне нивото на Аеродром, во развој и услови за живеење. Урбанизација на Лисиче и создавање на предуслови за квалитетна инфраструктура се неопходни за развој на овој дел од општината. Горно и Долно Лисиче се заборавени од локалната власт. Последниот урбанистички план е донесен пред дваесетина години. Најверојатно општинските власти не гледале бизнис интерес, што е жално, за да бидат мотивирани да се донесе урбанистички план и тоа мора да се промени. Условите за живот, поконкретно подобрите услови за живот, мора да бидат прв приоритет за урбанизација, а не нови згради. И на крај ќе се вратам на почетокот. LEVEL UP е неопходен за Аеродром. Ниво кое ќе биде за пример и ќе се трудат да го достигнат сите останати. Хуманизација, а не бетонизација на Аеродром. Дејан Митевски

Митевски: Марин во време на пандемија ќе потроши 3.200.000 денари за набавка на опрема за озвучување и хепенинзи

Магдалена Андонова — Thu, 03 Dec 2020 14:42:24 +0000

Во време на пандемија, национална катастрофа, максимално загадување, наместо да се посвети на реалните проблеми, Златко Марин не губи време за криминални тендери. Наместо за помош на семејствата за набавка на ИТ опрема за потребите на учениците или преземање на конкретни мерки против загадувањето, градоначалникот троши наши пари на непотребни работи, изјави денеска за медиумите, Дејан Митевски, претседател на ОК Аеродром на ВМРО-ДПМНЕ. -Тендер власта предводена од СДСМ и Марин во време на пандемија ќе потроши 3.200.000 денари за набавка на опрема за озвучување и хепенинзи. Чекаше повеќе од 8 месеци по спроведена постапка за јавна набавка да потпише договор со фирма која е чест добитник на тендери во општина Аеродром, чија понуда доставена во март 2020 година е истечена, а дополнително, со договорот заради техничка соработка се ангажира и компанија која престанала да постои во мај 2020 година, вели тој. - Како да му беше малку, па распиша и тендер за новогодишно осветлување за потребите на општина Аеродром, кој се уште не знаеме колку ќе не чини. Немаше друга побитна работа во општината да се сработи, дојдено беше до новогодишни прослави и осветлувања. По примерот на Шилегов, можеби ќе се обиде и да го оправда и овој тендер, дека е во интерес на граѓаните, но освен за негов личен, Марин не знае за друг интерес, посочи Митевски. - На криминалите на власта им нема крај. Почнувајќи од централна, преку градска и општинска власт, знаејќи дека им изминува времето и за многу скоро ќе одговараат за сите криминали, тендери, распродажби и понижувања, се обидуваат да зграбат што е можно повеќе. Па така, приоритет им се тендерите и зградите, а не потребите на граѓаните. Ова мора да се промени многу брзо, а одговорност да сноси секој кој постапил спротивно на законот, додаде тој.

Мицкоски: Власта врши политички прогон врз Димовски и Митевски

Катерина Бојаџиева — Sat, 13 Jul 2019 15:25:15 +0000

Христијан Мицкоски, претседателот на ВМРО-ДПМНЕ во гостувањето на ТВ Алсат М вели дека власта врши политички прогон врз опозицијата бидејќи сфатиле дека ВМРО-ДПМНЕ не може да го победат на избори и бидејќи ја губат довербата кај граѓаните, решиле да ја напаѓаат опозицијата преку апсења, политички прогон, судски терор и фингирани обвиненија. -Еве како што бевте сведоци пред недела и нешто беше нападнат ВМРО-ДПМНЕ и беше уапсен и однесен во притвор еден член на Извршниот Комитет на партијата и еден член на Централниот комитет и претседател на Општинскиот комитет, Аеродром. Зошто ако ме прашате, одговорот е јасен Димитар Димовски е уапсен само поради една причина затоа што ги изнесуваше јавно криминалните скандали, насилничкото однесување на функционерите на СДСМ како што беше претепувањето во кабинетот на градоначалникот во Шуто Оризари, Курто Дудуш, кој што е претставник на СДСМ, а Дејан Митевски затоа што на дневна основа како претседател на Општинскиот комитет на ВМРО-ДПМНЕ во Аеродром ги разобличува криминалиите и неработењето на градоначалникот Златко Марин кој што е дел од СДСМ. Мицкоски нагласи дека ВМРО-ДПМНЕ ќе го издржи овој политички терор и прогон од страна на власта, но ќе дојде ден кога членот 353 став 5 од Кривичниот законик ќе почне да важи за нив, односно ќе одговараат еден ден за се она што денеска го прават.

Мицкоски: Случајот против Димовски и Митевски го води обвинител сестра на функционер на СДСМ

Ивана Ефремовски — Wed, 03 Jul 2019 16:59:44 +0000

Претседателот на ВМРО-ДПМНЕ, Христијан Мицкоски во своето гостување во емисијата „Отворено на Алфа“ рече дека СДСМ се свесни дека ја губат довербата кај граѓаните и единстевниот начин е како на теоретски начин они си го замислуваат е да вршат притисок врз политичките неистомисленици, во опозицијата во случајот. -Видовте вие дека монтираа слуачј онаму кадешто немаа случај. Односно член на Извршниот Комитет на ВМРО-ДПМНЕ, Димитар Димовски и член на Централниот Комитет на ВМРО-ДПМНЕ односно претседател на општинскиот комитет на ВМРО-ДПМНЕ во Аеродмор, Дејан Митевски се приведени. Обвинението е покренато од обвинител којшто е сестра на поранешен, а може и сегашен функционер на СДСМ. Порано знам дека беше претседател на младината на СДСМ или од СДММ какошто тие ја нарекуваат и од искуството коешто дента се случувало во судот, сфаќам со колкава жестина практично сакаат да атакуваат врз ВМРО-ДПМНЕ и да ја угушат различната мисла практично слободната мисла во Република Македонија, истакна претседателот Мицкоски. Тој посочи дека Димитар и Деајан се приведени затоа што во документот којшто е изработен се потписници неколкумина и по функција тие се потпишале бидејќи едниот бил раководител на сектор, другиот раководител на одделение. -Димитар и Дејан не учествувале нитуе еден милиметар од постапката којашто е комплетно законска во една фер и транспаретна постапка ќе се докаже тоа но, штетата којашт се прави врз овие двајца врз останатите кои се дел од овој монтиран случај ќе биде моментална, додаде претседателот на ВМРО-ДПМНЕ.

Митевски: Поради незадоволството на аеродромци, Советничката група на ВМРО-ДПМНЕ бара седница со овие 2 точки

Катерина Бојаџиева — Wed, 10 Oct 2018 11:00:45 +0000

Спротивно на апелите на граѓаните за неградење, шверцерски во екот на ноќта во текот на вчерашниот ден со одобрение издадено од Марин, багери и тешка механизација пристигнаа на локацијата кај „Мајчин дом“ и почнаа со градежни активности, истакна Дејан Митевски, Претседател на ОК на ВМРО-ДПМНЕ Аеродром. -Марин пред изборите ветуваше повлекување на ДУП - от и повеќе зелени површини за Аеродром. Состојбата сега е сосема спротивна. Наместо повлекување на ДУП - от, Марин издал и одобрение за градба со што ставил потпис на како што велеше пред изборите на еколошката катастрофа за Аеродром и запирањето на струењето на воздухот во општината, рече Митевски и додаде: „Работењето на локалната самоуправа спротивно на интересите на граѓаните е недозволиво. Имајќи ги во предвид барањата и незадоволството кое го изразуваат жителите на Аеродром од изградба на девет катницата кај „Мајчин дом“, во име на Советничката група на ВМРО-ДПМНЕ и коалицијата денеска поднесуваме Барање за свикување на седница на Советот на општина Аеродром со две точки на дневен ред: 1. Донесување на Предлог одлука за запирање на спроведувањето на деталните урбанистички планови и тоа: - ДУП за градска четврт И10, кај Мајчин дом - ДУП за локалитет Црква - УЕ Б Тобако. 2. Донесување на Предлог одлука за задолжување на Одделението за урбанизам во рок од 30 дена од донесување на одлуката да изврши ревизија на двата горенаведени урбанистички планови и да го информира Советот на општина Аеродром. Имајќи го во предвид јавниот интерес, апелираме седницата на советот да биде закажана во најкраток можен рок. Потенцираме дека доколку СДСМ не ја свикаат седницата, членовите на советот сами ќе се состанат согласно чл.39 ст.3 од Законот за локална самоуправа“. Тој подвлече и дека ветувањата на Марин и СДСМ за зачувување на зеленилото и повеќе нови зелени површини беа само една обична лага, за предизборно манипулирање на граѓаните. -Граѓаните видоа дека Марин не работи во нивен интерес. Градежниот хаос не смее да продолжи. Марин и СДСМ да ги прифатат предлозите на ВМРО-ДПМНЕ во спротивно ќе докажат дека воопшто не им е важно што мислат граѓаните.

Митевски: На лагите на СДСМ и Марин им нема крај- ветуваше запирање на градежна експанзија и повеќе зелени површини, сега забрзано издава градежни дозволи

Катерина Бојаџиева — Sun, 07 Oct 2018 11:46:57 +0000

На лагите на Златко Марин и СДСМ им нема крај. Додека да дојде на власт ветуваше запирање на градежната експанзија и повеќе зелени површини, сега откако е градоначалник забрзано издава градежни дозволи, истакна Дејан Митевски, Претседател на ОК на ВМРО-ДПМНЕ Аеродром. -Пред околу дваесетина дена предупредивме дека општина Аеродром е спремна да издаде одобрение за изградба на нова висококатница на локацијата кај „Мајчин дом“, па Златко Марин го искористи предреферендумскиот период и на инвеститорот му издаде одобрение за градење на станбено деловен комплекс на површина од околу 14.000 м2, поточно десеткатница со повеќе од 240 нови станови. Златко Марин одобрението за градење го издал на 19-ти септември. Иако ветуваше дека ќе ја спречи изградбата на оваа висококатница, дека ќе го зачува зеленилото токму на овој простор, како по навика, повторно излажа. „Ќе го запреме градежниот хаос, ќе направиме ревизија на ДУП-овите“ беа предизборни ветувања кои за жал никогаш нема да чекаме да се реализираат, истакна Митевски и додаде: „Залудни беа и барањата и потребите на граѓаните. Сепак зеленилото кај „Мајчин дом“ ќе биде минато. Како најнеспособен градоначалник на Аеродром, како човек за кого зборот не е збор, успеа да стане рекордер во град Скопје и тоа по број на издадени одобренија за градење. Имено, за помалку од една година колку што е на власт, успеа да издаде одобренија за градење на повеќе од 1.100 нови станови во Аеродром. Ова е далеку од животот кој беше ветуван, ова претставува најгруба манипулација со граѓаните кои го дадоа својот глас за Марин, очекувајќи дека бар ќе се потруди да ги реализира ветувањата“.

Митевски: Аеродромци ги прочитаа Заев и СДСМ, ја видоа нивната погубна политика и затоа опадна нивната поддршка помеѓу граѓаните

Катерина Бојаџиева — Fri, 05 Oct 2018 15:27:14 +0000

Дозволете ми во име на општинскиот комитет на ВМРО-ДПМНЕ во Аеродром да изразам огромна благодарност до сите сограѓани за покажаната висока демократска и патриотска свест, на начин што одлучија да не дадат поддршка на договорот за промена на уставното име, идентитетот, историјата, јазикот и традицијата на Република Македонија, истакна Дејан Митевски, Претседател на ОК на ВМРО-ДПМНЕ Аеродром. -Во општина Аеродром СДСМ за една година изгуби речиси 2.000 гласови, од добиени 22.500 гласови на локалните избори, референдумот го поддржаа околу 20.500 граѓани. Катастрофалната економска политика, криминалните тендери, срамниот договор со Грција, лагите и манипулациите на Златко Марин, реализацијата на нула проекти во Аеродром придонесоа драстично да се намали поддршката на СДСМ во Аеродром, истакна Митевски и додаде: „Аеродромци ги прочитаа Зоран Заев и СДСМ, ја видоа нивната погубна политика и затоа опадна нивната поддршка помеѓу граѓаните, а и во периодот што следува дополнително ќе се намалува. Ве повикувам сите заедно битката да ја продолжиме се до конечна победа. Македонија вечна!“.

Митевски: Висококатницата кај „Мајчин дом“ ќе се гради, Марин ќе издаде одобрение за градење

Дарко Андоновски — Sat, 15 Sep 2018 13:36:25 +0000

Здравјето и животот на граѓаните мора да биде поважно од неброените фирми и банкарски оф-шор сметки!, ова денеска на пресконференција го истакна Дејан Митевски од ВМРО-ДПМНЕ. -Знаете ли дека има друг начин да го обесштетите самиот сопственик на земјиштето? Можете по пазарна цена да го исплатите, можевте во компензација со друга локација да го искомпензирате за да се зачува таму зеленилото. Вака Златко Марин пред локалните избори бараше поддршка од граѓаните. Но по седнување во градоначалничката фотелја, како да доби амнезија. Наеднаш се` заборави, па наместо да се занимава со реалните проблеми на Аеродромци, без срам почна да дели памфлети полни со лаги и манипулации. Драги сограѓани, ситуацијата во Аеродром е повеќе од алармантна. Според информациите до кои дојдовме, Златко Марин веднаш по завршување на референдумот на 30-ти септември е спремен да издаде одобрение за градење на нова висококатница, овој пат на локацијата кај „Мајчин дом“. Инвеститорот за таа цел веќе уплатил и комуналии во износ од повеќе од 100 милиони денари, истакнува Митевски. Тој додава дека станува збор за нова десеткатница, со повеќе од 240 станбени единици и деловен простор, на површина од околу 14.000м2. -Иако пред избори имаше премногу идеи како да ја спречи изградбата, се одлучи да си го погази зборот и како што самиот викаше „банкарските оф-шор сметки да ги стави пред здравјето и животот на граѓаните“. Иако е скоро од една година на власт, не покрена ниту една постапка за ревизија на било кој урбанистички план, не отпочна со реализација на ниту еден капитален проект во Аеродром. Г-дин Марин, по не знам кој пат докажувате дека за Вас зборот не е збор. Повторно како и многупати досега ќе пробате да се оправдате, под изговор дека некој друг е крив за ова, но изговорите не Ви поминуваат. Вие и единствено Вие сте одговорен за ова денес што се случува во општина Аеродром. Граѓаните се почесто се разочарани од Вашите лаги, а образот го изгубивте одамна.