дејан недев – Kurir.mk

Дејан Недев оствари средба со претседателот на Данската карате федерација, Џаспер Гран

Ивана Ефремовски — Thu, 25 Aug 2022 17:45:12 +0000

Во рамки на посетата на Данска, Дејан Недев во Копенхаген оствари средба со претседателот на Данската карате федерација, Сенсеи Џаспер Гран. На средбата беше разговарано за отпочнување на соработка помеѓу Македонската и Данската федерација карате федерација преку учество на меѓународни карате семинари и натпревари во традиционалното карате. Дејан Недев како генерален секретар на светската федерација ИТКФ упати и покана до Дин Џаспер за членство на Данската федерација во европската ЕТКФ и светската ИТКФ федерација за традиционално карате. Џаспер се заблагодари на поканата на Недев и рече дека со задоволство ја прифаќа поканата да станат членови на ЕТКФ и ИТКФ. Инаку Дејан Недев на 23 и 24 август на покана на Данската федерација го посети и новиот најмодерен центар за боречки спортови (карате, џудо, џиу џица, таеквондо и кик боксери) во Копенхаген, Данска.

Десет години од првата европска титула на Дејан Недев

Ивона Петрова — Tue, 16 Nov 2021 10:47:21 +0000

На денешен ден пред точно 10 години, Дејан Недев ја освои првата европска титула во традиционално карате во најтешката дисциплина (борби-кумите) во сениорска конкуренција, на 30. ЕТКФ Европски шампионат во Ерусалим, Израел. – Овој историски резултат ќе остане засекогаш запаметен бидејќи е прв златен медал во историјата освоен на едно вакво големо европско натпреварување. Дејан Недев во финалето успеа да го победи Роман Лукианетс од Украина, а предходно ги победи преставниците на Полска, Кипар, Литванија и Романија. По овој резултат Дејан Недев се стекна со највисокото Национално спортско признание што му го додели нашата држава, информираат од МТКФ. Дејан Недев и ден денес е активен спортист, натпреварувач и тренер кој пред две недели во Белград на 35. ЕТКФ Европски шампионат ја освои осмата европска титула по ред во дисциплината кати поединечно.

Дејан и Венцислав Недеви одликувани со највисоки признанија на ЕТКФ за придонес и развој на карате спортот во Европа

Ивана Ефремовски — Wed, 03 Nov 2021 19:15:12 +0000

Венцислав и Дејан Недев на свеченото отварање на ЕТКФ Европскиот шампионат во традиционално карате во Белград, Србија беа одлукувани со највисоко спортско признание на ЕТКФ за нивен придонес и развој на карате спортот во Европа. Признанијата им ги додели претседателот на ЕТКФ легендарниот каратист д-р Владимир Јорга претседател на ЕТКФ. Дејан Недев во моментов ја извршува функцијата Генерален секретар на ЕТКФ, а Венцислав Недев е претседател на техничката комисија на ЕТКФ.

БРАВО: Дејан Недев е европски шампион!

Ивана Ефремовски — Tue, 05 Oct 2021 14:42:40 +0000

Нашиот најдобар каратист Дејан Недев го освои првото место и златниот медал во кати за сениори на ЕК во традиционално карате во Катовице, Полска. Конкуренцијата во оваа дисциплина беше многу силна каде учествуваа 28 натпреварувачи од најсилните европски земји. Второто место го освои преставник од Романија, а третото место го поделија преставниците на Унгарија и Италија. Ова за Дејан Недев е седма европска титула, информираат од МТКФ.

Македонија освои 2 златни, 1 сребрен и 2 бронзени медали на ИТКФ Медитеранскиот онлајн шампионат во кати

Ивана Ефремовски — Fri, 17 Jul 2020 18:53:43 +0000

Македонската репрезентација во традиционално карате на ИТКФ Медитеранскиот онлајн шампионат освои 2 златни, 1 сребрен и 2 бронзени медали во кати кој се одржа вчера и денес онлајн. Дејан Недев го освои сребрениот медал во сениорска конкуренција кој мора да истакнеме дека беше грубо оштетен од судиите во финалето. Тој ја изработи неговата ката за класи и класи подобро од неговиот противник. Златни медаљи освоија Мила Саздова во јуниорска конкуренција и Александра Стојановска во кадетска конкуренција. Аљоша Недев го освои бронзениот медал за сениори, а Максим Илиев го освои исто така бронзениот медал во кадетска конкуренција. Со почит МТКФ.

Најмладите надежи ќе ја претставуваат Македонија на Европскиот фудокан карате шампионат

Ивана Ефремовски — Fri, 07 Dec 2018 15:30:42 +0000

Македонската репрезентација во традиционално карате од денес до недела учествува на Европскиот фудокан карате шампионат во Порторож, Словенија. Македонските каратисти ги предводи Дејан Недев тренер на најмладите надежи: Мила Младеновска, Камелија Недев, Иван Трпковски, Борјан Синадиновски, Матеј Мангаровски и Софија Јарчевска.

Дејан и Венцислав Недев на карате семинар во Берлин

Ивона Петрова — Sat, 29 Sep 2018 09:37:17 +0000

Селекторот и тренерот на Македонската традиционална карате федерација (МТКФ), Венцислав Недев и Дејан Недев, денеска и утре ќе учествуваат на ЈКА карате семинар во Берлин. Карате семинарот е под водство на Сенсеи Такенори Имура 8 дан. Како што информираат од МТКФ, Сенсеи Имура важи за еден најдобрите светски карате инструктори кој бил повеќекратен шампион на Јапонија и асистент на големиот светски карате мајстор и основач на ЈКА сенсеи Масатоши Накајама. МИА

Дејан Недев на семинар во Лондон

Ивона Петрова — Thu, 01 Feb 2018 15:46:11 +0000

Најдобриот македонски натпреварувач во традиционално карате Дејан Недев од денес до 4 февруари ќе учествува на ЈКА карате семинар со Сенсеи Јошинобу Охта 7 дан, главен инструктор на ЈКА за Велика Британија, информираа од Македонската традиционална карате федерација. Сенсеи Охта во моментов важи за еден од најдобрите светски карате инструктори со извонредна чиста и висока карате техника кој долги години му беше главен асистент на прославениот сенсеи Касуке Еноеда. На семинарот предвидено е Дејан Недев да има излагање пред помлади каратисти од неколку карате клубови во Лондон кој се натпреваруваат во традиционално карате и се членки на светската федерација ИТКФ.