Дејан Радоњиќ – Kurir.mk

Дејан Радоњиќ се враќа во АБА-лигата

Бошко Тасиќ — Mon, 26 Jun 2023 04:10:55 +0000

Кошаркарскиот стратег Дејан Радоњиќ е најсериозен кандидат за преземање на тренерското место во кошаркарскиот клуб Будуќност. Стратегот е подготвен за камбек во регионалното натпреварување и веќе имал неколку состаноци со највисокото раководство на Будуќност, при што кај двете страни има сериозна желба за соработка, јавува Радио-телевизија Црна Гора. Радоњиќ е без ангажман откако доби отказ во Панатинаикос во текот на минатата сезона. Тимот од Подгорица во последните месеци отпушти двајца тренери, најпрвин Владимир Јовановиќ, а потоа и Петар Мијовиќ, па останува да се види дали Будуќност ќе постигне целосен договор со Радоњиќ, со што дефинитивно ќе ги потврди и високите амбиции за наредната сезона.

Панатинаикос официјално му врачи отказ на Дејан Радоњиќ

Бошко Тасиќ — Wed, 22 Feb 2023 05:49:53 +0000

Кошаркарскиот клуб Панатинаикос објави дека го раскина договорот со црногорскиот стратег Дејан Радоњиќ. Радоњиќ дојде во „зелено-белите“ на почетокот на сезоната, но атинскиот гигант не бележи резултати какви што се очекуваат, па веќе неколку дена се споменува смена, која вечерва и официјално се случи. Екипата против Армани Милано ќе ја води Христос Серелис. Се шпекулира дека за следната сезона екипата би можела да биде водена од легендарниот Пабло Ласо, екс тренерот на Реал Мадрид кој пред неколку дена ја одби селекторската позиција на Израел.

Хулигани го нападнале тренерот на Панатинаикос

Бошко Тасиќ — Tue, 17 Jan 2023 16:16:33 +0000

Тренерот на кошаркарскиот клуб Панатинаикос, Дејан Радоњиќ, бил нападнат од хулигани во Атина по мечот со Арис во грчкото првенство. Грчките медиуми јавуваат дека хулигани дошле пред соблекувалната и вербално го нападнале и побарале да ја напушти клупата на тимот од Атина. Панатинаикос во неделата го победи Арис со 96:79, но и покрај ова дојде до судир кој ги изненади сите во клубот. Навивачите му порачале на Радоњиќ дека тоа е само почеток, а ниту клупските челници не се труделе да ги заштитат тренерот и играчите. Панатинаикос е на второто место во грчкото првенство со ефект 10-2, додека во Евролигата моментно е на 15. позиција на табелата со седум победи и 12 порази.

Дејан Радоњиќ пред смена од клупата на Панатинаикос

Бошко Тасиќ — Mon, 02 Jan 2023 07:50:09 +0000

Олимпијакос уште еднаш докажа дека е подобар тим во овој момент и славеше со 71-95, а на тренерот Дејан Радоњиќ му преостанува да се обиде повторно да ја склопи сложувалката. Димитрис Јанакопулос уште му верува, но вчерашната изјава најави нешто друго. „Морам да се извинам за вчерашниот дебакл. Со потребните промени ќе се вратиме таму каде што припаѓаме. На самиот врв“, напиша претседателот во новогодишната честитка. Навивачите на Панатинаикос во текот на второто полувреме ги исвиркуваа своите играчи, а на крајот имаше и фрлени предмети на подот.