дејан владев – Kurir.mk

Владев: Го реализираме ветеното во Свети Николе, нов модерен парк, а паралелно се работи и на многу инфраструктурни проекти, следната година ќе работиме уште повеќе

Катерина Бојаџиева — Thu, 14 Sep 2023 11:55:59 +0000

За овој проект, овој парк кој е при крај и го ветивме на граѓаните на општината Свети Николе и јас како градоначалник, но и се реализира и со огромна помош од претседателот на ВМРО-ДПМНЕ Христијан Мицкоски. Заедно со помош на Вардарски плански регион и со средства од општина Свети Николе успеавме да изградиме модерен пам-трак каде што младите велосипедисти ќе може да уживаат во своето слободно време, изјави градоначалникот на општина Свети Николе Дејан Владев кој заедно со претседателот на ВМРО-ДПМНЕ, Христијан Мицкоски извршија увид во градежните активности на новиот парк во општината. - Паралелно го изградивме и моторичкиот парк каков што има само на други три места во Македонија, рече Владев. Владев посочи дека започната е постапка за изградба на мини амфитеатар кој ќе биде готов во следните 2-3 месеци, а изградено е и модерно детско катче кое го користат многу деца периодов. - Ова е само дел од проектите и може да кажам дека изградивме улици во село Црнилиште, Горобинци, неколку улици низ општината Свети Николе, го уредуваме речното корито и изградба на модерна пешачка патека. Го реконструиравме градскиот стадион, кошаркарското игралиште и се работи на изградба на четири големи улици, Гаврило Гаврилски, Михајло Апостолски и улица 3 и улица 4, изјави Владев. Тој додаде дека добиени се средства за балон сала во средното училиште, а ќе следи и изградба на улицата Орце Николов и замена на водоводната мрежа. - Ќе следи изградба на улици во Ерџелија, комплетна канализациона мрежа во Мустафино, за наредната година има доста проекти, спремни сме за 2024 година и од февруари ќе размислуваме дури за 2025 година, истакна Владев.

Владев: Во Свети Николе се асфалтираат повеќе улици, а започната е и процедура за изградба на нов парк

Ивана Ефремовски — Tue, 21 Feb 2023 12:31:44 +0000

Денеска сме на увид на градежните работи за изградба и асфалтирање на улиците „Октомвриска“ и „Кочо Рацин“. Зборуваме за цел потек кој што опфаќа 4 улици кој што претходно беа направени од растурена коцка и каде што населението кој што живее во овој предел во самото градско подрачје имаше големи проблеми дали со водоводната мрежа, дали со големите дупки што беа претходно од самата коцка. Заради тоа пошто е централно градско подрачје приоритет ни беше уште ланската година да го направиме овој голем потег каде што живее доста население во самото градско подрачје, изјави Дејан Владев, градоначалник на општина Свети Николе. -Зборуваме во потегот од позади Нептун, па се до самата гимназија, значи повторувам се работи за неколку улици кои што верувам еве сега точно разговарав со изведувачот, тој ме уверува дека оваа работа ќе биде завршена за 10-15 дена, значи професионално ќе работат. Имаат ставено 30 сантиметри тампон, за да веднаш потоа да ќе биде ставено два слоја на асфалт, прво 7 сантиметри првиот слој и потоа уште 5 сантиметри од вториот слој. Не застануваме тука, значи претходно пред некој ден асфалтиравме и две улици во село Црнилиште, продолжуваме понатаму, најавувам и асфалтирање на улица во Амзебегово, 4 улици на Сопотски пат кои што долго време ги чекаат граѓаните, веќе е почната при крај е процедурата и за изградбата на новиот парк во Свети Николе и така натаму, истакна тој. „Може да кажам дека другиот ден ќе имаме седница на совет каде што ние веќе имаме реализирано 85% од самиот буџет, што е за поздравување и што долго време не било така. Мојата работа и работата на моите соработници на општина Свети Николе отсега започнуваме веќе да правиме проекти за наредната 2024 година, бидејќи 2023 ќе ни биде доста активна и исполнета. Продолжуваме понатаму се во интерес на граѓаните на Свети Николе“ - рече градоначалникот.

СЛЕДЕТЕ ВО ЖИВО: „Промените на дело“ – Мицкоски во посета на општина Свети Николе

Ивана Ефремовски — Tue, 21 Feb 2023 10:53:42 +0000

Денеска (21.02.2023) со почеток во 12:45 часот, претседателот на ВМРО-ДПМНЕ, Христијан Мицкоски заедно со градоначалникот на општина Свети Николе, Дејан Владев во рамките на активноста „Промените на дело“, ќе присуствуваат на увид во градежни активности на реконструкција на улици (до општинската зграда). По завршувањето на настанот изјава за медиуми ќе даде претседателот на ВМРО-ДПМНЕ, Христијан Мицкоски. Изјавата можете да ја следите во живо на линкот во продолжение:

Потресно сведоштво за условите и третманот во штипската болница, градоначалник со јавен апел

Ивана Ефремовски — Wed, 18 Jan 2023 21:17:48 +0000

Градоначалникот на општина Свети Николе, Дејан Владев објави потресно сведоштво и јавен апел до Премиерот на Република Македонија, Министерот за здравство во владата, директорот на болницата во Штип и сите одговорни во одделенијата во болницата. Сведоштвото и апелот ги пренесуваме во целост: Кога ќе се однесе пациент во болницата во Штип со посериозни проблеми јавна тајна е дека назад се враќа во погребaлно возило. Студено,кревети и постелнина од 19 век..... за храна да не зборуваме....и таа што ја има нема кој да ги храни луѓето....несменети памперси...крв... Зборувам за отворени рани за неполни 9 дена ... Лично сум сведок, дека наместо да се излекува пациентот, пациентот се враќа во вегетабилна состојба. Товарот е на семејството. Зборувам од име на функцијата градоначалник на соседната општина. Како е на обичните граѓани и пациенти. Пациент во стабилна состојба да го отпуштат по десетина дена во „страшна" состојба со отворени рани и во несвесна состојба. Дали имаат чувство спрема пациентот и неговото семејство..... Уште еднаш апел до сите одговорни во нашата ни држава во ресорот ЗДРАВСТВО дека животот нема цена. Одговорност мора и треба да има, од секој одговорен за секој пациент посебно. Се изнагледав многу работи во последните денови во болницата во Штип. Ова го пишувам од лично искуство но и од искуството на многу мои сограѓани. Со господ Бог напред....

Владев: Денес пуштаме во употреба нова балон сала во Ерџелија, проект вреден 9 милиони денари, а во фаза на реализација е и нова детска градинка

Тале Кристо — Mon, 19 Dec 2022 12:51:20 +0000

Денеска на овој голем ден се наоѓаме тука во село Ерџелија, во склопот на основното училиште „Даме Груев“ каде имаме чест заедно со присутните и претседателот на ВМРО-ДПМНЕ, г. Христијан Мицкоски да ја отвориме оваа балон сала која што го носи името на училиштето „Даме Груев“, истакна градоначалникот на општина Свети Николе, Дејан Владев. Владев нагласи дека за оваа сала се потрошени околу 9 милиони денари, средства од буџетот на Општина Свети Николе. И се надева дека со отворање на оваа балон сала ќе се допринесе за развој на спортот и спортскиот дух. „Не застануваме тука, може и да споменам дека пред две недели исто во село Ерџелија го асфалтиравме конечно, зборуваме за некаде од околу 800 метри. Граѓаните на село Ерџелија со години и години наназад ни кажуваа дека заслужуваат да имаат пристојни услови на живот. Не застануваме тука кога зборуваме за Ерџелија, паралелно со ова се гради позади училиштето и детска градинка“, рече градоначалникот. Тој посочи дека за наредниот период се има предвидено во буџетот на Општина Свети Николе и парични средства за реконструкција на главната улица во Ерџелија. „Што се однесува за наредните проекти можам да кажам дека 2022 година ќе ја заокружиме со асфалтирање на улица од вкупна должина од 600 метри во село Горобинци, која што треба да биде завршена во текот на денешниот или утрешниот ден“, рече Владев. За 2023-та година Владев најавува многу проекти, кои што ќе бидат реализирани од средства на Општина Свети Николе. Како поголеми проекти кои ги најави се уредување на речното корито доколку дозволи централната власт, тука е и изградба на нова балон сала во средното училиште „Кочо Рацин“, изградба на канализација во село Мустафино, канализација во Кадрифаково, асфалтирање на улици во село Пеширово. А, во самото градско подрачје се очекува изградба на четири улици, две улици со два крака на т.н. Сопотски пат. „После новогодишните празници веднаш ќе започнеме со асфалтирање на две улици во село Долно Црнилишта, како и комплетна реконструкција на улиците „Кочо Рацин“ и „Македонска“, тоа е во самиот центар на градот. Кој што моментално е руинирана коцка и веруваме дека најкасно до мај месец така е и распишан тендерот, треба ова да биде завршено“, укажа тој. Владев додаде дека се вложува и во зеленило, и Свети Николе во летниот период ќе има еден од најмодерните паркови и амфитеатар.

Владев: Проектите и идеите кои ќе бидат опфатени во буџетот за 2023 година беа континуирано собирани од граѓаните

Ристе Здравков — Sun, 11 Dec 2022 14:14:41 +0000

Општина Свети Николе во претходниот период беше комплетно транспарентен во смисла на тоа што јас како градоначалник заедно со моите соработници посебно со директорите на локалните претпријатија и Јавното комунално претпријатие итн. сме во постојан контакт со граѓаните на општина Свети Николе и сме нон-стоп на терен, изјави градоначалникот на општина Свети Николе, Дејан Владев во рамки на проектот на ВМРО-ДПМНЕ „Твојата идеја за промена“. -Идеите и проектите што сега ќе ги реализираме во 2023 година и кои што ќе бидат опфатени во буџетот за 2023 година беа континуирано собирани во текот на целата година, а не само во претходниот период од 2, 3 или четири недели. Точно знаевме кои се приоритетите на граѓаните на општина Свети Николе. Покрај тоа, јас како градоначалник сум во постојан контакт со претседателите на месните заедници каде што одржавме неколку конструктивни состаноци на кои што заеднички констатиравме кои се приоритетите за секое населено место во општина Свети Николе. Потоа заедно со советниците бевме на терен и одржавме состаноци со жителите на месните заедници во урбаните средини кај што поразговаравме за проблемите што ги мачат во претходниот период. Нормално, ние имаме ограничен буџет и за жал оваа година истиот ни е намален за 10 милиони денари, што значи дека имаме помалку пари за разлика од ланската година, а да не ги споменувам и разните притисоци од страна на претставници на централната власт во разни делови и резултира тоа што викаат старите: „Колку ни е чергата, толку ќе ги испружеме нозете“. Но, тоа не не спречува за 2023 година да имаме преку 20 проекти за кој што се веќе сега обезбедени дали од пари на општина Свети Николе, дали преку проекти што ги имаме аплицирано до разни државни институции. Да почнам од спортот, за наредната година веќе аплициравме и верувам дека ќе ни биде одобрено, односно гарантирам дека ќе ни биде одобрено нова балон сала во средното училиште „Кочо Рацин“ во Свети Николе. Трибината е пред самиот крај и верувам дека ќе биде готова до април месец и на самите трибини ќе има поставено столчиња за да добие некој по урбан лик. Кога зборуваме за спортот можам да кажам дека го отворивме ДУП-от сѐ со цел да обезбедиме маркица за да направиме соблекувална која што со години е барана од страна на спортистите во Свети Николе. Се надеваме дека до крајот на летото би требало да помине урбанистичкиот план, кај нас е сега при крај анкетата и после Новата година треба да го пратиме до Транспорт и врски на одобрување. Стапивме во контакт и со Фудбалската федерација на Македонија и од нив ќе добиеме како донација средства за изградба на соблекувални и нови столчиња, исткна Владев. Потоа продолжуваме, како што кажавме и во предизборниот период, целиот наш ангажман ќе биде посветен исклучиво на работи што ги немаат граѓаните, таму кај што нема улици, таму кај што нема канализации водоводи итн. поради тоа за оваа година веќе можам да кажам дека во текот на наредната недела од страна на Министерството за транспорт и врски веќе ќе биде распишан тендерот за изградба на четирите улици на сопотски пат и со тоа веќе е завршен потегот за општина Свети Николе и во текот на 2023 година нема да има неасфалтирана улица во градот Свети Николе. Не ги забораваме и селата и во секое села мора да има нешто што ќе се работи, потенцираше Владев. -Затоа споменувам дека ќе имаме изградба на две улици во село Долно Црнилиште каде што во претходниот период немало ништо. Ќе има улици во село Амзебегово, ќе има улица во село Пеширово, градинката во село Ерџелија која што е во тек на градба и во тек на 2023 година ќе биде комплетно завршена. Во градот, покрај тоа што го споменавме ќе вршиме вршиме реконструкција на целиот потег од спортската сала до Ул.„Крсте Мисирков“ која ќе биде модерна пешачка патека осветлена, а дел од тоа ќе биде за паркинг места каде што граѓаните ќе можат да паркираат што значи ќе го зголемиме капацитетот и за паркирање. Улицата „Васка Циклева“ која што е со коцка ќе биде комплетно заменета и пошто е тесна улица ќе бидат ставени бекатон плочки. Дел од Ул.„Кочо Рацин“ и „Октомвриска“ исто кој што е последен потег од градот кај што има коцки, обезбедени се средства од општина Свети Николе и од Биро за регионален развој да бидат извадени коцките и ќе биде поставен модерен асфалт и жителите тие улици кои се во централното градско подрачје, ќе го добијат тоа што го заслужуваат и го бараат со години. Потоа продолжуваме и со канализациите. За село Мустафино претходната година изградивме два километри во две фази и сега само со наши средства во износ од четири милиони денари ќе продолжиме веднаш по новогодишните празници ќе го распишеме тендерот, а паралелно со тоа ќе аплицираме и на повиците кои што ќе ги дадат државните институции и веруваме дека дел од средства ќе ни дозволат и тие и конечно во Мустафино веќе канализацијата да дојде до центарот на селото. Планираме исто така преку тоа да започнеме со изградба на канализација во село Кадрифаково и да ги завршиме тие основни работи што ги тиштат граѓаните. Преку вардарски плански регион оваа година целиот потег од новиот парк кој што е огромен потег кој што го бараа младите на општина Свети Николе ќе добие нов урбан лик во смисла на тоа дека до летниот период ќе има амфитеатар, ќе има девет справи за развивање на моторичките вештини и обезбедивме донација од видео лотарија на Македонија каде што ќе има двесте квадрати детско игралиште, модерно со тартан подлога со нови содржини и со ограда. Кога зборуваме за тоа ќе кажеме дека одвоивме добар дел средства за да ги реконструираме со урбана опрема сите руинирани детски игралишта по градот и селата и ќе ставиме нови содржини и ќе бидат комплетно изградени, оградени и осветлени за да можат најмалите во пролетните и летните денови да си играат и да се забавуваат. За детската градинка заедно со раководството на градинката се договоривме дека веднаш после новогодишните празници од средства на самата градинка да набавиме ново возило за дистрибуција на храна. За против пожарната станица, оваа година имаме пуштено веќе најмодерна противпожарна станица донирана од страна на амбасадата на САД, и можам да најавам дека во четврток самата амбасадорка ќе дојде тука каде што ќе вршиме свечено отворање на пожарната. Со сопствени средства ќе набавиме ново теренско возило кое што го немаат за потребите на пожарникарите, изјави Владев. И да не зборуваме за сите други проекти за кои што ќе аплицираме или ќе дообезбедуваме средства со ребалансите или од буџетот на Република Македонија. Сѐ на сѐ можам да кажам дека 2023 година ќе биде многу подобра од 2022 година и веќе од април месец целиот наш ангажман и на мена како градоначалник и на службите ќе биде насочен кон прибирање и обезбедување на средства за проекти за 2024 година, додаде тој.

Владев: Општина Свети Николе оствари одлични резултати во 2022 година, продолжуваме со исто темпо во идната година

Тале Кристо — Tue, 06 Dec 2022 10:17:53 +0000

Општина Свети Николе оствари одлични резултати во 2022 година каде беа реализирани голем број на капитални проекти со кои значително ќе се подобри квалитетот на животот на жителите од оваа општина. Ова го изјави Дејан Владев, градоначалник на Општина Свети Николе на регионална средба и трибина на општините од Вардарскиот плански регион. - Свети Николе годинава доби модерна Противпожарна станица која ја отворивме во септември. Вложуваме во спортот, каде во моментов се прават трибините на градскиот стадион, а деновиве во употреба ќе ја пуштиме и спортската сала во село Ерџелија. Во однос на канализациите годинава целосно ја изградивме канализацијата во село Пеширово, а во моментов ја реализираме третата фаза од изградба на канализацијата во село Мустафино. Годинава асфалтиравме повеќе од 8 улици, а деновиве ги асфалтиравме улиците во село Ерџелија и Горобинци – кажа Владев. Градоначалникот Владев кажа дека преку средби со граѓаните на транспарентен начин го креираат буџетот на Општина Свети Николе за идната година и каде повторно акцентот ќе биде ставен на проекти од комуналната инфраструктура. - Согласно плановите за буџетот на Свети Николе за 2023 година планираме да продолжиме со исто темпо, каде планираме да извршиме реконструкција на поголемиот дел на оштетените улици во Општина Свети Николе. Тука не станува збор за крпење на дупки, туку за комплетна реконструкција на главните улици во градот. Планираме асфалтирање на улици и во селата Црнилиште, Пеширово и Амзабегово. Вложуваме и во парковите, каде за наредната година преку Вардарскиот плански регион очекуваме изградба на комплетно нов парк, со нова памп трак патека, справи за моторички вештини и амфитеатар, како и ново детско игралиште кое ни е донација од Видео лотарија на Македонија – додаде Владев. Регионалната средба беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

Владев: Свети Николе се менува, граѓаните добија мултифункционално спортско игралиште, улиците се асфалтираат, а децата после многу години имаат детско катче

Дарко Андоновски — Fri, 22 Jul 2022 11:08:08 +0000

Денеска во Свети Николе е претседателот на ВМРО-ДПМНЕ господинот Христијан Мицкоски и да му кажеме и презентираме што има сработено Општина Свети Николе, јас како градоначалник во претходните 7-8 месеци, ова денеска преку изјава за медиумите го истакна градоначалникот на Свети Николе, Дејан Владев. -Значи имаме доста почнати и завршени проекти, а некои допрва ќе почнат да се реализираат. Значи да почнеме од тука, каде што сме во Градскиот парк, значи направивме комплетно ново детско катче од сопствени средства. Претходно немаше никакво, т.е. беше руинирано. И овде навечер има толку деца што се покажа огромно задоволство и од децата, но и од родителите. Како што ветивме во претходниот период патеката покрај речното корито конечно е осветлена со нови содржини, нови клупи, канделабри. Ставени се тука буквите на Свети Николе, кое што е многу интересно обележано, и сите посетители, па и жители на Свети Николе се сликаат тука. Ставивме погоре чадори, кои што исто е интересно за посетителите, направивме мултифункционално спортско игралиште каде што љубителите на спортот секојдневно си ги обавуваат своите спортски активности. А, во моментот имаме и турнир во мал фудбал. Почнавме со асфалтирање на улиците, значи претходниот месец извршивме комплетно асфалтирање со тротоари во должина од 3.6 километри потегот е од Рудина до населба Бел Камен. Во моментов привршува ставањето на вториот слој од 12 сантиметри асфалт со комплетно променета водоводна, канализациона мрежа, нови тротоари и улично осветлување каде што има три улици по место викано Лозов расадник, три улици и два крака. Значи тој потег што беше место каде што има нови куќи, нови населби немаше ништо претходно, еве за неколку месеци успеавме да го оживееме и да заличи стварно на урбано место за живеење како што и доликува, вели Владев. Тој додава дека продолжуваме со крпењето на улиците, значи крепење на улици не го правевме како претходно сечеме дупки и ставаме асфалт, туку правиме цели потези барем од 20 до 30 метри за да биде потрајно. -Во текот на август месец ќе почне поставувањето на тротоари односно бекатон во должина некаде спрема тендерот околу 2 милиони денари од сопствени средства. Очекуваме во првата половина на месец август да биде пуштена во употреба новата пожарна станица, која што е донација од Американската амбасада во висина од 460.000 долари. Потегот на регионалниот на територијата на општина Свети Николе од 1.623 метра е комплетно завршено. Сега преостанува работата на територијата на општина Лозово. До крајот на август месец треба да биде завршен водоводот во село Орел. Завршена е канализацијата во цело Пеширово, после илинденските празници преминуваме кон секундарно односно поврзување на домаќинствата на канализационата мрежа. Балон салата во село Ерџелија треба да заврши до 15-ти октомври. Очекуваме од месец септември да почнеме со реализација на проектите патишта во село Буриловци и село Црнилиште, и оние улици во Свети Николе каде што се има и се уште има коцки да направиме нормално асфалтирање. Очекуваме да почнеме и со проектите околу новиот парк од септември, октомври, ноември месец чија реализација треба да биде до крајот на наредното лето со ново детско катче, ново баскет игралиште итн. каде што мислам дека светиниколчани ќе бидат посебно горди. И за наредната година најавуваме дека во секое село посебно во Ерџелија, Забегово, Пеширово ќе има асфалтирање барем на една улица. Заборавив да кажам дека е пуштен тендерот кој што треба да заврши во наредните неколку дена, а за канализација втора фаза во село Мустафино во вкупен износ од 6.8 милиони денари од кои што се половина од животна средина, половина од Општина Свети Николе итн. итн. Се на се можеме да кажеме дека ни претстои период на работа и само работа, која што нормално можат да ми извинат нашите сограѓани за 7-8 месеци работиме толку колку што работиме и да најавам дека некаде за две ипол максимум до три години целата програма која што беше ветена пред граѓаните од предизборниот период ќе биде комплетно реализирана, истакна Владев.

„Промените се случуваат, секогаш со народот“ во Свети Николе

Ивона Петрова — Fri, 22 Jul 2022 08:05:13 +0000

Претседателот на ВМРО-ДПМНЕ Христијан Мицкоски заедно со градоначалникот на општина Свети Николе, Дејан Владев ќе извршат увид на градежните работи на детското катче во Градскиот парк во Свети Николе. Настанот е во рамките на активноста „Промените се случуваат, секогаш со народот“. По завршувањето најавена е изјава за медиуми од Мицкоски.

Владев: Се уредува детското катче со нови содржини, осветлување на паркот и поставување на нови клупи

Магдалена Андонова — Tue, 28 Jun 2022 13:29:20 +0000

Започнавме со уредувањето на детското катче со нови содржини , осветлување на паркот , како и поставување на нови клупи и кантички, информираше градоначалникот на Свети Николе, Дејан Владев на својот Фејсбук профил. - Продолжуваме понатаму, додаде тој.