Дејанчо Ефтимов – Kurir.mk

Ефтимов: Правосудниот систем е руиниран и контролиран од СДС и ДУИ, за притисоци и влијанија нотираат судии, обвинители и меѓународни претставници

Дарко Андоновски — Sat, 01 Jul 2023 11:12:55 +0000

На денешната трибина, која што се одржа во просториите на Центарот за комуникации на ВМРО-ДПМНЕ, насловена „Корупцијата и криминалот, приоритет на власта на ДУИ и СДС“, свое обраќање имаше пратеникот Дајанчо Ефтимов кој што истакна дека правосудниот систем е руиниран, а за притисоци и влијанија нотираат и судии и обвинителите и анкетите и меѓународните претставници а граѓаните не веруваат во правосудниот систем и сметаат дека правосудниот систем е контролиран од власта и центрите на моќ. „Ако до пред одреден период имавме некоја минимална доверба од 3 или 4 проценти во правосудниот систем, односно во јавното обвинителство и судството, сега за жал во последните анкети гледаме дека се сведува на статистичка грешка. И анкетата на ОБСЕ последната покажа еден загрижувачки тренд. Oнаму каде што досегашните семејства кои што беа инволвирани во правосудниот систем, тие се оние кои го подржуваа и сметаа дека има доверба. Меѓутоа оваа анкета покажа една друга аномалија, врз основа на испитување на самите обвинители и на судиите на анкета истите не веруваат дека советот на јавни обвинители и судскиот совет работат согласно закон. Затоа довербата е падната и во овој момент нема граѓанин кој што има доверба во правосудните органи. Сето ова е последица на целокупниот руиниран систем и нестручноста на кадрите“, нагласи Ефтимов. Ефтимов додаде и дека во анкетите на ОБСЕ очигледен е загрижувачкиот тренд за влијанието и притисоците кај судиите и обвинителите и помеѓу самите колеги. Ефтимов посочи и дека не компетенти и нестручни кадри доаѓаат на функции за да исполнуваат нечии агенди и се контролирани од власта СДС и ДУИ а посочи и неколку примери на самите судии и обвинители кои нотираат притисоци и влијанија од центри на моќ. „Сето ова се провлекува бидејќи начинот на кој што се избираат некомпетентни не стручни кадри и доаѓаат до функции кои што исполнуваат нечии агенди. Начинот на избор е по оној принцип „ прв дојден прв услужен“ бидејќи оној кој што треба да биде избран му е кажано да аплицира. Сето ова понатаму доаѓа до девалвирање на правосудниот систем и не владеење на правото а сето тоа е потврдено и од меѓународните претставници. Како што потенцираше и Црвенковска бизнис судски елити владеат во судството. Дамевска која ја сменија, исто така потенцираше дека одреден политички субјект ќе има бенефит од нејзината промена. Ленче Ристовска потенцираше дека без некој да крене телефон не се решава ништо ниту во обвинителството ниту во судството. Тоа значи дека секогаш се контролирани од одредени центри на моќ, а тоа знаеме кој е власта на ДУИ и СДС. Затоа со ваква структура и вакво владеење на актуелната власт нема никогаш да има владеење на правото. Со овие кадри и во судството и во обвинителството на чело со СДСМ и ДУИ нема да има правда во Македонија. Граѓаните не веруваат во правосудниот систем“, посочи Ефтимов.

Ефтимов: Во рамките на акцијата ,,Ова е Македонија за сите,,посетивме неколку населени места во Радовишко и се поголем е отпорот спрема власта на ДУИ и СДСМ

Дарко Андоновски — Sun, 11 Jun 2023 18:52:08 +0000

Дејанчо Ефтимов преку статус на Фејсбук објави дека денес во рамките на акцијата,,Ова е Македонија за сите,,посетиле неколку населени места во Радовишко. -📌Денес во рамките на акцијата ,,Ова е Македонија за сите,,посетивме неколку населени места во Радовишко и се поголем е отпорот спрема власта на ДУИ и СДСМ. ✅️Избори се решение, стои во неговиот пост на Фејсбук.

Ефтимов: Од државата се испумпуваат над 250 милиони евра годишно за увоз на електрична енергија поради неспособноста на оваа владина гарнитура и раководствата во енергетските компании

Дарко Андоновски — Tue, 31 May 2022 12:38:43 +0000

Денес разговараме за одобрување на кредит за акционерското друштво за производство на електрична енергија Електрани на Република Македонија во државна сопственост. Зборуваме за кредит од 25 милони евра. Ова е само дел од мрежата на испумпување милионски суми од емергетскиот сектор. Имено, од државата се испумпуваат над 250 милиони евра годишно за увоз на електрична енергија поради неспособноста на оваа владина гарнитура и раководствата кои што ги водат овие компании кои што треба да бидат предводници во енергетскиот сектор, вели пратеникот на ВМРО-ДПМНЕ, Дајанчо Ефтимов. Овие обвинувања кон владината гарнитура и раководствата на енергетските компании, патеникот Ефтимов ги упати од собраниската говорница на која седница се дискутира за новиот кредит од 25 милиони евра од Европската развојна банка за потребите на ЕСМ . Тој им посочи дека од договорот за заемот се гледа дека, како и другите меѓународни институции, така и Европската развојна банка не им верува на македонската владеачка гарнитура и на раководните лица енергетските компаните, па затоа во договорот стале одредба каде што замо примателот треба да работи и да ги одржува во добра форма погоните, објектите, опремата и така натаму. „Со овој договор, со кој што ќе се задолжи за 25 милиони евра, самиот инвеститор, односно Европската банка за обнова и развој не им верува ниту на властите, ниту на раководните лица кои што ги водат овие енергетски компании. Затоа што во самиот договор во членот 4, дел 404 во финансиски оперативни обврски, децидно нормира одредба која што, цитирам „вршење на дејноста на работењето, освен доколку банката не се согласи поинаку, заемо прималот е должен во секој момент да управува и да ги одржува своите погони, објекти, опрема и друг имот во добра работна состојба и веднаш кога ќе биде потребно да ги изврши сите потребни поправки и реновирања на истите, а сето тоа во согласност со добрата деловна финансиска практика“. Ви ставаат одредба дека морате да ги одржувате и да се посветите на нивното работење“, рече Ефтимов. Додава дека ваквото барање, односно пишана одредба во договорот за заем од ЕРБ, произлегува од неговербата што овие институции ја имаат кон актуелните раководни лица, бидејќи знаат дека континуирано производствените капацитети се злоупотребуваат и дека се произведува минимум елетрична енергија. Ефтимов истакна дека ваквата недоверба и злоупотреба со македонските производствени капацитети за електрична енергија е хронолошка уште со доаѓањето на власт на оваа политичка гарнитура, која во 2017 година поништи јавна набавка за набавка на механизација за потребите на РЕК Битола. „Тоа произлегува од недовербата која што и овие институции ја имаат према актуелните раководни лица и структурите кои што ги водат овие енергетски компании, бидејќи и самите занаат дека континуирано се злоупотребуваат и се постигнува минимум на производство на електрична енергија во последниот период. Ова е уште еден доказ дека не функционираат енергетските компании кои што треба да обезбедат, во најголем дел, електрична енергија за граѓаните и стопанството Република Македонија. Сето ова, хронолошки потекнува уште со доаѓањето на власт на оваа гарнитура. Имено уште во текот на 2017 година, кога имало распишано јавна набавка за набавка на механизација за сопствените потреби на РЕК Битола“, рече Ефтимов

Ефтимов: Проблемот на тутунарите има име и презиме, тоа е Зоран Заев и владата !

Дарко Андоновски — Tue, 09 Mar 2021 15:17:24 +0000

„Под притисок на опозицијата и јавноста, парламентарното мнозинство конечно се доведе во ситуација да биде ставено во ќош и да мора да прифати да разговара на седница за тутунопроизводителите“, со овие зборови пратеникот од ВМРО-ДПМНЕ Дајанчо Ефтимов ја започна својата дискусија за предлог законот за тутунот. Како што напомена тој, пратениците од ВМРО-ДПМНЕ повеќе месеци апелираат и предупредуваат на овој проблем, но власта го игнорирала овој проблем и воопшто не сакала да разговара. „Избегнувајќи ја оваа тема повеќе од 4-5 месеци откако им кажавме дека претстои катастрофален откуп на тутунот со што се загрозува егзистенцијата на повеќе од 35 илјади домаќинства, а СДСМ ноншалантно се однесуваше и не сакаше да разговараат на оваа тема“, потенцираше Ефтимов од ВМРО-ДПМНЕ. Несериозноста на пристапот за решавање на овој проблем може да се забележи и од фактот што при средбите на владата со тутунарите, според Ефтимов не се воделе официјални записници, што всушност може да значи дека такви средби и никогаш не се оствариле. „Ама затоа за нивна ПиаР потреба и нивно промовирање, СДСМ под покровителство на владата, организираа состаноци каде тутунарите беа манипулирани бидејќи од ниту еден од овие состаноци, нема еден официјален записник, што и како се договорило“, рече пратеникот Дајанчо Ефтимов. Инаку, со овој предлог закон, како што бараат и претходно пратениците од ВМРО-ДПМНЕ, се продолжува рокот за откуп на недоговорениот тутун, рок кој претходно власта го има скратено. „Што превземаме со овој закон? Со овој закон се изменува и продолжува рокот за да може откупните пунктови да може да го превземат недоговорениот дел од тутунот. Впрочем претходно, токму власта го скрати овој рок за откуп на тутунот. Сето ова, целата оваа ситуација со тутунарите, произлезе од несериозноста на оваа власт и околу 2000 милиони килограми недоговорено

Ефтимов до Тодоров: Му смета Мицкоски затоа што се бори против мафија, а не му смета што денес имаме над 20 мртви кои одат на совеста на Заев

Магдалена Андонова — Tue, 03 Nov 2020 22:55:45 +0000

До кога Никола Тодоров ќе има настапи на кој ќе збори за вмровските работи, а нема да каже ниту збор за Заев. До кога ќе има отровни стрели кон Мицкоски единствениот кој отворено се бори против Зоран Заев, а Тодоров ќе ја брани мафијата на власт. Збори за раската во туѓото, а не ја гледа гредата во своето око. И оваа булумента преставува платена опозиција на опозицијата, стои во Фејсбук статусот на Дејанчо Ефтимов. - Тодоров изгледа како некој кој тажи за своето време, а не гледа во каков хаос живееме. Му смета Мицкоски затоа што се бори против мафија, а не му смета што денес имаше над 20 мртви кои одат на совеста на Заев. Фуј профитери, и не ги редете во уста луѓето од 27 април, го браниш Заев и заглави невини луѓе во затвор, пишува тој.

Ефтимов: Струмица и регионот се едни од најзагадените места во државата, власта нема слух за тоа

Дарко Андоновски — Thu, 29 Oct 2020 22:01:20 +0000

ВМРО-ДПМНЕ денеска одржа протест против загадениот воздух во Скопје и уште четири градови во државата Струмица, Битола, Куманово и Тетово. Граѓаните од Струмица на протестот посочија дека последните денови Струмица и регионот се едни од најзагадените места во државата. -Бројките се поразителни и на состојбата за загаденост на воздухот и за справување со пандемијата. Минатата година го прашавме градоначалникот до каде е со гасификацијата на општата болница? Како може оџакот на општата болница да биде причина за загадување додека лечи респираторна пандемија?, запраша Дајанчо Ефтимов од Струмица. Тој укажа дека ненародната влада очигледно не умее да се справи со состојбата и затоа треба да се потсети дека таа постои за граѓаните, а не граѓаните за власта и наместо на пакети и предизборен поткуп требаше да мислат на кризата. -ВМРО-ДПМНЕ ја следи состојбата во земјата и предлага владата веднаш да ги ослободи од работа и работни обврски хронично болните граѓани како во јавниот така и во приватниот сектор. Министерот и Комисијата мора да сносат одговорност. Мора да се формираат стручни тела за справување со состојбата во Македонија, порача тој.

Ефтимов: Во програмата имаме реални проекти, 150 километри експресни патишта и 20 милиони за системи за наводнување на годишно ниво

Дарко Андоновски — Wed, 08 Jul 2020 18:06:15 +0000

На вечерашната дебата на 24 Телевизија, кандидатот за пратеник во Четвртата изборна единица, Дајанчо Ефтимов, истакна дека власта се фалеше со „инвестициски бумови“, а 500те километри автопатишта се уште никој не ги виде, како и тоа дека ВМРО-ДПМНЕ во програмата има реални проекти како 150 километри експресни патишта, 20 милиони евра секоја година за системи за наводнување и многу повеќе инвестиции за нашиот регион. Ефтимов вели дека ако ги видиме инвестиционите циклуси во нашиот регион од време на ВМРО-ДПМНЕ и сега во време на СДСМ истите не можат да бидат споредени затоа што власта не умееше ни да го заврши тоа беше почнато како инвестиција, камоли да направи некој нов проект. -Експресниот пат од Штип до Радовиш започнат од ВМРО-ДПМНЕ со обезбедени финансиски средства со гласање посебен закон за задолжување, понатаму патниот правец од Градско до Прилеп проектиран и започнат од време на ВМРО-ДПМНЕ, не виде разрешница, ветен граничен премин од Струмица до Ново село, а три години не е ни започнат, вели Ефтимов. Сите оние нивни ветувања за инвестициски бум, како и оние 500 километри автопатишта ни оддалеку граѓаните можат да ги почувствуваат, ниту можат да ги видат, власта уште не знае каде ги изградила тие автопати, порача Дајанчо Ефтимов. -Ние сме реализирале и затоа имаме лице да им понудиме на граѓаните многу повеќе од претходно, но и да реализираме. Во програмата имаме предвидено поставување на 1000 километри асфалт и 150 километри експресни патишта, еден од тие се од Струмица до Радовиш и од Струмица до граничен премин Ново село, потенцираше Ефтимов. Ефтимов посочи дека иако власта бомбастично ја најавуваше зелената нафта не успеаја да ја реализираат таа мерка. Но, ВМРО-ДПМНЕ во својата програма нуди реализирање на преработувачки капацитети за земјоделците, како и за да се дојде до производство мора да се има мрежи за наводнување,затоа вели Ефтимов ќе се инвестира по 20 милиони евра секоја година за ревитализација и воспоставување на водоснабдителни системи.

Ефтимов: “КРИВАТА” НА НИВНАТА ПАНИКА

Ивана Ефремовски — Fri, 22 May 2020 10:26:34 +0000

Ковид кривата на министерот Филипче се искривува пред празници, а се исправува пред потребата за избори на 21 јуни. Колку повеќе пакети дели Заев толку помалку има заразени на дневна основа и кривата на Филипче на чудесен начин се исправува. Кога ќе се поделат сите пакети според списоците, кривата изгледа ќе биде доволно права за да се оди на избори. Наместо да се спаси стопанството и да се зачува достоинството на сите работници сега, оставени сами на себе граѓаните пред гласање се предизвикани да го заменат лебот за правото на својот глас. Текстот на Дејанчо Ефтимов го пренесуваме во продолжение: Мерките кои потоа ќе се носат ќе оневозможат еднакво претставување оти додека владините претставници ги гледавме секој ден во ударни термини опозицијата и албанските партии се соочија со неможност да излезат на терен и да се сретнат сограѓаните. Исто така, мерките и информациите ќе имат задача да се заплашат гласачите да не излезат масовно на изборите за да ги казнат Заев и тајфата. Сега на сите им е јасен смешно провидниот проект наречен ,,Одлична работа на Филипче”. Заев и Костадинов велат: на избори можело да се оди и без опозиција. Брзањето со изборите зборува за паника во тесниот круг околу Заев. Како што тргнала работата Претседателот на СДС ќе си порача и Уредба за неказнивост на своите функционери. Криминалите секој ден излегуват на површина и се проширува опфатот на функционери на власта но, за жал, не сме сведоци на сериозна завршница. Наместо правда истерана до крај со правосилни одлуки афери со индиции за милионски криминали на пример во случајот на Ден Дончев поминува со оставка и извинување. Исплатени се надоместоците на СЈО токму кога помисливме дека Уставен суд еднаш се одважи да ја разгледа и стопира уредбата за таа исплата. Луѓе кои биле осудени за злоупотреби добиваат поддршка во свои бизниси како случајот на Стојчев од Ново село. Истовремено, првите луѓе за безбедност на СДС објавуват разговории со Заев бидејќи неговото однесување е штетно дури и според нив, додека Претседателот на СДС умилно ги нарекува блиски пријатели што е знак на длабок страв и уценетост. СДС сам си донел мерка за одлагање на процеси за кои се потребни рокови, (50 дена кои ги бара ДИК) а кои се значајни за кредибилноста на изборите како демократски процес еднаков за сите граѓани. Да ги потсетиме луѓето од власта во паника дека Уставот не може да се толкува самоволно. Членот 126 со кој е дозволено правото за носење на уредби со законска сила е во смисла за донесување брзи и ефикасни мерки за справување со причината за која е воведува вонредната состојба. А не, да се уредуват сите сфери на општественото живеење за кои надлежност има Собранието на Република Македонија кое треба да биде избрано на фер демократски и слободни избори. ВМРО-ДПМНЕ и покрај сите препреки ги има свесните сограѓани кои бараат да се вклучат на страната која ветува победа, ослободување на татковината Македонија и реформи за нас и идните генерации.

Ефтимов: Дворските игри на СДСМ околу свикување на Собранието отворија повеќе прашања

Дарко Андоновски — Fri, 24 Apr 2020 13:49:50 +0000

Дејанчо Ефтимов од ВМРО-ДПМНЕ преку статус на Фејсбук пишува дека дворските игри на СДСМ околу свикување на Собранието отворија повеќе прашања. -,,СТРАВ ЛОЗЈЕ ЧУВА" и СДСМ. Дворските игри на СДСМ околу свикување на Собранието отворија повеќе прашања. Но, причините за ова панично однесување веќе секому се јасни. Вонредна состојба од триесет дена со одлука на Претседателот Пендаровски е продолжена на дополнителни триесет денови. Моќната влада во овие денови носи уредби со законска сила со очекување дека подоцна се ќе се покрие со одлуки на Собранието. Моќната влада очигледно не е сигурна сама во себе и уредбите со законска сила која што ги донесе. И, како би била сигурна кога повеќе од уредбите не се однесуваат на вонредната состојба Повеќе од половина не се однесуваат на вонредната состојба да потсетиме - надоместоците за вработените во СЈО. Имено, Моќната влада има добиено овластување само за уредби поврзани со темата од вонредната состојба. Испаѓа дека сиот хаос од неработењето на СДСМ сега треба да се покрие со еден потпис од инокосен орган - Претседателот на државата. На овој начин се отворија сите дворски игри во владеачката партија пред претстојните избори. Моќната влада свесна за неработењето сака да си ги потврди и осигура своите одлуки. Сега прави обид тоа да го направи преку повторна постапка и потврдување со свикување на веќе самораспуштеното Собрание. По иницијатива на пратеници на СДСМ, преку клаузула (член 67 ст. 2 од деловникот на Собранието) што предвидува одреден број на пратеници најмалку 20, а во конкретниот случај потпишани се 35 пратеници од составот на Собранието кое патем се самораспушти. Исто така оваа барање се повикува на чл. 125 од уставот на Р. Македонија за прогласување и потврдување на вонредна состојба. Меѓутоа прашањето е како досега Собранието неможеше да се состане па Претседателот ја прогласи вонредната состојба. Како наеднаш се смени статусот на самораспуштените пратеници да станат пак оперативни, а досега тоа неможеше? Или зад сето тоа се крие дворска игра под превезот на ,,колективна одговорност" да се затскријат криминалните дејствија кои инаку секојдневно се поврзуваат со функционерите на моќната влада. Замислата Претседателот да ја покрие одговорноста за неработењето и проблемите направени од владеачката партија е несигурна. Постои ли очигледно страв дека нов состав на Собранието нема да ги потврди одлуките и да создаде последици за оние кои ја злоупоребиле вонредната состојба. Односно, постои сознание кај СДСМ дека изборите ќе бидат фатални. Ќе победи ВМРО- ДПМНЕ и условите ќе станат неизвесни. Водени од народната ,,Страв лозје чува" брзат преку гласање во Собранието да си создадат алиби за редица свои функционери и злоупотреби, стои во неговиот статус на Фејсбук. https://www.facebook.com/dajanco.eftimov/posts/3506343976058980

Ефтимов: Економските мерки досега не се добро прифатени од бизнис секторот, многумина сограѓани останаа без работа

Дарко Андоновски — Wed, 15 Apr 2020 13:50:05 +0000

Дејанчо Ефтимов од ВМРО-ДПМНЕ преку статус на Фејсбук пишува дека повеќе од извесно е дека после утрешната седница на Советот за безбедност ќе се искористи уставната можност и Претседателот вонредната состојба ќе ја продолжи за уште триесет дена -УРЕДБИ СО ПАМЕТНА СИЛА Повеќе од извесно е дека после утрешната седница на Советот за безбедност ќе се искористи уставната можност и Претседателот вонредната состојба ќе ја продолжи за уште триесет дена. Моќната влада на Вонредна состојба во првите триесет дена работеше во интерес на владеачката структура. Не само што не успеа да ја менаџира здравствената криза туку веќе извесно е дека поради слабото економско менаџирање ќе ја внесе државата во друга криза на што веќе предупредија и меѓународни институции. Освен пофалби од органи подредени на министерот, ниту еден од здравствените работници не изразил задоволство од условите. Напротив, донациите од граѓани и фирми станаа секојдневие. Економските мерки досега не се добро прифатени од бизнис секторот. Многумина сограѓани останаа без работа. А некој, им порача дека ако денеска го изгубат работното место - утре ќе најдат друго. Не мачете се едноставно е: кризата ќе направи одредени бизниси да се преземат од страна на крупниот капитал. За земјоделците пак, пролетта поминува без никаква помош. Чудно за политичари со потекло од земјоделски крај. Но, затоа пак злоупотребите на вонредната состојба -надвор од нејзината тема, веќе пластично се пројавија во конкретни случаи. Тендерот за респираторите пропадна. Со уредба со законска сила се изнајде решение за СЈО. Штетата од работењето на Катица Јанева треба да ја решаваме среде најтешката криза. Во првиот драстичен случај на злоупотреба реагираше ВМРО- ДПМНЕ во улога на одговорна опозиција, а пак во вториот случај поднесена е претставка до Уставен суд. Но, што би требало да се преземе во наредните триесет денови заради правната сигурност и владеење на правото. Зошто да не користиме компаративно искуство при спроведување на законите како дел од Европски земји на пример Данска. Во вонредната состојба ограничувањата на слободите и правата на граганите за жал одредени лица не ги почитуваат, што како и секое противправно дејство се казнува. При спроведување на законот судовите морат да се водат како во случаи каде има предвидено квалифицирани кривични дела. Со оглед на сериозноста на ситуацијата да се санкционираат построго сторителите на овие прекршувања. Одредени европски земји како спомнатата Данска ги дуплираа и повеќекратно ги зголемија санкциите за кривичните дела за сторителите на кривични дела сторени за време на вонредна состојба, а поврзани со загрозување на безбедноста и здравјето на лугето. Исто така донесоа закони за незастарување на овие кривични дела. Додека судовите, обвинителствата и истражните органи работат со предност за ваквите случаи. Меѓутоа да не се заборави во својата удобна позиција и ,,моќната влада,,. Строгите начини на спроведување на вонредната состојба со сите репресивни мерки кои стојат на располагање и се применуваат врз граѓаните (секако за целта на вонредната сотојба и заштита на граганите од пандемијата) мора да бидат применливи врз министри во владата, директори и сите носители на јавни функции односно извршители. Да не случајно се иземаат од одговорноста со изговорот на ,,вонредна состојба,, Напротив за истите да се применуват и изменат преку дуплирање и повеќекратно зголемување на санкциите и незастарување. Во случај на прекршување и профитерство како местење јавни набавки, злоупотреба на службена положба и овластување, поткуп на гласачи и секое противправно дејствие од овој период да се применуват како такви. Постојат сериозни индиции дека се случуваат злоупотреби инаку некои веќе објавени од страна на опозицијата, а некои пак го чекат реалното време. https://www.facebook.com/eftimov.dajanco/posts/1274974479373719