Дејв Грол 24 часа печел скара за бездомници

Катерина Бојаџиева — Wed, 01 Mar 2023 15:00:15 +0000

Американскиот рокер Дејв Грол како доброволец правеше скара во засолништето за бездомници „Требек центар“ во Нортриџ, Калифорнија, САД. Грејс Анчета, раководител на „Мисијата за надеж“, за тамошните медиуми раскажа дека светски познатиот пејач од хеви-метал составот „Фу фајтерс“ и пријателите минатата седмица пристигнале со сопствени скари, месо и храна и приредиле своевиден „спектакл“ за луѓето кои имаат потреба од топол оброк. - Тој ја обезбеди храната и времето и се фати за печење во тек на 24 часа среде невремето минатата седмица... Тој го стори тоа, додека нашиот основач и извршен директор, Кен Крафт, и претседателот и Центарот, Роуан Ванслив, беа на пат од 350 милји од Лас Вегас до Лос Анџелес во обид да ги соберат последните 350.000 американски долари потребни за да ги отворат нашите три засолништа. Дејв подготви вечера за над 450 луѓе, за неколку наши засолништа и остана со пријателитре да ја послужат храната на сите наши штитеници во „Центарот Требек“, вели Анчета. „Не го заслужуваме Дејв Грол“, гласи еден твитер-коментар. Можеби нему и не му било целта светот да дознае за тоа, но иако со задоцнување од седум дена, интернетот го забележа своето добро дело. А, бројни обожаватели го поздравија ваквиот потег сo песната „Мy hero“ („Мојот херој“) на „Фу фајтерс“.

ВИДЕО: Химна за после пандемијата на Мик Џегер и Дејв Грол

Тале Кристо — Wed, 14 Apr 2021 08:07:49 +0000

Рокерите Мик Џегер и Дејвид Грол ги здружија силите и создадоа „пост-пандемиска химна“. Се работи за песна којашто се однесува на контроверзиите што ги среќаваме во ерата на Ковид-19, карантини, маски, Тик-ток, Зум и анти-вакцина движења. Песната се вика „Eazy Sleazy“ и синоќа е објавена на платформата „Јутјуб”. – Сакав да ја споделам оваа песна што ја напишав по повод излегувањето од изолација, со толку посакуван оптимизам. Дејв, ти благодарам што ги зеде за тапаните, басот и гитарата, беше забавно да работам со тебе на овој проект. Јас се надевам дека сите ќе уживаат во тоа… Во песната „Eazy Sleazy”, изјави прославениот пејач на Ролинг Стоунс, Мик Џегер (77). Дејв Грол (52) е американски рок-музичар, пејач и текстописец, а својата кариера ја започна во 1980-тите во рок-бендот „Скрим“, а потоа и како тапанар во славната „Нирвана“. По смртта на пејачот на „Нирвана“ – Курт Кобејн, Грол ја основа групата „Фу фајтерс“ и соработува со многу други познати музичари.

Дејв Грол – Kurir.mk

Дејв Грол 24 часа печел скара за бездомници

ВИДЕО: Химна за после пандемијата на Мик Џегер и Дејв Грол