Убиството на британскиот пратеник прогласено за терористички инцидент

Ивана Ефремовски — Sat, 16 Oct 2021 11:57:17 +0000

Убиството со нож на конзервативниот пратеник, сер Дејвид Ејмс во Леј-он-Си, Есекс е прогласено за терористички инцидент, потврди Метрополитен полицијата. Како што пренесе ДПА, истрагата ја предводи антитерористичка полиција. Ејмс (69), кој го претставуваше западен Саутенд во Есекс беше нападнат во Методистичка црква. Тој беше хоспитализиран и опериран, но им подлегна на повредите. По нападот полицијата уапси еден маж и соопшти дека нема да трага по други лица.

Почина британски пратеник кој беше избоден со нож

Катерина Бојаџиева — Fri, 15 Oct 2021 14:37:29 +0000

Британскиот конзервативен пратеник Дејвид Ејмс почина откако беше прободен со нож, објавија денеска локалните медиуми. -Тој беше третиран од итните служби, но, за жал, почина на местото на настанот, рече полицијата во Есекс, пренесе Ројтерс. Од таму велат дека 25-годишен маж бил уапсен откако полицајците пристигнале на местото и бил пронајден нож. Сведок од местото на настанот истакнал дека 69- годишниот Ејмс, пратеник во Парламентот, кој го претставуваше Саутенд Вест во Есекс, бил прободен со нож околу пладне од човек кој влегол на состанок со гласачи од неговата изборна област што се одржувала во методистичка црква. Ејмс влезе во Парламентот во 1983 година, првично претставувајќи ја изборната единица Басилдон. Оттогаш тој постојано работи во Долниот дом, што го прави еден од пратениците со најдолг стаж во салата.

Дејвид Ејмс – Kurir.mk

Убиството на британскиот пратеник прогласено за терористички инцидент

Почина британски пратеник кој беше избоден со нож