дејвид мекалистер – Kurir.mk

Мицкоски во рамките на неговата посета на Брисел се сретна со потпретседателот на ЕПП Дејвид Мекалистер

Тале Кристо — Tue, 27 Jun 2023 15:13:35 +0000

Во Брисел имав средба со Дејвид Мекалистер, потпретседател на ЕПП и претседател на комисијата за надворешна политика на европскиот парламент (АФЕТ), објави на социјалната мрежа на Фејсбук лидерот на ВМРО-ДПМНЕ Христијан Мицкоски. Пријателски разговор за плановите за развој, иднината на Македонија и потребата за заштита на националното достоинство и идентитет. Поразително е што прва задача на власта не е лобирањето за Македонија, туку кодешење на опозицијата. Моја прва задача е иднината и стабилноста на народот на Македонија, пишува Мицкоски во својата објава.

Мицкоски оствари средба со Мекалистер

Катерина Бојаџиева — Wed, 20 Mar 2019 18:15:21 +0000

Остварив средба со Дejвид Мекалистер потпретседател на ЕПП и Претседател на Комисијата за надворешна политика на Европскиот Парламент. Му ја пренесовме загриженоста за нарушувањата на изборниот процес и лошото искуство со бројните престапи од последниот референдум, како и отсуството на волја на власта во Македонија сето тоа да добие правна разрешница. Пријателот на Македонија Мекалистер се заложи за обезбедување на фер и демократски избори и со својот личен ангажман ќе се обиде да влијае да не дојде до крадење на изборната волја на граѓаните или креирање на недемократска атмосфера во пресрет на изборите, напиша лидерот на ВМРО-ДПМНЕ Христијан Мицкоски на својот Фејсбук профил.

Мицкоски во Брисел оствари средби со Мекалистер, Вајгл и Вебер: Заев сака да ги украде претстојните претседателски избори

Ивана Ефремовски — Tue, 05 Feb 2019 14:13:53 +0000

Претседателот на ВМРО-ДПМНЕ, Христијан Мицкоски втор ден ја продолжува посетата на Брисел на политичкото Собрание на Европската Народна Партија. Тој најпрвин оствари средба со Дејвид Мекалистер кој што е претседател на Европската Народна Партија и истовремено претседавач на Комитетот за надворешна политика при ЕП. Потоа со Иво Вајгл кој што е известувач за Република Македонија во ЕП и веднаш по завршувањето на пленарната седница на политичкото Собрание реализираше средба со Манфред Вебер кој што е претседател на парламентарната група на Европската Народна Партија и истовремено кандидат за претседател на ЕК од редовите на Европската Народна Партија. По средбите Мицкоски посочи дека владеењето на правото и правната држава се загрозени во Македонија. Во текот на средбите се разговараше за актуелната политичка и економска ситуација во Република Македонија. Практично разговараа за сите оние неуспешни политики кои што владата на СДСМ и Зоран Заев ги реализираат во Република Македонија. -Ги запознав моите соговорници за отсуството на владеење на право и на изгубената правна држава, изгубената доверба на граѓаните на Република Македонија, која што практично е основен мотив истите да ја напуштат земјата. При средбата ги илустрирав оние последни 4 случаи кои што се случија пред некој ден, а тоа е гранатирањето на дуќан во центар на Скопје, запалените 2 угостителски објекти, едниот во старата скопска чаршија, а другиот во Општина Бутел. И оној вооружен грабеж кој што исто така се случи во главниот град на Република Македонија, потенцираше Мицкоски. Тој посочи дека постои оправдан сомнеж Зоран Заев сака да ги украде престојните претседателски избори. -Побарав организирањето на фер и демократски избори биде еден од условите за отпочнување на преговори со ЕУ. Истовремено не ја испуштив можноста да лобирам, доколку се исполнат сите овие критериуми да биде овозможен напредок во европските интеграции на земјава, истакна тој.

Мицкоски на средба со потпретседателот на ЕПП, Дејвид Мекалистер

Ивона Петрова — Wed, 05 Dec 2018 12:47:03 +0000

Претседателот на ВМРО-ДПМНЕ Христијан Мицкоски оствари средба со Претседателот на комисијата за надворешна политика на Европскиот парламент и потпретседател на Европската народна Партија Дejвид Мекалистер. Како што информираат од партијата, на средбата стана збор за актуелната политичка состојба, процесите врзани со стратешките цели на Република Македонија членството во Европската Унија и НАТО организациите. -Мицкоски објасни дека Република Македонија се соочува со деликатна политичка состојба и со еден период на црно владеење каде доминираат неправдите и политичкиот прогон. Воедно посочи дека се случуваат скандали на дневно ниво каде до израз доаѓа неподготвеноста на владата за реформи и менаџирање на политичките процеси. Мицкоски истакна дека таквата непосветеност на власта, државата ја турка кон економското и политичко фијаско, слабеејќи го стандардот на граѓаните. Тој на средбата истакна дека врвен интерес за ВМРО-ДПМНЕ е напредокот на европските интеграции но и дека владата има недоволен учинок на тој план што е резултат на нејзината неспособност. Во таа насока ВМРО-ДПМНЕ е подготвена квалитативно да ги помогне реформските процеси кои би гарантирале напредок но пред се тоа зависи од волјата и способноста на владата да биде носител на тие процеси, се наведува во соопштението. Во однос на уставните измени Мицкоски посоци дека ВМРО-ДПМНЕ останува против и ќе ја следи волјата на граѓаните.

Мекалистер: Оваа година е клучна за Западниот Балкан

Матеја Петровски — Fri, 25 May 2018 07:28:33 +0000

Оваа 2018 е клучна година за Западниот Балкан, бидејќи регионот повторно е во фокусот на ЕУ, со можност својата европска перспектива ја преточи во реалност, изјави синоќа во Белград известувачот на Европскиот парламент за Србија, Дејвид Мекалистер на заедничка прес-конференција со српскиот претседател Александар Вучиќ. - Србија мора ова да го искористи и сигурен сум дека ќе го искористи овој нов потик, но потребен е понатамошен политички напор за да се спроведат реформите во областа на владеењето на правото и во областа на правосудството, потенцираше Мекалистер, Тој нагласи дека владеењето на правото и реформите во правосудството, покрај решавањето на проблемот со Косово, се клучни во преговорите на Србија за членство во ЕУ. Мекалистер, кој претходно се сретна и со српската премиерка Ана Брнабиќ, ја нагласи важноста од продолжување на реформите во Србија, особено во делот од преговорите за членство по поглавјата 23 и 24, кои се однесуваат на владеењето на правото и реформите во правосудството, како и на прашањата поврзано со човековите права и слободи. Од друга старна. Вучиќ на прес-конференцијата истакна дека е вистина оти Србија има „многу да сработи во областа на владеењето на правото“, додавајќи дека „е покренато значајното прашање за незадовослтвото на јавноста од медиумските слободи“. Но, Вучиќ најмногу внимание посвети на косовското прашање како клучен проблем за ЕУ интеграциите на Србија, констатирајќи дека треба да се разговара со Приштина за компромисно решение и без да се бараат причина за стратешки прекин на дијалогот. Ѕој нагалси дека без разлика на критиките од јавноста, ќе даде се од себе без разлика за неговата кариера, да ги убеди оние 80 проценти од граѓаните кои според истражувањата сметаат дека треба да го се задржи замрзнатиот конфликт, дека стабилноста е поважна од многу други работи. - Одлука нема да донесем на штета на нашиот народ, изјави Вучиќ. Мекалистер пак посочи дека пленарната сесија на ЕП на која ќе се разгледува неговиот извештај за напредокот на Србија ќе се одржи на 3 септември. Како што претходно соопшти кабинетот на Брнабиќ, на нејзината средба со Мекалистер, тој укажал дека и регионалната соработка и зајакнувањето на односите со соседите, како и продолжување на политиката на помирување, е надворешно-политички приоритет кои Србија треба да ги продолжи, истакнувајќи дека продолжувањето на дијалогот со Приштина е клучно за стабилноста на регионот. (Миа)