дејвид мојс – Kurir.mk

Мојс доби рок од пет натпревари за подобрување на резултатите на Вест Хем

Дарко Андоновски — Thu, 29 Sep 2022 07:02:22 +0000

Дејвид Мојс се соочува со отказ како менаџер на Вест Хем. По седум кола „чеканите“ се наоѓаат на 18. место на табелата во Премиер лигата, со тоа што се наоѓаат во зоната за испаѓање. Според „The Telegraph“, управата на Вест Хем му дала на Мојс рок од пет натпревари за да ја поправи ситуацијата на турнирот. Во следните натпревари лондонци ќе се сретнат со Вулверхемптон, Фулам, Саутемптон, Ливерпул и Бурнемаут. Вест Хем учествува и во групната фаза од Конференциската лига, каде ги доби двата воведни натпревари.

Вест Хем ќе му понуди нов договор на Мојс

Ивона Петрова — Wed, 02 Dec 2020 11:41:06 +0000

Вест Хем започна преговори за нов договор со тренерот Дејвид Мојс, објави „Скај Спорт“. Според изворот, управата е задоволна од резултатите на тимот и сака да го задржи 57-годишниот специјалист, чиј сегашен договор важи до крајот на сезоната 2020/21. По 10 кола од англискиот фудбалски шампионатот, Вест Хем се наоѓа на 5. место во поредокот со 17 бода.

Мојс повторно на тренерската функција во Вест Хем

Ивона Петрова — Mon, 30 Dec 2019 07:16:26 +0000

Премиерлигашот Вест Хем официјално го објави назначувањето на Дејвид Мојс за тренер на клубот. Шкотскиот специјалист веќе го водеше тимот од ноември 2017 година до мај 2018 година и го освои 13. место таа сезона во Премиер лигата. По напуштањето на лондонскиот клуб, Мојс не водеше ниту еден тим. Мојс на клупата на „чеканите“ ќе го наследи Мануел Пелегрини кој прд два дена доби отказ од клубот поради слаби резултати. Во својата тренерска кариера Мојс од позвучните клубови ги предводеше Евертон, Реал Сосиедад и Манчестер јунајтед.

Мојс може да се врати на тренерската позиција во Евертон

Дарко Андоновски — Sun, 24 Nov 2019 19:40:05 +0000

Шкотскиот фудбалски стручњак, Дејвид Мојс може одново да го предводи Евертон ако Марк Силва си даде оставка, тврди „Скај спорт“. „Карамелите“ загубија шест од последните девет натпревари во англиската Премиер лига. Тимот го зазема 15. место на табелата со 14 од можни 39 бода. Педесет и шестгодишниот Мојс работеше во Евертон од 2002 до 2013 година. Последеното место на кое работеше беше Вест Хем, од каде беше отпуштен во текот на сезоната 2017/18. Мојс го предводеше и англискиот великан Манчестер јунајтед од 2013 до 2014 година.

По само шест месеци Мојс си замина од Вест Хем

Даниел Василев — Wed, 16 May 2018 12:41:53 +0000

Дејвид Мојс ја напушти менаџерската функција во Вест Хем по само шест месеци од неговото назначување за предводник на „чеканите“. 55-годишниот Мојс ја исполни целта за која беше донесен, а тоа е опстанок на Вест Хем во Премиер лигата по лошиот старт на сезоната со Славен Билиќ на менаџерското место. Од Вест Хем му се заблагодарија на Мојс за неговата работа и му посакаа успех во следните негови ангажмани. Под водство на Мојс клубот забележа девет победи, 10 нерешени исходи и 12 порази. МИА

Керол казнет по барање на Дејвид Мојс

Даниел Василев — Fri, 04 May 2018 12:32:35 +0000

Напаѓачот на Вест Хем Ендрју Керол бил казнет по изрично инсистирање на менаџерот на тимот Дејвид Мојс, откако англискиот репрезентативец си дозволи доброволно да ја напушти клупата на тимот за време на поразот со 1:4 од Манчестер Сити во текот на минатиот викенд. Поранешниот напаѓач на Ливерпул остана неискористена резерва и откако виде дека нема да влезе во игра, одлучи да се повлече во соблекувалната порано. - Енди веќе ми се извини, како и на своите соиграчи, но неговото однесување е неприфатливо. Тој беше казнет и рече дека ја разбира грешката, напиша Мојс за „Ивнинг Стандард“. Вест Хем се наоѓа на 15-тото место на табелата со 35 поени, а утре „чеканите“ гостуваат на деветтиот Лестер. МИА

Вест Хем ќе го награди Мојс со нов договор

Дарко Андоновски — Wed, 04 Apr 2018 10:53:53 +0000

Тренерот на Вест Хем, Дејвид Мојс, ќе биде награден од раководството на клубот со нов договор, објави „Мирор“. Во управата на Вест Хем се задоволни од работата на Мојс под чие водство клубот излезе од зоната на испаѓање и сега има пет бода повеќе над „цртата“. Мојс на менаџерската позиција во Вест Хем дојде во ноември 2017 година и го издигна тимот кој дотогаш беше во многу лоша форма. Сегашниот договор на Мојс со Вест Хем истекува во јуни, а тој изрази желба да остане и понатаму во клубот.