Петреус: Русија направи три клучни грешки во текот на инвазијата врз Украина

Ивона Петрова — Wed, 19 Apr 2023 14:40:05 +0000

Поранешниот директор на ЦИА,пензионираниот американски генерал Дејвид Петреус, оценува дека руската војска направи три клучни грешки за време на инвазијата на Украина. -Тие целосно ги потценија украинските сили и ги преценија руските. Тие не можеа да ја наметнат својата линија на воена кампања и да ги подготват силите за спроведување на оваа кампања, рече Петреус. „Покрај тоа, тие немаа модерни телекомуникациски системи. Значи, генералите продолжија да им гинат“, додаде тој. -Понатаму, тие не ги обучуваа своите војници, секогаш знаевме дека им недостасуваат професионални подофицери кои се столбот на нашите сили на Западот. Имаше многу грешки што ги покажаа, некои очекувани, а некои неочекувани, нагласи пензионираниот генерал Петреус, поранешен началник на Здружениот штаб на началаници на американската војска. Генералот, исто така, истакна дека руските комуникациски канали се едноканални и не се шифрирани, што им олеснува на Украина и нејзините сојузници да ги следат. Њусвик, исто така, пренесува дека Петреус кажал дека украински напад може да предизвика колапс на руските сили на југот на Украина и дека украинските сили ќе ослободат голем дел од украинската територија што Русите ја окупираа минатата година, се до Крим, пренесува загребската телевизија N1.

Петреус: Можно е над 20.000 руски војници да се убиени во Украина

Ивона Петрова — Wed, 01 Jun 2022 06:27:18 +0000

Можно е над 20.000 руски војници да се убиени за време на конфликтот во Украина, изјави пензионираниот американски генерал Дејвид Петреус. Тоа, според него, е „многу повеќе од загубата во деветте години во Авганистан“. На 25 март, руската проценка за загубата на свои војници изнесуваше 1.351 лице. Се наближува стоттиот ден од почетокот на руската инвазија на Украина, а Петреус во разговор за Би-би-си појасни оти не е изненаден што Украина успева да ги одврати руските сили. – Украина ги надмина сите очекувања, смета Петреус. Тој ја критикуваше ефективноста на Русија во војната. – Никој не предвиде целосна неспособност на Русија, на секое ниво, додаде тој. Меѓутоа, тој помалку е оптимистен во врска со Северодонецк. – Во еден момент, можеби Украинците ќе мора да се повлечат. Руското заземање на градот, би било значајно во психолошка војна, истакна Петреус. Пензионираниот американски генерал е скептичен околу руската понуда, да испрати товарни бродови со пченица од украинските пристаништа. – Беше кажано дека тоа ќе се стори, доколку ги укинеме санкциите. Нема шанси да ги укинеме санкциите. Секоја идеја, Западот да испрати бродови на Црно Море, е мртва по нејзиното создавање, затоа што тоа би значело директен конфликт со Русија, заклучи Петреус.

Дејвид Петреус – Kurir.mk

Петреус: Русија направи три клучни грешки во текот на инвазијата врз Украина

Петреус: Можно е над 20.000 руски војници да се убиени во Украина