Дејвис Куп репрезентација – Kurir.mk

Калин Ивановски го предаде мечот, Македонија загуби од Молдавија

Бошко Тасиќ — Fri, 16 Jun 2023 05:25:25 +0000

По победата над Малта, македонските тенисери беа немоќни против Молдавија. Бугариќ и Ивановски ги загубија сингл мечевите, па дуелот во двојки ќе биде неважен за крајниот исход. Во првиот денешен сингл меч, Бугариќ со 2-1 (4-6, 6-2, 6-3) во сетови загуби од Илиа Снитари. Ивановски го загуби првиот сет од Александер Џозбинов со 7-5, македонскиот тенисер во вториот сет губеше со 5-2 кога реши да го предаде мечот. Во двојки планирано е да играат Амар Хусеиновиќ и Обрад Марковски против Цозбинов и Снитари. Утре Македонија ќе игра против Кипар кој со 3:0 ја совлада селекцијата на Малта во денешниот меч од второто коло.

Ивановски и Бугариќ донесоа стартна победа за Македонија на Дејвис Купот

Бошко Тасиќ — Thu, 15 Jun 2023 05:21:24 +0000

Македонија со пресврт стигна до триумф над Малта на отварањето на турнирот во Ларнака. Во првиот натпревар, Обрад Марковски беше поразен од Алекс Дегабриел, за потоа Калин Ивановски да изедначи на 1-1 со победа над Лиан Деликата. Одлучувачки беше дуелот во двојки, а во него, Калин Ивановски и Берг Бугариќ со 2-0 во сетови (6-4 и 6-4) ги совладаа Алекс Дегабриел и Лиан Деликата. Следниот противник на Македонија ќе биде познат по завршување на средбата меѓу Кипар и Молдавија.

Тенисерите ги дознаа ривалите за Дејвис Купот

Бошко Тасиќ — Wed, 14 Jun 2023 04:39:27 +0000

Македонската тениска репрезентација ги дозна ривалите за Третата Европска зона од Дејвис купот што ќе се игра во Ларнака (Кипар). Нашиот национален тим е во група со домаќинот Кипар кој воедно е ноистел, потоа Малта и репрезентацијата на Молдавија. Првиот ривал на тенисерите ќе биде селекцијата на Малта со која ќе се соочиме утре. Според правилата на Дејвис купот во Третата зона се играат два синл меча и потоа еден дубл. Тоа значи дека први на терен ќе се појават второрангираните играчи од репрезентациите, потоа играат прворангираните, а на крајот дубловите. Во групата А се три репрезентации: Естонија (68), Сан Марино (86) и Црна Гора (91)