Деклан Рајс – Kurir.mk

Сити се повлече од трката за Рајс, Арсенал ќе урне британски трансфер рекорд!

Ристе Здравков — Wed, 28 Jun 2023 12:25:59 +0000

Манчестер Сити изненадувачки испрати понуда за Деклан Рајс и се обиде да ја упропасти трансфер зделката на Арсенал, но откако сфати дека клубот од Северен Лондон е навистина решен да не штеди за англискиот репрезентативец, актуелниот европски првак се откажа од трката. Британските медиуми ова попладне информираат дека Сити се повлекол од наддавањето за Рајс и не планира да се натпреварува со Арсенал за тоа кој клуб ќе исплати повеќе пари, бидејќи веднаш по одбиената понуда од 90 милиони фунти, „топчиите“ доставија нова. Третата понуда на Арсенал изнесува фиксни 100 милиони фунти и 5 дополнителни во вид на бонуси, што претставува британски трансфер рекорд, но и порака до „граѓаните“ да се повлечат од битката. Медиумите од Островот сега пренесуваат дека Сити повеќе не е закана за Арсенал и Микел Артета, па сега „топчиите“ ќе можат мирно да преговараат со претставниците на Вест Хем за конечно прецизирање на завршните зделки. Претпоставките се дека „чеканите“ ќе ја прифатат последната рекордна понуда, но во наредниот период се очекуваат преговори околу висината на исплатите во неколку рати.

Арсенал ќе потроши над 200 милиони евра на засилувања

Бошко Тасиќ — Mon, 26 Jun 2023 03:48:51 +0000

Во следните два дена во лондонски Арсенал се очекува официјалното претставување на Каи Хаверц кој ќе пристигне за сума од околу 65 милиони евра, но „топчиите“ нема да застанат тука. Арсенал е пред потпис и со капитенот на Вест Хем, Деклан Рајс, за кого ќе биде издвоена сума која ќе биде поголема од сто милиони евра, затоа што „чеканите“ веќе ги одбија првите две понуди. Третото засилување ќе биде Јуриен Тимбер од Ајакс, со кого Арсенал веќе ги договорил личните услови и останува само да се „испегла“ отштетата што ќе му биде исплатана на холандскиот клуб, а таа не би требало да биде помала од триесет милиони фунти.

Манчестер јунајтед на Вест Хем му нуди 40 милиони плус двајца играчи за Деклан Рајс

Бошко Тасиќ — Fri, 23 Jun 2023 04:34:16 +0000

Како што пренесува Дејли Мејл, Манчестер јунајтед стокмил интересн предлог за ангажман на Деклан Рајс, „ѓаволите“ нудат 40 милиони фунти плус услугите на Хари Мегваер и Антони Еланга. Арсенал не ја искористи шансата прв да го договори трансферот на Деклан Рајс, па сега ќе има наддавање за услугите на Англичанецот. По најавите дека Манчестер Сити ќе достави понуда, Дејли Мејл вечерва објави дека Манчестер јунајтед стокмил интересен предлог. „Ѓаволите“ на Вест Хем ќе му понудат 40 милиони фунти, плус услугите на Хари Мегваер и Антони Еланга.

Сити достави понуда за Деклан Рајс

Ристе Здравков — Thu, 22 Jun 2023 11:56:30 +0000

Манчестер Сити се вклучи во трката за капитенот на Вест Хем, Деклан Рајс. Вест Хем за капитенот бараат 100.000.000 фунти. До денес Арсенал водеа во трката за потписот на Рајс. Вест Хем ја одби понудата која беше помалку од она што клубот го бара како оштета. Се чини дека целта на „чеканите“ беше и Сити да се вклучи во трката. Тоа се случи во четвртокот. Не е познато колку пари понудил актуелниот англиски и европски првак. Во овој преоден рок Сити го напушти Илкај Гундоган, на неговото место пристигна Хрватот Матео Ковачиќ, а Рајс само треба дополнително да ја засили конкуренцијата во средниот ред на шампионот на Англија.

Деклан Рајс пред потпис со Баерн Минхен

Бошко Тасиќ — Sat, 03 Jun 2023 06:08:44 +0000

Капитенот на Вест хем, Деклан Рајс е подготвен да ги одбие понудите на Арсенал и Манчестер јунајтед и својата кариера да ја продолжи во Германија, поточно во Баерн Минхен, пренесува „Скај спортс“. Се очекува „чеканите“ ова лето да се согласат на трансфер на нивниот најдобар фудбалер, и според „Скај“ имал позитивни преговори со германскиот шампион во Лондон и е согласен на преселба доколку двата клуба се согласат. Вест Хем постојано тврдеа дека неговиот трансфер нема да може да биде под 100 милиони евра, и останува да се види дали Баварците ќе се согласат на оваа сума.

Арсенал ќе биде активен на фудбалскиот пазар оваа лето

Бошко Тасиќ — Sun, 30 Apr 2023 08:44:51 +0000

Лондонскиот фудбалски клуб Арсенал има намера сериозно да го засили својот тим по пласманот во Лигата на шампионите. Приоритетна трансферна цел на лондончани е капитенот на Вест Хем, Деклан Рајс, а „топчиите“ имаат намера да му додадат уште двајца играчи од средниот ред за наредната сезона. Еден од нив е Моисес Каиседо од Брајтон, кој лондончани не успеаја да го потпишат во зимскиот преоден рок за 80 милиони евра. Вториот е Мејсон Маунт од градскиот ривал Челзи, чиј договор со „сините“ истекува во летото 2024 година, а претставниците на „топчиите“ веќе одржаа прелиминарни разговори со Маунт.

Во Јунајтед веќе „пикираа“ фудбалер за кој ќе инсистираат да го откупат

Ристе Здравков — Wed, 06 Oct 2021 13:42:13 +0000

Манчестер Јунајтед веќе размислува за идниот трансфер период, во кој сигурно главна трансфер цел ќе биде фудбалерот на Вест Хем, Деклан Рајс. Ова лето Јунајтед ги доведе Санчо, Варан и Кристијано Роналдо, но тимот на Солскјер се уште не игра течно и убедливо, па ќе мора во следните 1-2 трансфер периоди дополнително да ја засилат екипата. По се изгледа дека фокусот на „Олд Трафорд“ е ставен на фудбалерот од Лондон, Деклан Рајс, за кој Вест Хем ќе бара 60 милиони фунти. Тој е споменуван како замена во средината за Немања Матиќ, кој веќе од поодамна не е во својата врвна форма, па Јунајтед ќе ја проветри својата екипа. Со оглед на тоа дека и Рајс е англиски репрезентативец, во Манчестер се надеваат дека екипата со Рашфорд, Санчо, Гринвуд, Лингард и доколку го донесат Рајс, ќе биде далеку по воиграна.