делчево – македонска каменица – Kurir.mk

Нормализиран сообраќајот на регионалниот пат Делчево – Македонска Каменица

Тале Кристо — Tue, 09 May 2023 15:26:54 +0000

Сообраќајот на регионалниот пат Делчево - Македонска Каменица е нормализиран, откако беше во прекин поради сообраќајна несреќа во која учествувале камион и комби кај месноста Манасово Маало. Од делчевската полиција информираа дека увидот е завршен, а сообраќајот целосно е нормализиран околу 16:45 часот. Во сообраќајната несреќа на повреда се пожалил возачот на камионот, кој, како што информираа од Итната медицинска помош од Делчево, со нивно возило е пренесен во Клиничка болница Штип. Причините за несреќата не се познати, иако МИА од полициски извори дознава дека возачот на комби возилото бил пронајден во Македонска Каменица каде е запрен од страна на полицијата. Повеќе детали за случајот полицијата најави за вечерва.

Сообраќајна несреќа на патот Делчево – Македонска Каменица, возило со странски таблички се обидело да помине камион

Магдалена Андонова — Thu, 24 Nov 2022 10:46:07 +0000

Поради верижна сообраќајка во прекин e сообраќајот на патот Делчево – Македонска Каменица. Сообраќајката се случила во близина на патот кој води за село Бигла, а според информации на очевидци кои ги потврдија и од делчевската полиција, во сообраќајката учествувале три возила и еден камион. Посочуваат дека сообраќајката настанала кога возило со странски регистерски таблички се обидело да го помине камионот. На лице место покрај полицијата која врши увид е и возило на Итната медицинска помош. Според информации од овие служби нема сериозно повредени лица. Повеќе детали од полицијата најавија во текот на денот. (МИА)

Нови одрони на патот Делчево – Македонска Каменица, отежнат сообраќајот

Ивона Петрова — Tue, 08 Jun 2021 06:22:21 +0000

Поради нови одрони од утрово со проблеми се одвива сообраќајот на дел од магистралата А3 на делницата од Делчево кон Македонска Каменица. Најизразена ваква појава, како што јавуваат возачи кои сообраќаат на оваа релација, повторно е делницата од село Очипала кон Баткова Чешма, но како што додаваат наноси од камења има и на останати места долж целиот патен правец. Од подружницата на ЈП „Македонија пат” истакнаа дека дежурните екипи се на терен и работат на санирање на критичните точки. Поради влажниот терен и можноста од нови наноси апелираат на почитување на сообраќајната сигнализација и внимателно возење долж овој патен правец.

Почина возачoт на комбито кое го блокираше патот Делчево – М.Каменица

Магдалена Андонова — Tue, 15 Sep 2020 13:36:36 +0000

Почина возачот на возилото комби кое застранило од регионалниот пат Делчево – М.Каменица и притоа предизвикало застој на сообраќајот. Од Итната медицинска помош информираат дека се работи за лице на возраст над 50 години од општина Чешиново-Облешево. -Добивме повик од возачи кои забележале дека му се слошило на возачот на комби. По укажаната лекарска интервенција, лицето е препратено во кочанската болница, каде добивме информација дека попатно починал, информираа од делечевската Брза помош. Од полицијата уште се чекаат детали за евентуални останати причини за несреќниот случај. Во моментот, сообраќајот на патниот правец Делчево – М.Каменица е нормализиран.

Поради превртено комбе застој на патот Делчево – Македонска Каменица

Магдалена Андонова — Tue, 15 Sep 2020 11:50:08 +0000

Застој во сообраќајот на регионалниот патен правец Делчево – Македонска Каменица. Возачи информираат дека превртено комбе е причината за долгата колона возила која чека да го продолжи патувањето. – Според тоа што го видовме додека чекавме, комбето се превртело поради тоа што му се слошило на возачот. Интервенираше екипа на Итната помош, тука се и полициските екипи кои кажаа дека патот за кратко ќе биде пуштен во употреба, информираат возачи. Од Итната медицинска помош ја потврдија интервенцијата и додадоа дека возачот е во добра состојба. За евентуални други причини за несреќата од полицијата детали најавија во текот на денешниот ден.