делегација – Kurir.mk

Делегација на ВМРО-ДПМНЕ во посета на Берлин

Тале Кристо — Tue, 20 Jun 2023 11:33:31 +0000

Срдечна средба со Проф.Ламерт, претседател на фондацијата "Конрад Аденауер", дискусии за Македонија, ЕУ, билатерална соработка со Германија и подготовката на изборната програма на ВМРО-ДПМНЕ. Поздрав од Берлин!, пишува на социјалната мрежа на Фејсбук пратеникот од редовите на ВМРО ДПМНЕ Антонио Милошоски.

Бугарската делегација пристигна во црквата „Св. Спас“ на чествувањето на Гоце Делчев (ВИДЕО)

Ристе Здравков — Sat, 04 Feb 2023 12:56:59 +0000

Во секој момент се очекува да пристигнат и бугарските граѓани кои утринава со автомобили тргнаа кон Скопје. Бугарската делегација предводена од бугарскиот вицепремиер задолжен за јавен ред и безбедност и министер за внатрешни работи Иван Демерџиев, пристигна во црквата „Св. Спас“ на чествувањето на 151-годишнината од раѓањето на македонскиот револуционер Гоце Делчев. Во секој момент се очекува да пристигнат и бугарските граѓани кои утринава со автомобили тргнаа кон Скопје. Како што информираа од МВР, отстранет е дефектот на системот на сите гранични премини и се пропуштаат возила за влез и излез од земјава. Од утринава неколку часа беше во прекин протокот на возила на граничните премини поради пад на системот. Поради тоа, на бугарските државјани кои денеска тргнаа кон Скопје да се поклонат на гробот на македонскиот револуционер Гоце Делчев им беше оневозможен влез во Македонија. Ова предизвика тензии и расправии на граничниот премин „Деве Баир“ каде што бугарски државјани, поради неможноста да ја преминат границата, упатуваа навреди и недолично се однесуваа кон македонската гранична полиција.

Делегација на СДСМ предводена од Зечевиќ-Вардарски му оддаде почит на македонскиот великан Гоце Делчев

Ристе Здравков — Sat, 04 Feb 2023 10:50:56 +0000

Делегација на СДСМ предводена од генералниот секретар Миле Зечевиќ - Вардарски, заедно со пратеничката Даниела Колева и членката на Извршниот одбор, Ивона Кузмановиќ, денеска оддаде почит и се поклони пред ликот и делото на македонскиот великан Гоце Делчев, се вели во партиското соопштение на владејачката СДСМ. -Гоце Делчев е еден од најзначајните македонски револуционери, национален херој чие наследство го чуваме, го почитуваме и силно го промовираме. Визијата на Гоце за слобода, правда и еднаквост денеска е визија на социјалдемократите. Делото на великанот Делчев, кој го разбра светот како поле за културен натпревар меѓу народите, останува силен мотив за нашите сегашни и идни генерации, за развој и напредок на слободна, независна и европска држава, е пораката од генералниот секретар Миле Зечевиќ - Вардарски по повод 151 година од неговата смрт. Нека е вечен споменот на македонскиот великан Гоце Делчев, истакнуваат од СДСМ

Делегација од општина Гази Баба предводена од Стефковски во посета на Стара Пазова во Србија

Тале Кристо — Wed, 14 Dec 2022 14:17:32 +0000

Тим од општина Гази Баба во официјална посета на општина Стара Пазова, Република Србија, објави на својата Фејсбук страница градоначалникот на општина Гази Баба Бобан Стефковски. Имам чест да ја предводам делегацијата на општина Гази Баба која е во официјална посета на општина Стара Пазова, Република Србија. Заедно со мене во тимот се: претседателот на Сојузот на Стопански комори на Македонија Трајан Ангелески, преседателот на Здружението на граѓани Мир, слога, стабилност Димитрије Недич, како и мои соработници од општинската администрација. Во рамки на посетата утрово потпишавме меморандум за соработка. Исто така разменивме искуства за развојните потенцијали и можности, како и за идна соработка на неколку полиња култура, образование, спорт и ЕУ фондови. Во текот на денот ќе извршиме посета на повеќе индустриски капацитети на кои ќе го преставиме индустрискиот потенцијал на општина Гази Баба, пишува Стефковски во својата објава.

Иранската делегација оди во Виена на разговори со Агенцијата за атомска енергија

Тале Кристо — Wed, 02 Nov 2022 14:45:12 +0000

Делегација на Иран ќе ја посети Виена во наредните денови за да се обиде да ги намали разликите со надзорниот орган за нуклеарна програма на ОН, рече иранскиот министер за надворешни работи Хосеин Амирабдолахиан. „Ќе испратиме делегација од Иран во Виена во наредните денови за да започнеме разговори со Меѓународната агенција за атомска енергија (МААЕ) и се надеваме дека ќе ги решиме преостанатите прашања врз основа на она што го договоривме во изминатите неколку дена“, рече иранскиот министер на прес-конференција. Амирабдолахиан додаде дека ќе разговара со шефот на европската дипломатија Жозеп Борел за напорите за обновување на нуклеарниот договор од 2015 година меѓу Техеран и светските сили. ираИндиректните разговори меѓу Техеран и Вашингтон за обновување на договорот се заглавени, а официјални лица велат дека меѓу спорните точки е барањето на Иран МААЕ да ја прекине истрагата за трагите од ураниум пронајдени на непријавени локации.

Пендаровски се сретна со делегација на Светска банка

Тале Кристо — Mon, 30 May 2022 13:31:51 +0000

Претседателот Стево Пендаровски денеска прими делегација на Светска банка предводена од Ана Бјерде, потпретседателка на Светска банка за Европа и Централна Азија. На средбата стана збор за портфолиото на Светска банка за регионот на Западен Балкан и Северна Македонија, тековните проекти и плановите на среден рок. На средбата се разговараше за политичките и економските случувања во поширокиот регион и предизвиците од руската инвазија врз Украина и за глобалната економија. Соговорниците разменија мислења за проекциите за раст на земјите од регионот во текот на оваа година, како и за проекциите за глобалната економска и финансиска стабилност. Делегацијата на Светска банка престојува во Северна Македонија по повод учеството на Втората годишна конференција на Министерството за финансии.

Делегација на СПЦ предводена од српскиот патријарх г. г. Порфириј во посета на МПЦ-ОА на 24 мај

Тале Кристо — Fri, 20 May 2022 15:33:47 +0000

Со радост му соопштуваме на верниот народ дека од 23 до 24 мај 2022 година, во посета на Македонската Православна Црква – Охридска Архиепископија ќе престојува делегација на Српската Православна Црква предводена од Неговата Светост, На 24 мај, со почеток од 9 часот, во Соборниот храм „Св. Климент Охридски“ во Скопје, Неговата Светост Српскиот Патријарх г. г. Порфириј и Неговото Блаженство Архиепископ Охридски и Македонски г. г. Стефан, заедно со архијереи од двете сестрински Цркви, ќе служат Божествена Литургија. Го повикуваме верниот народ на Македонската Православна Црква – Охридска Архиепископија да земе молитвено учество, се вели во соопштението на МПЦ – ОА.

Милошоски прашува: Што ѝ ветил Талат Џафери на делегацијата од Чеченија?

Ивона Петрова — Fri, 20 May 2022 06:55:17 +0000

Пратеникот на ВМРО-ДПМНЕ Антонио Милошоски на Фејсбук прашува што ѝ ветил претседателот на Собранието Талат Џафери на делегацијата од Чеченија која била во посета. -Чудна посета на Собранието на Македонија се случила на 10.07.2021 година кога Талат Џафери како Претседател бил домаќин на делегација од руската Чеченска Република. На чело на чеченската делегација бил Абдул-Вајед Нијазов, марионета на Кремљ во тамошниот "Исламски културен центар", поранешен пратеник во Думата и основач на здружението "Муслиманите во поддршка на Претседателот Путин". Иако за секоја средба со странски гости собранискиот Спикер ги информира медиумите, овој пат Талат Џафери одлучил да биде дискретен и да не сподели што разговарал и дали нешто му ветил на контроверзниот гостин⁉️ Гостите од Чеченската Република го посетиле и Тетово каде објавиле дека со општината се договориле за изградба на парк и споменик на Ахмат Кадиров, првиот претседател на Ч.Р. и носител на орден "Херој на Русија". Инаку Ахмат Кадиров е татко на сегашниот деспотски шеф на Чеченската Република, Рамазан Кадиров, кој со неговите војници ревносно му помага на претседателот на Русија во инвазијата врз Украина, често извршувајќи ги најбруталните операции. Во чест на милениците на Путин од Чеченската Република бил организиран и свечен ручек во елитниот хотел "Буши" во Скопје, но нема информација дали сметката е платена од буџетот на Собранието или платил некој друг. На собраниската веб страна нема информации за овој настан, но за среќа во Агенциите за безбедност има детални извешта, пишува Милошоски на Фејсбук.

Пендаровски нема да оди во Рим – делегацијата ќе биде предводена од премиерот Ковачевски

Ристе Здравков — Sat, 14 May 2022 16:37:20 +0000

Претседателот на државата Стево Пендаровски оваа година нема да отпатува за Рим по повод чествувањето на сесловенските просветители, светите браќа Св. Кирил и Методиј. Ова за ТВ21 го истакнале од Кабинетот на претседателот Стево Пендаровски. Од таму велат дека делегацијата ќе биде предводена од премиерот Димитар Ковачевски. „Претседателот нема да патува во Рим. Согласно ротациите на државниот врв, која е повеќегодишна пракса, оваа година државната делегација во Ватикан за чествување на сесловенските просветители, светите браќа Св. Кирил и Методиј, ја предводи премиерот Димитар Ковачевски“, посочија за ТВ21 од Кабинетот на претседателот Пендаровски.

Делегација од Град Скопје положи свежо цвеќе на гробот на великанот Гоце Делчев

Тале Кристо — Wed, 04 May 2022 09:45:32 +0000

Градоначалничката Данела Арсовска и секретарот на Град Скопје, Ѓоко Велковски, денеска положија свежи цвеќиња на гробот на великанот на македонската борба за слобода Гоце Делчев, во дворот на црквата „Свети Спас“, по повод 119 годишнината од неговата смрт. Гоце Делчев е еден од основоположниците на Македонската револуционерна организација и народен водач кој со својата револуционерна дејност остави траен печат во македонската историја. Визионер кој уште пред повеќе од еден век го разбра светот како поле за културен натпревар на народите. Затоа, денес на 4 мај, се потсетуваме на неговиот завет, на љубовта кон татковината и на несебичната жртва за слобода. За Скопје и скопјани достоинствено го чествуваат неговиот лик и дело и го вреднуваат неговото наследство.