делфини – Kurir.mk

Над 100 делфини умреа во Бразил, можна причина е високата температура на водата

Катерина Бојаџиева — Mon, 02 Oct 2023 08:31:34 +0000

Повеќе од сто делфини се пронајдени мртви во Бразил, а можна причина за тоа е историската суша што ја погоди земјата и рекордно високите температури на водата, кои надминаа 38 степени. Мртвите речни делфини се пронајдени во езерото Тефе во последните седум дена, соопшти Институтот Мамирауа, истражувачки објект под покровителство на Министерството за наука. Од Институтот наведоа дека толку голем број на загинати единки е невообичаен и дека причина може да бидат рекордните температури на водата, но и сушата. -Сè уште е рано да се утврди причината за ваквата екстремна појава, но според нашите експерти, тоа секако е поврзано со сушниот период и високите температури во езерото Тефе, кои на некои места надминаа и 39 степени Целзиусови, соопштија од Институтот. Активистите и истражувачите се обидуваат да ги спасат преживеаните делфини, преместувајќи ги од лагуните и езерата до главниот поток каде водата е поладна, објави Си-Ен-Ен Бразил. -Префрлањето на речните делфини во други реки не е безбедно, бидејќи е неопходно да се проверат токсините и вирусите кои се присутни пред да се ослободат животните, изјави Андре Коелјо, истражувач од Институтот Мамирауa.

Неверојатна снимка! Јато делфини формирале заштитен прстен и спасиле капач од голема бела ајкула: „Никогаш нема да го заборавам ова пливање“

Ристе Здравков — Wed, 10 Aug 2022 09:39:50 +0000

Адам Вокер од Велика Британија засекогаш ќе им биде благодарен на јатото делфини што го спасиле од напад на голема бела ајкула на брегот на Нов Зеланд. Адам пливал во водата кога недалеку од него се појавила огромна ајкула, која најверојатно ќе го нападнела доколку делфините не дошле напомош. Делфините формирале заштитен прстен околу Адам, спречувајќи ја ајкулата да му се доближи. „Случајно погледнав и видов ајкула, беше неколку метри под мене. Се обидов да не паничам“, рекол Адам. „Мислам дека ме штитеа и сакаа безбедно да стигнам до мојата дестинација. Секогаш ќе го паметам ова пливање“, изјавиl Адам. Држејќи се во јато, делфините се бранат од напад на ајкула, а смелите суштества често го вознемируваат предаторот и го бркаат. Никогаш нема да дознаеме дали делфините го направиле ова за да го одбранат Адам, но во секој случај ја избркале ајкулата од него.

За прв пат сите гледаат во нешто друго: Обично во преден план се градите на Маја, но нејзините нови фотографии се преслатки

Ивана Ефремовски — Wed, 09 Mar 2022 21:43:01 +0000

Маја Маринковиќ моментално е на одмор во Египет. Таа секојдневно ги радува своите фанови со фотографии од Африка, па и денеска покажа како го поминала денот. Поранешната учесничка во „Задруга“ отишла во Куќата на делфините во Хургада и во таа прилика пливала со делфините. Таа пливаше со нив, ги галеше и ги бакнуваше делфините. Низа позитивни коментари има на овие фотографии. Обично таа позира разголена, па сите ги коментиораат нејзините гради, но нејзините нови фотографии се преслатки.

View this post on Instagram

A post shared by MARIJA MARINKOVIC (@majaamarinkovic)

УЖАСНА ТРАДИЦИЈА: Убиени околу 1.500 китови и делфини на фестивал

Ивана Ефремовски — Tue, 14 Sep 2021 13:27:29 +0000

За време на овогодишниот фестивал „Гриндадрап“, што се одржува секоја година на Фарските Острови, автономен регион на Кралството Данска, убиени се 1.428 китови и делфини, јави агенцијата Анадолија. Домашните медиуми информираа дека локалното население годинава убило 1.428 животни, во традиционалниот лов на делфини и китови наречен „Гриндадрап“, што датира од 1500-тите години. Годинашната е највисока бројка на убиени животни од почетокот на традицијата. Во традицијата што трае од 1584 година, најмногу китови и делфини досега биле убиени во 2013 година. Тогаш биле усмртени 430 животни. И покрај силните осуди од екологистите низ целиот свет, традиционалниот фестивал се одржува секоја година.

Во бугарските територијални води во Црно Море регистрирани се 74.000 делфини

Тале Кристо — Sat, 28 Aug 2021 19:42:35 +0000

Во бугарските територијални води во Црно Море регистрирани се 74.000 делфини, покажуваат податоците од завршениот голем европски проект за проучување на трите видови на китови на организацијата Зелен Балкан. Како што јави БТА, податоците од истражувањето се возменирувачки и во исто време укажуваат дека недостигаат неопходни мерки за зачувување на видовите на китовите во Црно Море. Истражувањето покажува и дека ловот на китовите доведува до нивно намалување, како во територијалните води на Бугарија, така и на светско ниво.

Стотина угинати делфини на брегот на Гана

Тале Кристо — Tue, 06 Apr 2021 06:30:37 +0000

Најмалку 80 делфини и поголем број риби се најдени угинати на неколку плажи близу главниот град на Гана – Акра, од петокот досега. Властите почнаа истрага. Официјалните лица ги предупредија граѓаните да не ги јадат пронајдените делфини и риби, бидејќи сè уште не е позната причината за нивната смрт. Министерството за риболов соопшти дека се земени примероци од рибите и од водата за анализа. Одборот за риболов соопшти дека биле пронајдени меѓу 80 и 100 угинати делфини. Во февруари, исто така, беа пронајдени 111 мртви делфини на брегот на Мозамбик. Првичната истрага покажа дека е можно и други да бидат заробени поради ниската плима по циклонот „Гуамба“.

Неверојатна глетка: 300 делфини во „стампедо“ ВИДЕО

Ристе Здравков — Thu, 13 Aug 2020 12:26:29 +0000

Прекрасната сцена доаѓа од Дејн Порт, Калифорнија. Станува збор за вистинско „стампедо“ од делфини, а се чини дека имало околу 300 единки. Како што пренесува OC Register, делфините се движеле мошне брзо, па повеќе време поминувале во воздух отколку што биле во вода. Не се знае точната причина поради која се случуваат стампедата со делфини, а некои од можните причини е бегањето од предаторите, потрагата по храна или „состанокот“ со друга група делфини. Југот на Калифорнија е, инаку, познат по тоа што таму има најголема густина на делфини по метар квадратен, а се проценува дека во овој регион ги има околу 450.000. Ова може да се смета дури и за мала група, бидејќи досега биле видени групи од по 10.000 делфини.

Во Јапонија почна контроверзниот лов на делфини

Предраг Кукиќ — Mon, 02 Sep 2019 12:57:01 +0000

Во Јапонија, во крајбрежниот град Таиџа, започна контроверзниот лов на делфини, кога овие морски животни се водат во заливот и се убиваат во плитка вода, а дел од нив се одбираат за продажба во околните аквариуми. Овој лов е строго критикуван со децении, како од домашните невладини организации, така и од страна на меѓународната јавност, особено по документарецот „Заливот“, пренесува Би-би-си. Невладината организација „Делфин проект“ соопшти дека денеска се убиени пет делфини. А пак, дозволениот број е 1.700 фатени или убиени животни. Се очекува сезоната на лов на делфини да трае околу шест месеци. Јапонија е цел на критики и поради ловот на китови.

Турција негира дека поморот на делфини е поврзан со воени вежби

Ивана Ефремовски — Wed, 10 Apr 2019 06:10:21 +0000

Турската армија ги негираше обвиненијата на грчкиот институт за заштита на морската средина дека поморските вежби кои неодамна ги спроведе се причина за масовен помор на делфини. Како што јави Танјуг, турската армија на својот профил на Твитер наводно објавила видео снимка и фотографии од делфини за кои наведува дека се гледа како делфините „весело ги следат“ бродовите за време на вежбите. Грчкиот институт „Архипелагос“ во понеделникот соопшти дека на бреговите на Егејското Море, од крајот на февруари, биле пронајдени 15 мртви делфини. Институтот не можеше да докаже дека поморот на делфините е поврзан со вежбите на турската армија, но нагласи дека до порастот на бројот на настрадани делфини дошло во периодот од 27 февруари до 8 март, кога биле спроведени вежбите.

Нов Зеланд: Угина јато од 145 делфини кои се насукаа на брегот

Предраг Кукиќ — Mon, 26 Nov 2018 10:02:03 +0000

Јато од 145 белогрбни делфини се насукаа на брегот на островот Стјуарт на Нов Зеланд и сите угинаа, јави Би-Би-Си. Насуканите тела на животните ги забележал случаен минувач, кој шетал по плажата Мејсон Беј. Властите информираа дека половина од делфините умреле во текот на ноќта меѓу сабота и недела, додека останатите ги успале, бидејќи било невозможно да бидат спасени. – Веројатноста за успешно враќање на делфините во море беше исклучително мала, изјави Рон Лепенс од локалниот Оддел за конзервација, чија функција е зачувување на историското и природно наследство на Нов Зеланд. – Се насукале на најоддалечената локација. Веќе угинуваа, а нам ни недостасуваат вработени. Најдобро што можевме да сториме за нив беше евтаназија. Но тое е секогаш, ама секогаш, многу тешка одлука, истакна Лепенс. Во извештајот на Одделот за конзервација се наведува дека на НОВ Зеланд често се насукуваат делфини и китови, во просек 85 пати годишно. Сепак, најчесто станува збор за еден припадник на видот, а не за цело јато. Китовите и делфините се насукуваат поради болест, потешкотии при навигација, морски струи или поради тоа што ги прогонуваат грабливци.