делии – Kurir.mk

„Делии“ ги провоцираа навивачите на Сити со „Лажен Манчестер…“, па добија одговор (ВИДЕО)

Ристе Здравков — Wed, 20 Sep 2023 12:23:01 +0000

Натпреварот меѓу Манчестер Сити и Црвена Звезда во Лигата на шампионите донесе и интересни моменти на трибините меѓу двете навивачки групи. „Делиите“ за време на синоќешниот дуел се одлучија и на провокации кон домашните навивачи… „Лажен Манчестер“ – пееја гостинските фанови, притоа покажувајќи и банкноти алудирајќи на парите кои се вложени во клубот за да „на вештачки начин“ се дојде до успесите, наспроти градскиот ривал на Сити кој е клуб со далеку поголема традиција.

We will print more money for you Man City ££££££ #ManCity #redstar #Crvenazvezda #ManchesterCity #mancityfans #delije pic.twitter.com/YOVmsibAws
— Knindza Zoki (@ZokyUK) September 19, 2023

Но, на сето тоа должни не останаа и навивачите на Сити кои вратија со скандирање „Ќе го купиме вашиот клуб и ќе го запалиме“…

Red Star fans wave money at City fans:

The City fans responded with “we’ll buy your club, we’ll burn it down” 😂 pic.twitter.com/BTrX0OVWjB
— mcfc lads (@mcfc_lads) September 19, 2023

„Делии“ во Манчестер уништија едноминутно молчење за десетици илјади загинати

Ристе Здравков — Wed, 20 Sep 2023 06:05:54 +0000

Црвена Ѕвезда гостуваше кај актуелниот победник на натпреварувањето во првото коло од групата на Лигата на шампионите. Околу три илјади нејзини фанови го искористија тоа за да се појават на стадионот на Манчестер Сити. Шампионите на Србија загубија со 3:1 од шампионите на Англија и Европа, а Англичаните по мечот пишуваат и зборуваат за примитивизмот на српските навивачи. Сите натпревари во Лигата на шампионите започнаа со едноминутно молчење за десетици илјади загинати во неодамнешните катастрофи, поплавите во Либија и земјотресот во Мароко. Тоа го почитуваа 50.000 навивачи на Сити на „Етихад“, но не и навивачите на Ѕвезда. Поради ова, судијата Жоао Пинеиро го прекина минутен молк многу пред неговото истекување.

Брутална тепачка: Навивачите на Ѕвезда збеснаа, полицијата во Берн почна да пука (ВИДЕО)

Ивана Ефремовски — Wed, 21 Aug 2019 18:11:43 +0000

Црвена Ѕвезда вечерва во Берн го игра првиот меч од плеј-офот за групната фаза од ЛШ против швајцарски Јанг Бојс. Во Берн пристигна голем број навивачи на Црвена Ѕвезда, но фанови на српскиот шампион пристигнуваат и од цела Европа, пред се Австрија и Швајцарија, а иако во текот на денот немаше никакви проблеми и се дружеа дури и со навивачите на швајцарскиот тим, сега пристигнуваат вести за инцидент кој се случил додека се движеле кон стадионот. Според српските медиуми, Делиите претепале барем едно лице на улиците на Берн. На снимките кои се појавија на социјалните медиуми може да се види како група навивачи на Ѕвезда напаѓаат група луѓе удираат барем едно лице кое се обиде да влезе во дворот на медицинската установа за одвикнување од наркотици која е во непосредна близина. Набрзо по ова интервенираше и полицијата, а наводно еден од полицајците во цивилна облека кој може да се забележи на видеото пука во воздух со цел да ги натера навивачите да се повлечат и да престанат со тепачката.

ВИДЕО: „Делии“ под прозор му пееја на Павков!

Ристе Здравков — Fri, 09 Nov 2018 14:39:43 +0000

Еуфоријата од историската победа над Ливерпул, сè уште е присутна кај најверните фанови на српскиот шампион Црвена Звезда. Познатите „Делии“ уште на самиот натпревар против англискиот гигант направија атмосфера која ја потврдува тезата дека се едни од најдобрите навивачки групи на Балканот, но она што го направија синоќа - е вистинска реткост. Фановите на „црвено-белите“ и три дена по големата победа не го забораваат нивниот херој, Милан Павков и се решија со песна и пиротехничко шоу пред неговиот дом уште еднаш да го поздрават. Инаку, Павков беше творец на двата погодока за белграѓани во победата над Ливерпул, од кои вториот беше вистински еврогол од над 25 метри. Извор: gol.mk

БУРА ЕМОЦИИ: Судијата свирна крај и теренот се наполни со навивачи- погледнете како „Делии“ го прославија историскиот успех (ВИДЕО)

Матеја Петровски — Thu, 30 Aug 2018 09:17:27 +0000

Црвена Ѕвезда успеа да се пласира во Лигата на шампионите иако важеше за голем аутсајдер во двомечот против Ред Бул Салцбург. Овој успех знаеја како да го прослават големиот број на фанови кои беа на стадионот во Салцбург. Тие решија да влезат на теренот и заедно со фудбалерите да го прослават овој голем историски успех на својот клуб. Имено, првиот меч меѓу српскиот и австрискиот шампион, Ред Бул Салцбург, во Белград заврши 0:0, а реваншот во Австрија 2:2. Црвена Ѕвезда беше во класична нокаут ситуација, откако по 48 минути игра имаа негатива од 2:0, откако Мунас Дабур стрелаше во 45-та и во 48-та минута од пенал. Но, за само една минута работите се променија со головите на Бен и Милош Дегенек во 65-та и 66-та минута белградскиот тим се вивна во ѕвездите За поранешниот европски шампион ова е прво историско учество откога ЛШ се игра во овој формат, а е изборено по пет неуспешни обиди почнувајќи од сезоната 1991/92. Со пласманот во елитата, белграѓани автоматски од УЕФА заработија 15,2 милиони евра, плус ќе добијат финансиски средства за секој освоен бод во групите. Салцбург и покрај тоа што имаше предност од 2:0, сепак ќе мора да се задоволи со настап во Лигата на Европа.