Започна реконструкција на железничкиот патен премин во Дељадровци

Ивана Ефремовски — Thu, 13 Oct 2022 09:05:13 +0000

Општина Илинден во соработка со ЈП „Македонски железници и инфраструктура” започна со реконструкција и модернизација на железничкиот премин во Дељадровци, а работните активности се предвидува да завршат за седум дена, доколку временските услови го дозволат тоа, период во кој овој патен премин ќе биде целосно затворен за употреба. Железничкиот патен премин во Дељадровци ќе биде реконструиран со нова модерна подлога од рециклирани гумени елементи според највисоки стандарди, со што ќе се овозможи лесно поминување преку железничката пруга и ќе се намали амортизацијата на автомобилите. Увид во работните активности на патниот железнички премин направи градоначалникот на општина Илинден, Александар Георгиевски, кој истакна дека градежните активности имаат за цел зголемување на безбедноста на граѓаните, побрзо и полесно минување на возилата како и квалитетна патна инфраструктура во Општината. Општина Илинден по реконструкцијата на овој железнички патен премин, во соработка со ЈП „Македонски железници и инфраструктура”, ќе продолжи со реконструкција и на останатите железнички патни премини во Миладиновци и Илинден.

Локализиран пожарот на пругата кај селото Дељадровци

Ивана Ефремовски — Tue, 10 Aug 2021 19:50:47 +0000

Противпожарниот воз и екипите на македонските Железници го локализираа и ставија под контрола пожарот на пругата кај скопското село Дељадровци, на коридорот десет. -Од пожарот се оштетени 400 прагови кои ќе бидат променети во најбрз рок. Се става уште еден државен ресурс во справување со пожарите, изјави за МИА Хари Локвенец, директор на Железници и инфраструктура. Противпожарниот воз и дежурната екипа остануваат на терен, за да се спречи повторно активирање на пожарот. (МИА)

Дељадровци – Kurir.mk

Започна реконструкција на железничкиот патен премин во Дељадровци

Локализиран пожарот на пругата кај селото Дељадровци