делови – Kurir.mk

Во Романија повторно пронајдени делови од дрон

Тале Кристо — Wed, 13 Sep 2023 13:14:18 +0000

Романија повторно откри потенцијални делови од беспилотни летала на нејзина територија, објави Министерството за одбрана. Во раните утрински часови Русија изврши напад со дрон врз областа Измаил во јужна Украина, во близина на границата со Романија. Трет пат во една недела Романија пријавува идентификација на фрагменти од дронови на нејзина територија. Романските власти на 6 и 9 септември пронашле фрагменти од дрон. По инцидентите со фрагменти од дрон, Романија, членка на НАТО, денеска соопшти дека почна со изградба на засолниште за воздушни напади во југоисточниот регион на границата со Украина. Романија одлучи да ги зголеми безбедносните мерки по руските напади врз украинските пристаништа и инфраструктурата на Дунав. Романската армија почна да работи на изградба на две бетонски засолништа со цел „да го заштити населението“ во градот Плаур што е во близина на украинското пристаниште Измаил, се наведува во соопштението на Министерството за одбрана. За изградбата на засолништата е ангажиран одред од околу 50 војници, а кога ќе бидат изградени ќе бидат предадени на локалните власти. Претседателот на Романија, Клаус Јоханис претходно испрати протестна нота до Москва, осудувајќи ги „тешките нарушување на воздушниот простор што претставуваат закана за романските граѓани“ кои живеат во областа.

Делови од руски дрон паднаа на територијата на Романија

Тале Кристо — Wed, 06 Sep 2023 14:08:47 +0000

Романскиот министер за одбрана Ангел Тилвар изјави дека за време на нападот врз украинското пристаниште на Дунав, делови од руски дрон паднале на територијата на Романија. Претходно, романското Министерство за одбрана ги демантираше украинските наводи дека делови од беспилотно летало паднале на романска територија. Изминатите недели, Русија постојано ги бомбардираше пристаништата на Дунав, а многу од нападите беа извршени веднаш до границата со Романија. Романското Министерство за одбрана ги осуди тие нападите оценувајќи ги како неоправдани и кршење на меѓународното хуманитарно право. Руските сили денеска со беспилотни летала ги нападнаа украинските пристанишни објекти во областа Измаил на Дунав, при што загина едно лице, изјави локалниот гувернер Олех Кипер.

Истражување: Кина е главен снабдувач на критички важни делови за руските беспилотни летала

Тале Кристо — Tue, 29 Aug 2023 15:40:21 +0000

Кина е главен снабдувач на критички важни делови за руските беспилотни летала користени против Украина, соопшти Меѓународната работна група за санкциите против Русија. Копретседатели на оваа група се поранешниот амбасадор на САД во Русија Мајкл Мекфол, кој го предводи Институтот за меѓународни студии Фриман-Спогли, и Андреј Јермак, шеф на кабинетот на претседаелот на Украина. Според истражувањето, 67 отсто од снабдените делови за беспилотници доаѓаат од Кина, 17 отсто доаѓаат од Хонгконг, додека уделите на Турција и ОАЕ за вакво снабдување се 5 и 2 отсто,соодветно. Русија главно се потпира на увоз на делови од странство, претежно за такви како микроелектроника за три модели на беспилотници користеми за напади на територијата на Украина. Тоа се процесори, микро-шеми, транзистори и други важни делови. Во беспилотните летала соборени од украинската противвоздушна одбрана исто така биле откриени делови произведени во Јапонија, Јужна Кореја, Швајцарија и други земји. Експертите од меѓународната група ги повикаа произведувачите да преземат дополнителни мерки за затворање на пристапот на Русија до нивната продукција со избегнување на санкциите. Групата исто така им препорача на владите да спроведат истраги за компаниите за кои е извесно дека не ги почитуваат санкциите.

Утре без струја повеќе делови од Скопје

Тале Кристо — Tue, 24 May 2022 08:42:47 +0000

Од ЕВН Македонија АД известуваат дека на ден 25.05.2022 година (среда) поради веке закажани техннички зафати, без електрична енергија ќе останат: -во време од 08.00 – 15.00 часот корисниците од ул. Рашид Џафер од бр. 8 до бр. 15 (о. Чаир); -од 08.30 – 12.00 часот дел од с. Сопиште, над општината на патот кон с. Соње (о. Сопиште); -од 09.00 – 12.00 часот дел од бул. ВМРО, спроти поштата на аголот кон бул. Партизански Одреди (о. Центар); -од 09.00 – 13.00 часот зграда бр. 6 на ул. Христо Ботев (о. Гази Баба); -од 09.00 – 14.00 часот корисниците од Новоселски пат околу бензинската пумпа Петрол Оил и КАМ маркетот (о. Ѓорче Петров); -од 09.00 – 15.00 часот дел од објектите до СОУ Рајко Жинзифоф по главната улица, ул. Саса 2 и улиците 1513 и 1515 во Пинтија (о. Кисела Вода); корисниците од ул. Илија Димовски Гоце (о. Аеродром) и викендички Побожје (о. Чучер Сандево) и -во време од 10.30 – 15.00 часот дел од Бардовци, м.в. Рупа (о. Карпош), информираат од ЦУК.

Кина одби да ги снабдува руските авиокомпании со делови

Тале Кристо — Thu, 10 Mar 2022 10:49:26 +0000

Кина одби да им испорача делови за авиони на руските авиокомпании, изјави денеска портпарол на Администрацијата за воздушен транспорт Росавијација. Тој истакна дека Русија ќе бара можности да набавува делови за авиони од други земји, вклучително и Турција и Индија.

OВА ВИДЕО МОРА ДА ГО ПОГЛЕДНЕТЕ: Моментот кога делот од кинеската ракета падна на земјата

Магдалена Андонова — Sun, 09 May 2021 21:00:32 +0000

Денеска во Индискиот Океан паднаа остатоците од најголемата кинеска ракета. Повеќето од нејзините делови се уништија при самото влегување во атмосферата на Земјата. Делови од ракетата „Лонг Марч 5Б“ влегоа во атмосферата во 10.24 часот по локално време. Моментот кога дел од кинеската ракета „Долг марш 5Б“ од 18 тони падна на земја, е снимен со мобилен телефон. Според мониторингот и анализата, кинеската агенција навела дека првиот дел од ракетата „Долг марш 5Б“ влегол во атмосферата во 10,24 часот по локално време (4,24 по средноевропско време), и им дал на координатите на локацијата во Индискиот океан во близина на Малдиви. Како што објави агенцијата, поголемиот дел од тоа парче изгорело и било уништено при влегувањето во атмосферата.

#BreakingNews #Exclusive Footage #ChineseRocket Lands in Indian Ocean.pic.twitter.com/Eamy1dyqPc
— Sukhoi Su-57 Felon 🇷🇺🇮🇳 (@I30mki) May 9, 2021

ВИДЕО: Авиони на „Боинг“ се распаѓаат во лет, делови од моторите паѓаат пред куќи

Ивона Петрова — Mon, 22 Feb 2021 07:30:27 +0000

Делови од авион на авиокомпанијата „Јунајтед“ паднаа во Денвер, откако „боинг 777-200“ морал принудно да се врати на аеродромот поради палење на десниот мотор по полетување. За среќа никој не е повреден, но сериозноста на овој проблем е голема. Во авионот имало 321 лице и 10 членови на екипажот. -Авиониот почна силно да се тресе, почнавме да ја губиме висината. Помислив, готови сме. Мислев дека ќе се срушиме, изјавил Дејвид Делуси кој седел до прозорецот и гледал како се запалил моторот.

“IT’S GOT A BLOWN ENGINE”: A plane flying over Colorado dropped debris in several locations after one of its engines suffered a catastrophic failure following takeoff.
The plane landed safely and no injuries have been reported, police said. https://t.co/jLLLf4vfIJ pic.twitter.com/KTiSwmh1nr — ABC News (@ABC) February 21, 2021

Engine failure on Boeing 777 United aircraft. Plane took off from Denver and returned safely in 20 minutes. Engine parts fell soon after take off. Pilots flew the aircraft back safely. Look at the engine, it's hardly in shape. pic.twitter.com/gByQ9Sj85q
— Nagarjun Dwarakanath (@nagarjund) February 21, 2021

По овој инцидент регистриран е уште еден во Холандија, а во кој повредени се две лица. Метални делови од товарен авион „боинг 747“ почнале да паѓаат на земја, по пожар на моторот, а повредени полесно се две лица. Холандските власти спроведуваат истрага, а на социјалните мрежи може да се види фотографија на која метален дел од турбината на моторот завршил во автомобил

Yesterday, turbine blades of a Boeing 747-400F’s engine fell on several parked cars after departure from Maastricht Aachen Airport https://t.co/cUW0Lez0D6 pic.twitter.com/fOkW0WlQJ7
— AIRLIVE (@airlivenet) February 21, 2021

По овие случаи наредена е итна истрага, а авионите се приземјени. Детали за тоа може да прочитате ТУКА.

Пронајдени делови од индонезискиот авион што се урна во Јаванско море

Магдалена Андонова — Sun, 10 Jan 2021 07:59:43 +0000

На длабочина од 23 метри во Јаванско море, нуркачите денеска пронајдоа делови од индонезискиот Боинг 737-500, кој се урна вчера непосредно по полетувањето од аеродромот во Џакарта со 62 патници и членови на екипажот. „Сигурни сме дека нуркачите ја испитуваат локацијата каде авионот падна во морето“, рече шефот на службата за цивилно воздухопловство, Хади Тиџханто, додавајќи дека се пронајдени скршени делови од авионот, посмртни останки и облека. Пресвртна точка во потрагата по авионот на компанијата Сривиџаја на летот 182 беше кога сонар од воен брод откри сигнал од локаторот на авионот на место за кое претходно се сомневаше дека е местото на несреќата. Сепак, сè уште не е познато ништо за причините за падот на авионот, а се претпоставува дека нема преживеани. – Сакам да изразам длабоко сочувство во името на сите индонезиски граѓани за оваа трагедија. Се молиме да најдеме некој што преживеал, рече претседателот на Индонезија, Џоко Видодо. Несреќата најпрво ја пријавиле рибари кои ловеле во водите на Јаванско море и кои вчера околу 14,30 часот најпрво ја слушнале експлозијата, а потоа виделе голема воден столб и бран како се движат кон нив. Властите веднаш отворија два кризни центри, еден на аеродромот во Џакарта и еден во пристаништето, а претседателот на авиокомпанијата Сривиџаја изјави дека авионот, стар 26 години, бил технички исправен и дека летот доцнел поради лошите временски услови, а не поради проблеми со исправноста на леталото. (МИА)

Поради технички зафати утре и во вторник без струја делови од неколку скопски општини

Тале Кристо — Sun, 22 Nov 2020 17:11:10 +0000

Заради технички зафати во дистрибутивната електро мрежа, без електрична енергија ќе останат следните корисници: На ден 23.11.2020 година ( понеделник), -од 08:30 до 15:00 часот, повремени прекини ќе имаат корисниците од дел од ул. Козара. ( Општина Центар ) -Од 09:00 до 11:00 часот и од 12:00 до 14:00 часот, без електрична енергија ќе бидат корисниците од дел од ул. Лука Геров. (Општина Ѓорче Петров) -Од 09:00 до 13:00 часот, дел од с. Зелениково во близина на општината. (Општина Зелениково) -Од 09:00 до 15:00 часот делови од улиците: Индира Ганди и Пелагонија. (Општина Шуто Оризари) На ден 24.11.2020 година (вторник), -Од 08:30 до 12:00 часот, дел од Волково, поточно објектите во околина на фирмите: Гранит и Водостопанство - Вардар. (Општина Ѓорче Петров) -Од 09:00 до 10:00 часот, ул. Исаија Маџоски згради со бр: 29, 32, 34, 36 и 38 како и Детска градинка - Росица. (Општина Ѓорче Петров) -Од 09:00 до 12:00 часот, ул. Борка Талески бр. 26. (Општина Центар) -Од 09:00 до 15:00 часот, дел од корисниците од ул. Митрополит Теодосиј Гологанов, (во близина на објектите со броеви 72 и 74) и делови од улиците: Њуделхиска, Анкарска и Атинска. (Општина Карпош) -Од 10:30 до 11:30 часот, дел од ул. Веле Марков. (Општина Ѓорче Петров) -Од 12:00 до 13:00 часот, ул. Стево Филиповиќ зграда 2 и зграда 4. (Општина Ѓорче Петров) -Од 13:30 до 14:30 часот, делови од улиците: Мраморец и Белишка. (Општина Ѓорче Петров)

Германски институт класификуваше делови на Хрватска како ризични региони

Тале Кристо — Thu, 20 Aug 2020 11:24:40 +0000

Германскиот институт за заразни болести Роберт Кох (РКИ) денеска вклучи делови на Хрватска во списокот на ризични региони. Станува збор за регионите Шибеник-Книн и Сплит-Далмација. Врз основа на тоа, се очекува Министерството за надворешни работи да издаде предупредување за патување во тие делови од Хрватска. Да се биде вклучен во списокот на ризични региони, значи дека повратниците од овие подрачја се обврзни да се тестираат за Ковид-19 и се во карантин се до добивањето на резултатот. Главниот критериум за класифицирање на подрачје како ризичен регион е дека во изминатите седум дена имало повеќе од 50 новозаразени на 100.000 жители.