СЗО со предупредување: Светот е во многу опасен период

Ивана Ефремовски — Fri, 02 Jul 2021 19:40:14 +0000

СЗО со предупредување - светот е во многу опасен период, бидејќи делта варијантата веќе се распространи во речиси 100 земји. Опасноста е се поголема, не само поради лесното ширење туку и поради мутации кои ќе се развиваат. СЗО побара од светските лидери да ги вложат своите напори до следната година да биде вакцинирана 70% од свеската популација. За глобална имунизација потребни се 11 милијарди дози, а само два проценти од залихите беа поделени во сиромашните земји. -Се наоѓаме во многу опасен период на пандемијата. Во земјите со мал број вакцинирани, страшни се глетките во болниците кои се преплавени со пациенти. Но ниту една земја на планетава се уште не е излезена од шумата. Делата варијантата е опасна и ќе продолжи да еволуира и да мутира, што бара постојана проценка и внимателен одговор за заштита на јавното здравје, изјави генералниот директор на СЗО.

Лисабон: Над 60 отсто од новите случаи на Ковид-19 се од индискиот сој

Ивона Петрова — Mon, 21 Jun 2021 06:23:09 +0000

Повеќе од 60 проценти од новите случаи на коронавирус во главниот град на Португалија, Лисабон, се должат на варијантата Делта, што за првпат е откриена во Индија, јави ДПА, повикувајќи се на Националниот здравствен институт. Поради стравувањата од зголемување на заразените со тој сој, Лисабон од петокот е во блокада, што ќе заврши утрово. За време на периодот на заклучување, на 2,8 милиони луѓе кои живееја во градот им беше дозволено да ги напуштат своите домови само поради итни причини. Влегување во главниот град е дозволено само во посебни околности. Во зависност од ситуацијата, властите ќе одлучат дали да воведат ваква блокада на крајот на следната недела – од 25 до 28 јуни.

делта мутација – Kurir.mk

СЗО со предупредување: Светот е во многу опасен период

Лисабон: Над 60 отсто од новите случаи на Ковид-19 се од индискиот сој