делта – Kurir.mk

„Делта“ го тестираше интернетот на „Старлинк“

Тале Кристо — Wed, 20 Apr 2022 12:48:38 +0000

Американската авиокомпанија „Делта“ потврди дека ја тестирала сателитската интернет-мрежа „Старлинк“ на „Спејс-Икс“, сооппшти извршниот директор на „Делта“, Ед Бастијан не откривајќи повеќе подробности. „Спејс Екс“ лани во јули потврди дека е во преговори со претставници на неколку авиокомпании и оти се обидува „да го финализира производот што ќе се најде во авионите во многу блиска иднина“. Неколку месеци претходно, компанијата на Илон Маск побара од властите дозвола со која се овозможува својот производ и услуги да ги пласира во возила во движење, како на пр. во авиони, камиони или бродови. Во „Спејс-Икс“ очекуваат многу од мрежата, а во случај на интернет достапен во авиони, целта е максимално можна најголема брзина. Нетфлиx препорачува пет Мбпс. Инаку, во авионите на Делта засега е достапен „Вијасат ви-фи“.

Кипар: Откриени 25 случаи на хибрид од делта и омикрон

Магдалена Андонова — Sun, 09 Jan 2022 09:31:34 +0000

Хибрид од варијантите делта и омикрон на ковид-19, наводно, бил откриен на Кипар. Досега се откриени 25 случаи на овој хибрид. Критичарите, сепак, наведуваат дека ова е обичен случај на контаминација, пренесува РТ. Леондиос Кострикис, професор по биолошки науки на Универзитетот во Кипар, го нарече новиот хибрид „делтакрон“ и во петокот предупреди дека светот „во иднина ќе види дали овој вид е попатолошки или заразен или ќе преовладува“ над сегашните варијанти. 25 случаи на делтакрон се веќе евидентирани и пријавени во базата на податоци за мутации на ГИСАИД ковид-19. Кострикис, сепак, рече дека хибридот најверојатно ќе биде совладан од варијантата омикрон, која веќе масовно циркулира. Иако некои изразија загриженост поради извештаите за друга варијанта, неколку научници го отфрлија откритието како лажна тревога. Засега нема официјални потврди за новиот хибрид.

ЕМА: Потребни се две дози на вакцина за заштита од Делта варијанта на коронавирусот

Ивана Ефремовски — Wed, 14 Jul 2021 19:33:28 +0000

Потребни се две дози на вакцина за заштита од Делта варијанта на коронавирусот, соопшти денеска Европската агенција за лекови (ЕМА). Европскиот регулатор исто така ги повика земјите-членки на ЕУ да ги забрзаат програмите за вакцинација, додека многу заразната варијанта Делта забрзано се шири низ целиот свет. „Според првичните податоци, потребни се две дози вакцина против Ковид-19 за соодветна заштита од варијантата Делта“, се вели во соопштението на ЕМА. „Почитувањето на препорачаниот распоред за вакцинација е клучен за постигнување на највисоко ниво на заштита“, додава ЕМА, која препорачува употреба на две дози на Фајзер/Бионтек, Модерна или Астра Зенека. (МИА)

Секоја втора нова инфекција со коронавирус во Германија е најверојатно со варијанта Делта

Тале Кристо — Mon, 28 Jun 2021 19:55:39 +0000

Секоја втора нова инфекција со коронавирус во Германија е најверојатно со варијанта Делта, соопшти денеска Институтот за инфективни болести Роберт Кох, јави ДПА. – Најмалку 35 проценти од инфекциите се со варијанта Делта, но податоците се од пред неколку дена и реалниот процент може да биде 50, изјави Лотар Вилер, шеф на институтот на состанокот со министрите за здравство на германските провинции. Во втората недела од јуни беа заразени само 15 проценти од заразените со варијанта Делта на коронавирусот. Вилер нагласи дека ширењето на сојот Делта ќе доведе до зголемување на вкупниот број на лица заразени со коронавирус. Германските федерални и регионални лидери ги разгледуваат тековните правила за луѓето кои пристигнуваат во Германија, јави ДПА.

Ураганот Делта усмрти најмалку 27 луѓе во Лујзијана

Тале Кристо — Sat, 10 Oct 2020 12:00:19 +0000

Најмалку 27 луѓе загинаа откако ураганот Делта го погоди брегоит на американската сојузна држава Лујзијана. Ураганот американскиот брег во Мексикански Залив го зафати само 15 километри од местото каде минатиот месец го погоди ураганот Лора. Американскиот Национален центар за урагани со седиште во Мајами соопшти дека ураганот Делта слабее и се движи кон сојузните држави Мисисипи и Тенеси. Во Лујзијана и во соседната држава Тексас околу 600.000 домови и деловни објекти останаа без електрична енергија, а во Мисиспи – 40.000. Ураганот Делта предизвика дополнителна материјална штета во областите кои се уште се санираат од ураганот Лора.

Ураганот Делта затвори две третини од нафтените погони во САД

Дарко Андоновски — Fri, 09 Oct 2020 11:55:58 +0000

Јакнењето на ураганот Делта причини најголем удар врз американското производство на нафта во Мексиканскиот Залив во последните 15 години, откако во тој регион поради природната катастрофа се затворени речиси две третини од погоните за нафта и гас. Според прогнозите на метеоролозите, ударите на Делта би можеле денеска дополнително да зајакнат во Заливот, кој е клучен за американското производство на нафта, а според Националниот центар за урагани, ветрот досега достигнал брзина од 195 километри на час. Поради ураганот е прекинато производството на 1,67 милиони барели дневно или 92 отсто од вкупното производство на нафта во Мексиканскиот Залив, што е најмногу откако ураганот Катрин уништи повеќе од 100 платформи на море и го спречи производството повеќе месеци. Од морските платформи во мексиканскиот Залив се евакуирани 279 работници, а производителите ги заштитиле работниците и од 15 наоѓалишта поради силните удари на ветрот. Покрај нафтените постројки, производителите прекинале и 62 отсто од производството на природен гас во регионот, или 1,675 милијарди кубни стапки дневно.