делукс ауто – Kurir.mk

Нелоски: За само 7 месеци фирмата донатор на СДСМ, Делукс-Ауто има добиено тендери во вредност од над 24 милиони денари

Даниел Василев — Sun, 29 Jul 2018 12:59:41 +0000

Додека Зоран Заев ги распродава највисоките национални и државни интереси, фирмите блиски до криминалниот картел на власт добиваат милиони евра на нивните сметки. Скандалот со Фондот за иновации и криминалната поделба на 10,5 милиони евра на фирмите на функционерите на власта и нивните роднини и скандалот во Министерството за здравство кое сакаше да додели 35 милиони евра, не се единствените. 45-те милиони евра не се единствените кои се одлеваат од џебот на граѓаните на сметките на фирми блиски на СДСМ. Ова денеска на прес конференција го истакна членот на Извршниот комитет на ВМРО-ДПМНЕ, Владимир Нелоски, потенцирајќи дека нов тендер за набавка на возила за потребите на државните институции добила фирма донатор на СДСМ. -Имено, се работи за кумановската фирма Делукс – Ауто која го доби тендерот и од Централниот регистер на Македонија во вредност од на 8.3 милиони денари за набавка 11 моторни возила. Лани без тендер, во четири очи Делукс Ауто Куманово направи зделка тешка еден милион евра со Министерството за внатрешни работи и Оливер Спасовски за набавка на 45 шкоди. Соседите на Оливер Спасовски може немале да понудат некоја иновација, но за тоа повторно успеа да добијат тендер тежок над 8.3 милиони денари. Иако ова компанија не увозник, тука е само дистрибутер на возила, кога се работи за добивање на тендер од државните институции е иновативна во понудите и фаворит на јавните набавки, појаснува Нелоски. Посочува дека за само 7 месеци годинава, фирмата донатор на СДСМ Делукс- Ауто од Куманово има добиено повеќе тендери за повеќе јавни набавки во вредност од над 24 милиони денари или околу 400 000 евра. -Делукс Ауто досега има добиено тендери од неколку државни и локални институции, како Македонски енергетски ресурси (МЕР), Министерство за одбрана, Oпштина Куманово, ЈП Студенчица- Кичево, Центар за јавно здравје Куманово и други. Откако криминалниот картел е на власт, донатор фирмата Делукс Ауто, за нешто повеќе од една година има добиено тендери во висина од над 1.5 милиони евра. Дали преку овие јавни набавки и добивање на државни пари, СДСМ и Зоран Заев се одолжуваат на фирмите и лицата кои им донирале во нивната партиска каса? Дали граѓаните се должни своите пари да ги плаќаат за богатење на криминалниот картел и нивните блиски соработници?, праша Нелоски. Вели дека само за возила, само на една фирма која е донатор на СДСМ, од државата и се исплатени преку 1,5 милион евра, а Заев се колнеше пред избори дека немало да купува мебел и возила. -Што ли ќе се случеше ако човекот не се колнеше? Но, толку му тежи зборот. Се што кажа, излажа. Одговорност за овие скандали на СДСМ, Зоран Заев и неговите соработници мора да има. Одговорност за овој грабеж кој го прави оваа криминална власт мора да има. Правдата во Македонија ќе се врати и државата не смее повеќе да биде заложник на СДСМ и Зоран Заев. Македонија мора и ќе победи, рече Нелоски.

Фирмата донатор на СДСМ, Делукс Ауто повторно доби тендер за набавка на возила

Ивона Петрова — Sat, 28 Jul 2018 14:30:54 +0000

Централниот регистар на Република Македонија по распишаниот оглас за набавка на единаесет моторни возила како најповолна ја избра понудата на кумановската компанија, во јавноста позната како фирма донатор на СДСМ, Делукс Ауто. По спроведената тендерска постапка Централен регистар склучи договор со друштвото за производство, трговија и услуги „Делукс-ауто“ ДООЕЛ увоз-извоз Куманово. Вредноста на склучениот договор со вклучен ДДВ е 8.345.014 денари, а главен критериум за доделување на договорот е најниската цена, јавува Е-магазин. Медиумите претходно објавуваа дека компанијата која во 2016 година се јавувала како донатор на политичката партија СДСМ, склучува сомнителни договори со институции. Во јавноста излегоа информации дека МВР со оваа компанија во „четири очи“ се договорила за набавката на Шкоди за милион евра, односно со донирани милион евра од Република Чешка, македонското МВР лани без тендер купило 45 автомобили „шкода“ од фирма која што била донатор на владејачката СДСМ во 2016 година. Медиумите пишуваа и дека оваа компанија најголемите тендери што ги има добиено се од општина Куманово со која раководи СДСМ.

Кумановската Делукс Ауто давала возила на СДСМ, а сега добива договори во четири очи со МВР

Ивона Петрова — Thu, 22 Mar 2018 11:21:42 +0000

Кумановската Делукс Ауто, која давале шкоди за СДСМ, сега добива договори во четири очи од МВР.

Во Министерството за внатрешни работи се случуваат низа на скандали за кои нема никаква разврска. Еден од таквите пример е и набавката на Шкоди за милион евра. Со донирани милион евра од Република Чешка, македонското МВР лани без тендер купило 45 автомобили „шкода“ од фирма којашто била донатор на владејачката СДСМ во 2016 година.

Министерот за внатрешни работи Оливер Спасовски во неговото гостување во емисијата Топ тема на Телма, призна дека и претходно СДСМ имала бизнис интереси со фирмата за автомобили Делукс-ауто од Куманово.

Делукс ауто е компанијата од која беа набавени 45 возила од марката „Шкода“ за потребите на МВР, надвор од редовна тендерска постапка, во „четири очи“. Но, зошто јавното обвинителство се уште не отвора случај за оваа незаконска набавка од страна на СДСМ, само го потврдува сомнението дека Спасовски и Заев влијаат врз судската власт.

Според ова, СДСМ враќа стари долгови на фирми блиски до неа, со што уште еднаш покажува дека не работи во интерес на граѓаните. Како што објасни министерот станува збор за зделка во минатото, со која СДСМ за свои партиски цели набавувале возила од Делукс-ауто, под специјални услови кои и биле наметнати на фирмата од Куманово.

Фирмата-донатор на СДСМ што доби милион евра од Спасовски, добивала тендери и од општина Куманово

Ивана Ефремовски — Mon, 19 Mar 2018 16:18:34 +0000

Со донирани милион евра од Република Чешка, македонското МВР лани без тендер купило 45 автомобили „Шкода“ од фирма којашто била донатор на владејачката СДСМ во 2016-та година, пишува БИРН. Чешка ваквата донација ја има доделено на македонското МВР како помош се со цел полесно справување со бранот на бегалци од Сирија и Ирак. Фирмата која е добитник на овој голем тендер е “Делукс-ауто“ од Куманово е блиска до СДСМ, а тоа се гледа не само по добиениот тендер од МВР туку и низа на добиени тендери од општините кои се под власт на СДСМ. Да биде сомнежот поголем при оваа набавка не е објавен јавен тендер што како законска можност секогаш му стои на министерството но ваквите набавки се користат само во одредени случаи. Сомнежот во овој случај е поголем зошто станува збор за фирма донатор на СДСМ па оттука се поставува прашањето дали е во игра враќање на некаква услуга од страна на СДСМ. Полицијата ја прифатила чешката донацијата во јуни 2017, договорот со „Делукс-ауто“ паднал при крајот на септември, додека министерот Оливер Спасовски и чешкиот амбасадор Мирослав Томан ги промовираа новите возила во декември. На ваквата матна зделка реагираше ВМРО-ДПМНЕ уште на 3 ноември но одговори од СДСМ и од сопственикот на фирмата никогаш не беа дадени во јавноста. - Фирмата „Делукс“ од Куманово, која е донатор на партијата, благодарение на одлуката на потпретседателот Оливер Спасовски, ќе добие ни помалку ни повеќе, туку еден милион евра, пари кои се донација за МВР од Чешката влада. СДСМ целосно нетранспарентно ја води владата на Република Македонија, трошејќи ги парите на граѓаните во зделки каде како профитабилна страна се јавуваат фирми донатори на партијата. МВР под водство на Оливер Спасовски, додели јавна набавка на полициски возила во висина од милион евра без да распише тендер, со непосредна спогодба, на фирмата донатор на СДСМ. Сопственикот на оваа фирма е во блиски релации со врвот на партијата и тоа е јавна тајна, рече тогаш Александар Нацев. Од податоците што ги објави БИРН покрај „Делукс-ауто“, покана за преговарање добиле уште три компании што продаваат возила, тоа се овластените увозници на „Мерцедес“ – „МакАутостар“, „Бе-ем-ве“ – „Маккар“ и „Порше Македонија“, која меѓу другото е овластен увозник на „Шкода“, од каде што „Делукс-ауто“ и ги набавува возилата што ги продава. Она што е чудно во целата оваа ситуација е што дилерот во овој случај “Делукс-ауто“ понудил далеку поефтина цена од овластениот увозник “Порше Македонија“. Инаку ова не е прв пат да се појавува оваа фирма и нејзиниот сопственик Бобан Спасовски. Најголемите тендери што ги имаат добиено се од општина Куманово со која раководи СДСМ и која случајно или не е родното место на министерот Оливер Спасовски. Според електронскиот систем на јавни набавки доволно е да се пребара “Делукс-ауто“ и може да се забележи дека добиле тендери од општина Куманово поточно од ЈП “Чистота и зеленило“ во вредност од над 6 милиони денари за набавка на резервни делови и поправка на патнички моторни возила. Она што е симптоматично е што Општина Куманово ја има избрано фирмата која е во сопственост на сопругата на Бобан Спасовски “Делукс Турс ДОО“ за превоз на ученици со посебни потреби, но оваа фирма се јавува и како превозник на учениците од скопските училишта Владо Тасевски и на Средното медицинско училиште Панче Караѓозов.