Демир Далип – Kurir.mk

НГИ КОАЛИЦИЈА НА ЕГИПЌАНИ: Да се прифатат барањата на пензионерите

Катерина Бојаџиева — Thu, 17 Aug 2023 09:05:32 +0000

НГИ „КОАЛИЦИЈА НА ЕГИПЌАНИ“ апелира се прифатат барањата на пензионерите и да се преговара со нив затоа што инфлацијата, особено растот на цените на прехранбените производи и енергијата ги доведува пензионерите без егзистенција, без животна перспектива и го загрозува нивниот опстанок. Имено, меѓу пензионерите се и пензионери од етничката заедница на Египкани, кои примаат минимални пензии, а со истите неможат да ги задоволат основните животни потреби. Како и сите пензионери, и пензионерите Египкани кои примаат минимални пензии, а такви се речиси 99%, протестираат и бараат линеарно покачување на пензиите. Сите грагани, а особено пензионерите заслужуват достоинствен живот, и во таа насока апелираме Владата да ги прифати барањата на пензионерите, истакна лидерот на НГИ „КОАЛИЦИЈА НА ЕГИПЌАНИ“ Демир Далип, кој додаде дека има индиции оти се вршело притисоци врз пензионерите -Египќани да не одат на протести во Скопје. Доклку, се утврди ваквата состојба, ке следат соодветни правни дејствија.

НГИ ,,КОАЛИЦИЈА НА ЕГИПЌАНИ“: Египќаните бараат ден посветен на нивната етничка заедница

Ивона Петрова — Tue, 23 May 2023 09:32:46 +0000

НГИ ,,КОАЛИЦИЈА НА ЕГИПЌАНИ“, ќе испрати официјално барање до претседателот на македонското Собрание, како и до координаторите на сите парламентарни партии, на некоја од наредните седници да се расправа за воведување на Ден на Египќаните во Македонија, воедно барајќи поддршка и Египќаните да имаат свој ден за одбележување, бидејќи се посебна, автентична и автохтона лојална етничка заедница во Македонија. -Покрај многуте празници и денови на другите етнички заедници, Египќаните се чувствуваат отфрлено и запоставено во сопствената татковина. Имаме природно и основано легитимно право на свој ден. Ромите го имаат 8 Април, 23 мај Власите, итн, тогаш се поставува прашањето Зошто Египќаните, се иземани од овој процес, и дали тие се поставени во нееднаква положба со останатите етникуми , кои имаат свои денови, на кои ги одбележуваат, како одраз на една објективна стварност дека тие тука се реалност, на овие простори. Во вакви конотации, мојот народ, е поставен на основите на Дискриминацијата, а тоа не треба да се премолчи, истакнува лидерот на НГИ ,,КОАЛИЦИЈА НА ЕГИПЌАНИ,, Демир Далип, додавајки дека ова не се ,,Европски вредности и на овој начин не можеме да се стремиме и надеваме да бидеме полноправна членка на ЕУ. За да не се чувствуваат и други етнички заедници како Египќаните во Македонија, нека се направат измени и дополнувања на Законот за празници. Тоа е сосема легитимно.

НГИ коалиција на Египќани: Фаворизирање на македонските Бугари за влез во Уставот ги дискриминира, Египќаните, Хрватите, Црногорците…

Ивона Петрова — Thu, 23 Feb 2023 13:19:24 +0000

Од НГИ коалиција на Египќани го сметаат за дискриминација фаворизирањето на македонските Бугари за влез во Уставот. -Тие да бидат спомнати во Преамбулата на Уставот и Комитетот за односи помеѓу заедниците, суштински создава состојба кога етничките заедници како Египќаните, Хрватите, Црногорците и сите оние што се во категоријата ,,други,, во Уставната Преамбула да се ставени во една подредена состојба, што е основ за дискриминација. Не треба да заборавиме дека сите граѓани во Македонија се еднакви и рамноправни и дека се забранува секаков вид на дискриминација, вели Демир Далип од Коалицијата. Смета дека не е момент за било какви уставни интервенции, бидејќи посочува, во иднина тоа може да биде извор на уште поголеми проблеми кои ќе задираат и во темелите на државата. -Треба да почекаме да се создадат услови, па дури потоа да се анализира било кое барање од соседите, притоа запазувајќи го принципот на реципроцитет. Ако, некој предничи во континуираното барање за влез во Уставната Преамбула, тоа се Египќаните, но ние како лојални граѓани цениме дека државата ни е пред се и над се, истакнува Далип.

„НГИ Коалиција на Египќани“ повикува на предвремени парламентарни избори

Дарко Андоновски — Wed, 28 Dec 2022 14:58:03 +0000

На Македонија час поскоро им се потребни предвремени парламентарни избори, бидејќи не само што имаме евидентна политичка, економска, енергетска криза, туку и безбедносна криза, ова денеска го изјави лидерот на „НГИ Коалиција на Египќаните“, Демир Далип. „Суштински, најмногу страдаат граѓаните на Македонија, евидентни се поделбите по сите основи, како и политичките реваншизми, монтираните судски пресуди, сиромаштијата, заминувањето на младите од татковината и многу други примери кои се во спротивност на европските вредности. Во дадениот момент сите политички одлуки не само што се во статус кво состојба, туку истите се ретроградни, непрогресивни и недемократски. Во голема мера се прекршуваат основните човекови права и слободи од страна на власта, и единствен излез од горенаведеното се предвремени парламентарни избори, истакна лидерот на „НГИ Коалиција на Египќаните“.

Коалицијата на Египќаните бара оставка од Данела Арсовска

Ристе Здравков — Fri, 09 Dec 2022 14:02:16 +0000

НГИ,,КОАЛИЦИЈА НА ЕГИПЌАНИ,, ја подржи актуелната градоначалничка на Скопје, Данела Арсоска за да денеска биде Градоначалничка на Скопје, со надеж дека ке ги исполни програмските ветувања кои ги даде на скопјани, а мегу скопјани има и Египќани, кои гласаа за Данела Арсоска, во надеж дека ке им го подобри квалитетот на живот, се вели во соопштението испратено до медиумите од НГИ коалицијата на Египќаните во Македонија. Од се она што беше ветувано, не е реализирано ниту 1 %, Египканите во Скопје и Скопско се на маргините, иако во 21 век тоа не го заслужуваат. Практично , Данела Арсоска се сврти против секој оној кој ја подржал за време на локалните избори, па оттука се доведува и во прашање и нејзиниот легитимитет.Нека поднесе ОСТАВКА, па нека оди на избори но без подршката што ја доби. Незнаеме, зошто Данела Арсоска се плаши од избори, ако е убедена дека на истите ке победи? Денес, наместо ,,Модерно Скопје,, Скопјани се ,,жртви,, на неразумните политики на Данела Арсовска кои резултираат со свени кои не ги заслужуваат Скопјани, истакнуваат од НГИ. Затоа, најразумно во овој моментум е Данела Арсовска да даде неотповиклива оставка, секако во интерес на скопјани, а не да тера инаети и да ,,плука,, кон сите оние кои се залагаа, се пожртвуваа и гласаа за да биде градоначалничка на Скопје, додаваат од НГИ

Египќаните задоволни од работата на градоначалникот на Охрид

Ивана Ефремовски — Tue, 08 Nov 2022 15:59:27 +0000

НГИ „КОАЛИЦИЈА НА ЕГИПЌАНИ“ е задоволна од работата на градоначалникот на Охрид, Кирил Пецаков -Особено, припадниците на етничката заедница Египќани, како втора по бројност етничка заедница во Охрид, има посебни аргументи да изрази благодарност и задоволство на Пецаков, бидејки се реализира процесот на интеграција на Египќаните во институциите на системот, преку учество на Египќаните во Управните и Надзорните одбори, а со самото тоа и да бидат учесници во процесот на одлучување. Градоначалникот на Охрид, несомнено створи и работи за сите Охриѓани, и покрај тоа што наследи општина со огромни долгови и Јавни претпријатија, исто така со огромни долгови од страна на предходната власт. Неговите дела во овој период од 1 година, не ги гледаат само оние кои тоа не сакаат да го гледаат, а во реалноста постојат и делата говорат за посветеноста и работата на градоначалникот на Охрид, Кирил Пецаков, истакна лидерот на Египќаните, Демир Далип.

„Египќаните во Македонија не се соодветно и правично застапени во институциите на системот“

Ивана Ефремовски — Mon, 19 Sep 2022 11:39:18 +0000

Египќаните, како посебна автентична и автохтона етничка заедница во Македонија, не се соодветно и правично застапени во институциите на системот, иако, за разлика од порано, имаме над 40 високообразовани кадри, кои дипломирале, магистрирале или докторирале на државните универзитети, вели Демир Далип, лидер на Египќаните. -Излезот од ваквата состојба, Египќаните го наоѓаат преку трајно напуштање на државата и заминување во западните земји или преку изјаснување како припадници на други етнички заедници, а се со цел да бидат вработени во администрацијата. Токму затоа, како НГИ „КОАЛИЦИЈА НА ЕГИПЌАНИ“, реагиравме на резултатите на Пописот, бидејки е апсурдно и недозволиво да се прифатат состојби кои не се реални, не е коректно да прифатиме дека на ниво на држава има 2008 Египќани, кога само во Охрид, на избирачки список има околу 2000 Египќани со право на глас, вели тој. Далип прашува каде се тука децата или оние кои не наполниле 18 години. -Излез од ваквата состојба гледаме преку практикување на МОДЕЛОТ НА ПОЗИТИВНА ДИСКРИМИНАЦИЈА, а се со цел интегрирање во системот, бидејќи, ако се продолжи со ваквиот тек, голема е веројатноста да настапи “тивка административна асимилација“ на Египќаните кои се лојални граѓани на Македонија и кои имаат големи заслуги за независноста и самостојноста како и за унитарниот карактер на Македонија, истакна лидерот на НГИ „КОАЛИЦИЈА НА ЕГИПЌАНИ“, Демир Далип.

Египќаните во Македонија не ги признаваат резултатите од пописот

Ивана Ефремовски — Thu, 31 Mar 2022 19:07:56 +0000

Не сме подготвени да ги прифатиме ваквите пописни резултати. Бројни се нерегуларностите во самиот пописен процес и конечниот резултат не кореспондира со реалните бројки, се вели во реакцијата на неформалната граѓанска иницијатива Коалиција на Египќаните. „Податоците кои се објавени практично ги побиваат самите пописни резултати на Државната пописна комисија. Во суштина, ова претставува и обид за административна асимилација на Египќаните и нивно исчезнување од мултиетничката карта на современото мултиетничко македонско општество. Аргументите се на наша страна, и токму затоа, поради сите утврдени факти, крајно нелогично и непринципиелно е да се прифатат ваквите поразителни пописни резултати за Египќаните во Македонија. Нашата борба ќе продолжи низ институциите на системот, а со цврст аргументи ќе бидат известени и Еуростат, ОБСЕ и амбасадите на највлијателните држави во Македонија со кои имаме соработка“, изјави лидерот на НГИ Коалицијата на Египќаните, Демир Далип. Тој додава дека пописни резултати не кореспондираат и не се во согласност со објективната бројчаност на Египќаните, особено во град Охрид каде Египќаните се втора по бројност етничка заедница, а со податоците од Пописот како Египќани се изјаснети “само“ 2008 Египќани/ки, а само во избирачкиот список има над 1.900 Египќани/ки со право на глас. -Каде се тука децата, неризидентното население? Како да “испарија“ Египќаните. Со вакви податоци нема иднина за мојот народ-Египќаните, истакна Далип.

„Коалиција на Екипкани“ ги повикува Египкани во вториот круг да ги подржат Пецаков за Охрид и Тозиески за Ресен

Магдалена Андонова — Tue, 19 Oct 2021 10:37:37 +0000

Претставниците на Неформалната граѓанска иницијатива ,,Коалиција на Египќаните,, потпишаа Меморандум за соработка со претседателот на ВМРО-ДПМНЕ, Христијан Мицкоски. Демир Далип, претседателот на НГИ Коалиција на Египќаните вели дека врз основа на горенаведениот Меморандум за соработка се дел коалицијата „Обнова на Македонија“ и самиот факт дека Египканите во Охрид и Ресен, како втори по бројност, играат клучна улога кој ке биде идниот Градоначалник во Охрид и Ресен. Имајки ги во предвид сите околности, долгогодишната соработка со ВМРО ДПМНЕ,пријателскиот и крајно корекниот однос на кандидатите за Градоначалници за Охрид и Ресен од редовите на ВМРО ДПМНЕ, како и безусловната подршка која ја дава лидерот на ВМРО ДПМНЕ, Проф.Д-р Христијан Мицкоски за етничката заедница на Египканите во Македонија, но и Д-р Кирил Пецаков и Јован Тозиески, НГИ,,КОАЛИЦИЈА НА ЕГИПКАНИ,, ги повикува сите Египкани од Охрид и Струга, кои имаат право да гласаат, масовно да излезат на 31 Октомври, и да ги подржат, се вели во Дописот .

Далип: Египќаните во Македонија ги повикувам масовно да излезат на Пописот

Ивана Ефремовски — Tue, 07 Sep 2021 09:40:58 +0000

Како лидер на НГИ „КОАЛИЦИЈА НА ЕГИПЌАНИ“, но пред се како долгогодишен активист за правата и слободите на една ранлива, мала, но автентична и автохтона етничка заедница, како што се Египќаните во Македонија, ги повикувам сите масовно да излезат на Пописот и да се попишуваат, истакнува дипломиран правник Демир Далип. -Околу етничката припадност, да не подлегнат на никакви притисоци, закани, уцени и слично и да се декларираат како ЕГИПЌАНИ, односно она што во суштина и се. Тоа, е нивно уставно загарантирано право, а тоа е се со цел, да продолжи нашата легитимна борба за остварување на правата и слободите. Овој Попис за нас Египќаните има суштинско значение, во смисол на опстанување како Египќани, бидејки ни се закануваат процеси на т.н ,,културни и тивки асимилации,, кои доаѓаат од страна на одредени центри на мок, за што многупати сме алармирале, а на средбите со Амбасадорите и мисијата на ОБСЕ, сме ги нотирале истите. Длабоко сум убеден, дека Египќаните ќе бидат на висината на својата патриотска задача и на крајот ќе имаме објективна бројка на Египќани во Македонија, што ќе го олесни патот кон прогрес и институционална интеграција на мојот народ-Египќаните во Македонија, истакна лидерот на НГИ „КОАЛИЦИЈА НА ЕГИПЌАНИ“, вели Далип.