демир хисар – Kurir.mk

Приведен вработен во Шумска полиција во Демир Хисар поради примање поткуп

Тале Кристо — Mon, 30 Oct 2023 16:05:16 +0000

Полициски службеници од ОВР Демир Хисар во содејство со криминалистичката полиција на СВР Битола денеска (30.10.2023) на патот меѓу с.Света и с. Единаковци, на подрачје на Демир Хисар, го лишиле од слобода Д.Т.(58) од Демир Хисар, вработен во Шумска полиција во Демир Хисар, поради сомнение за сторено кривично дело по чл.357 од КЗ „примање поткуп". Д.Т. од лице од Демир Хисар побарал пари, а за возврат да не постапи односно да не санкционира незаконско работење. Откако му биле побарани пари, лицето го пријавило случајот во СВР Битола и му биле дадени крим-технички обработени пари, кои тој денеска му ги дал на Д.Т.. Веднаш откако му биле предадени парите, Д.Т. е лишен од слобода и кај него се пронајдени 18.000 денари кои потекнуваат од кривичното дело. Д.Т. е приведен во полициска станица Битола и против него ќе следува кривична пријава.

Претрес во Демир Хисар: Пронајдени пушки и муниција, приведено едно лице

Ивана Ефремовски — Fri, 13 Oct 2023 08:09:30 +0000

На 12.10.2023 во Демир Хисар, полициски службеници од криминалистичката полиција на СВР Битола го лишиле од слобода Г.Ц.(61) од Демир Хисар. При претрес во неговиот дом и помошни простории, извршен со судска наредба, биле пронајдени и одземени ловечка пушка „Бајкал“ калибар 12мм, воздушна пушка калибар 4,5мм и 17 куршуми калибар 12мм. Лицето било приведено во полициска станица и по целосно документирање на случајот, против него ќе биде поднесена соодветна пријава.

Меџити по средбата со мајката на 17-годишното момче: Работењето на болницата во Демир Хисар ќе биде под строг надзор на МЗ

Ивана Ефремовски — Thu, 05 Oct 2023 12:26:25 +0000

Министерот за здравство Фатмир Меџити денеска се сретна со Салка Абдуловска, мајка на 17 годишното момче за кое излезе информација дека било несоодветно третирано во Демир Хисар. Министерот Меџити, лично се запозна со случајот, како би можело Министерство да помогне за полесно секојдневние во грижата за момчето. На средбата од страна на Меџити беше изразено жалење за настанатата ситуација и министерот потенцираше дека нема да дозволи никогаш несоодветен третман на пациентите, особено на малолетни лица. -Иако добив уверувања од менаџментот на болницата дека е постапено по сите протоколи со цел безбедност на пациентот, случајот и работењето на болницата Демир Хисар ќе биде под строг надзор на Министерството. Ги охрабрувам другите институции кои започнаа постапка да ги завршат за да се расчисти случајот до крај. Родителите на момчето ја имаат нашата поддршка. Разговаравме за нивните проблеми и ветивме дека ќе се заложиме на оваа семејство да му помогнеме, ќе направиме напори момчето да биде сместено во интернатот од училиште за деца со посебни потреби, Партениј Зографски, во Скопје каде оди во училиште“ истакна на средбата министерот за здравство. Мајката на 17 годишното момче, на средбата ја пренесe дека дополнително семејството било вознемирено со објавување на лажни фотографии во јавноста, каде биле изнесувани невистини дека се работи за нејзиното дете, прикажувајќи момче како седи на земја врзано за кревет. Министерот за здравство упатува апел до целата јавност сите ние да внимаваме кога споделуваме вакви чувствителни вести.

Седумнаесет годишник со аутизам бил врзуван во психијатриската болница во Демир Хисар и има рани, обвинува мајката

Ивона Петрова — Mon, 02 Oct 2023 13:57:12 +0000

Салка Абдуловска, мајка на 17-годишно момче со аутузам, се жали дека нејзиниот син бил врзуван во Психијатриската болница во Демир Хисар и дека од тоа има рани на рацете и нозете. Таа низ солзи кажува дека пред еден месец, поради агресивното однесување на момчето побарале помош од здравствената установа да го опсервираат, а кога вечера го зеле дома имал рани по телото. „Го однесовме таму пред еден месец за да го опсервираат и да му се погоди терапијата, зашто навистина беше агресивен и не можевме да фунцкинираме. Детето е со аутизам. Што да правиме, баравме спас. Го однесовме во Психијатриската болница во Демир Хисар. Таму го држеле врзан. Сега е со рани на телото. Вчера го зедовме дома, не може да стои на нозе. Дали е тоа метод? Има рани на рацете, на нозете. Што да правиме за понатаму? Кому да се обратиме? Од сите инстутуции бараме спас. Никој не слуша. Не е само тој, има многу деца како моето. Вака не се смирува дете, ова е насилство“, вели Абдуловска за САКАМДАКАЖАМ.МК. Од Психијатриската болница во Демир Хисар за СКД.мк изјавија дека пациентот е лекуван во таа установа во текот на изминатиот месец. „Станува збор за лице со нарушување од аутистичен спектар во изразито влошена состојба. Претходно бил одбиен за третман од повеќе установи. Актуелниот прием е реализиран на упорно инсистирање на родителите, иако притоа беа запознаени со условите во установата и дека не станува збор за соодветна институција за негов третман. Лекувањето е согласно медицина базирана на докази и во текот на третманот се бележеа одредени ситуации за кои е неопходно физичко ограничување. Истите се изведуваа согласно протоколите. Тоа се ситуации кои се поврзани со ризично однесување во смисла на автодеструктивност или агресивност кон другите. Родителите во текот на целиот третман беа навремено и редовно известувани за неговата состојба“, велат од Психијатриската болница во Демир Хисар за САКАМДАКАЖАМ.МК. Одговарајќи на новинарско прашање денеска министерот за здравство Фатмир Меџити рече дека детето со аутизам било лекувано според сите протоколи што ги даваат експертите по психијатрија.

Во Демир Хисар две училишта со по 5 и 3 првачиња

Ристе Здравков — Fri, 01 Sep 2023 07:03:28 +0000

Градоначалникот на Општина Демир Хисар Никола Најдовски одлучи на секое семејство кое запиша прваче да им додели по 3.000 денари, еднократна парична помош за набавка на училишна опрема. Утрово, градоначалникот Најдовски ќе го посети централното основно училиште „Гоце Делчев“ каде ќе биде организирна свеченост по повод почетокот на новата учебна година во Општина Демир Хисар.

Дводневна дезинсекција за уништување на комарците во Битола и Демир Хисар

Тале Кристо — Tue, 11 Jul 2023 07:45:59 +0000

Денес и утре екипи на ЈЗУ Центар за јавно здравје ќе ја спроведат втората фаза од теристичката дезинсекција со цел уништување на комарците. Запрашувањето ќе се врши во периодот од 21 до 4 часот, со апаратура за УЛВ ладно запрашување поставена на пикап-возило. Од ЈЗУ Центар за јавно здравје-Битола соопштуваат дека активностите ќе се изведуваат во вечерните часови, а на возилото со апаратурата за дезинсекција ќе му предходи друго возило означено со ротационо светло. -Со дезинсекцијата ќе бидат опфатени зелените површини во општината Битола, подрачјата по течението на реките и водотоците, застојни води и подрачјата околу каналниот систем на територијата на општината Демир Хисар, урбани населби и локалитети предвидени во планот и програмата, посочуваат од ЈЗУ Центар за јавно здравје Битола.

Претрес во Демир Хисар, пронајдено оружје

Тале Кристо — Fri, 05 May 2023 13:30:11 +0000

На 05.05.2023, полициски службеници од СВР Битола - ОВР Демир Хисар во с.Вирово, демирхисарско, по наредба од Основен суд Битола, извршија претрес во домот и помошните простории кај лицето Г.П.(49) од с.Вирово. При претресот се пронајдени и одземени еден пиштол, 60 куршуми различен калибар, ловечка пушка и други предмети. По целосно документирање на случајот против него ќе биде поднесена соодветна пријава.

Градоначалникот Најдовски на увид во градежните работи при изградба на локален патен правец од село Граиште до манастир Св. Тома

Ивана Ефремовски — Thu, 14 Apr 2022 15:04:14 +0000

Градоначалникот на општина Демир Хисар, Никола Најдовски, заедно со директорот на ЈКП „Комуналец“, Демир Хисар, Гоце Мицковски, извршија увид на градежни работи - изградба на општински пат, локален патен правец од с. Граиште до манастир Св. Тома, крак пат с. Вардино до манастир Св. Тома. Тие извршија и увид во работата каде што механизација на ЈКП „Комуналец“, вршеше расчистување и проширување на патот до населеното место Мало Илино.

Најдовски: Се расчистува дивата депонија кај местото „Застава“ во Демир Хисар

Ивана Ефремовски — Thu, 17 Mar 2022 14:18:40 +0000

Општина Демир Хисар во соработка со ЈКП „Комуналец“, спроведе активност за расчистување на диви депонии кај местото „Застава“, Демир Хисар. -Грижата за животната средина е наша обврска и должност, затоа апелираме до сите совесно и одговорно да се однесуваме кон неа и да ја унапредуваме, да биде врежана во личната индивидуална свест со цел да ја зачуваме животната средина, истакна Никола Најдовски, градоначалник на општина Демир Хисар.

Најдовски: Исчистена е дивата депонија кај село Сладуево во општина Демир Хисар

Ивана Ефремовски — Thu, 17 Feb 2022 20:17:50 +0000

Исчистена е дивата депонија кај село Сладуево во општина Демир Хисар, информира градоначалникот на општината, Никола Најдовски. „Денес, исчистена е и дивата депонија кај с.Сладуево! Апелираме за одговорен пристап и грижа кон животната средина“ - напиша Најдовски на својот Фејсбук профил.