демир капија-смоквица – Kurir.mk

Времен сообраќаен режим на патот Демир Капија – Смоквица

Ивона Петрова — Thu, 17 Oct 2019 06:28:40 +0000

Времен режим на сообраќајот од денеска ќе биде воведен на делницата Демир Капија – Смоквица заради изведба на осветлување и сигнализација на тунелите кај Демир Капија. Од Автомото сојузот на Македонија утринава информираа дека сообраќајните знаци за изменет режим на сообраќајот ќе се поставувуваат од денеска, а сообраќајна согласност е со рок на важност од три месеци. На останатите патни правци сообраќајот се одвива по суви коловози, а на граничните премини нема подолги задржувања за влез и излез од државата

Изменет сообраќаен режим на автопатот Демир Капија-Смоквица

Ивана Ефремовски — Fri, 19 Apr 2019 06:27:32 +0000

На автопатот Демир Капија – Смоквица, кај клучката Демир Капија, денеска ќе се изведуваат градежни активности за поставување индуктивни јамки, за што ќе се изврши промена на режимот на сообраќај, информира Автомотосојузот на Македонија. Сообраќајот на државните патишта се одвива по претежно суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Негрижата на власта прави хаос низ патиштата: Уште еден камион се излизга на патниот правец Демир Капија-Смоквица, патот затворен (ФОТО)

Дарко Андоновски — Fri, 25 Jan 2019 19:50:11 +0000

На патниот правец Демир Капија-Смоквица вечерва се преврти камион, кој се излизгал на патот поради снегот и лошите услови на патот. Во моментов овој патен правец не е прооден за сообраќај. ова не е прв ваков случај вечерва да се излизга камион, а ова е доказ дека власта предводена од СДСМ не се грижи за граѓаните и за нивната безбедност во сообраќајот.

Сообраќајка на автопатот Демир Капија-Смоквица

Дарко Андоновски — Sat, 16 Jun 2018 08:00:15 +0000

Сообраќајна незгода се случила на автопатот Демир Капија-Смоквица при што е повредено едно лице. Портпаролот на СВР Велес, Верољуб Додевски за МИА потврди дека имало сообраќајка во која учествувало едно возило со гевгелиски таблички. На повреди се пожалил возачот на возилото. Во моментот се врши увид на местото на несреќата од страна на екипи на полицијата.

Викендашите кон Грција го утнаа новиот автопат Демир Капија – Смоквица

Дарко Андоновски — Sat, 28 Apr 2018 14:31:21 +0000

Граѓаните кои решиле викендот да го поминат во Грција, не возат по новиот автопат Демир Капија-Смоквица, кој пред неколку дена беше пуштен во употреба, туку возат по стриот пат. Дел од возачите велат дека решиле да возат по стариот пат, бидејќи немало поставено знак за приклучување, па не знаеле каде точно да се приклучат. Од АМСМ, велат дека автопатот е целосно оспособен за одвивање на сообраќајот. – За користење на оваа делница, во правец Скопје – Гевгелија, на клучката пред Демир Капија исклучете се за Скопје, спуштете се под надвозникот и продолжете само право пратејќи ја таблата Гевгелија, советуваат од АМСМ. Користењето на автопатот, во следните осум месеци, додека не се изградат новите патарини, нема да се наплатува.

Мисајловски од Демир Капија- Смоквица: Ова е еден од најубавите проекти, ова се делата на ВМРО-ДПМНЕ- без блех музика, туку со дела (ВИДЕО)

Катерина Бојаџиева — Tue, 24 Apr 2018 12:37:22 +0000

Македонија се сака со многу работа, труд и посветеност. Македонија се сака со нови проекти и подобра економија. Македонија се сака со срце, вели потпретседателот на ВМРО-ДПМНЕ, Владо Мисајловски. -Ова е Демир Капија- Смоквица, еден од најубавите проекти во Република Македонија. Ова се делата на ВМРО-ДПМНЕ. Без блех музика, туку со дела. Нека остане за сите граѓани. Вака се сака Република Македонија, сложно и работно. Ги поздравувам сите што учествуваа на овој проект, бидејќи ова останува за сите граѓани, ова е ВМРО-ДПМНЕ, ова е Македонија, потенцира Мисајловски во видеото објавено на неговиот Фејсбук профил.

Граѓаните го плаќаат луксузот на Владата: Прослава и чочеци во тунел во услови кога државата секојдневно се задолжува

Даниел Василев — Tue, 24 Apr 2018 10:28:59 +0000

Кетеринг агенција која била ангажирана од ЈП Улици и патишта се нарачатели на автобусот за прослава на отворањето автопатската делница Демир Капија – Смоквица. Според порталот Лидер, ова покажува дека за автобусот пари дале даночните обврзници на Македонија. Со автобусот дојде и плех музика која ги забавуваше присутните. Таа веројатно исто така е платена од кетеринг агенцијата која била ангажирана од ЈП улици и патишта. Овој луксуз доаѓа во моменти кога државата се задолжува за 55 милиони евра. Државните институции даваат пари за изнајмување автобуси и музика во услови кога државата нема пари за зголемување на социјалната помош. Симптоматично е тоа што Град Скопје вели дека кетеринг агенцијата била ангажирана од ЈП Улици и патишта, а Министерството за транспорт и врски дека ниту една државна институција не е организатор на забавата. Министерството се оградуваат од чочекот. - Сакаме да Ве информираме дека ниту Министерството за транспорт и врски, ниту друга државна институција не е организатор на било каква забава, се вели во дописот од ресорното министерство. Во однос на сите други информации, од таму ги упатуваат медиумите да се обратат до Изведувачот на проектот. -Автопатската делница Демир Капија – Смоквица е целосно завршена и од денеска ќе биде пуштена во сообраќај за секаков вид на возила. Министерството за транспорт и врски е одговорна и транспрантна институција, која единствена цел е да обезбеди квалитетни услуги во рамките на своите надлежности, подвлекуваат од таму. Сепак, грчката компанија АКТОР која ја градеше делницата вели дека тие ја организирале прославата со жива музика и чочеци во тунелите. - Вчера АКТОР организираше прослава на отворањето на патот Демир Капија-Смоквица. Настанот започна во кампот во Демир Капија и во тунелот и траеше кратко време. Целиот настан беше организиран од АКТОР. Во него учествуваа вработените, супервизорите и добавувачите од земјата. Сите луѓе дојдоа со автобус организирани од АКТОР. Сите гости отидоа со автобус од кампот во тунелот и по кратко време се вратија назад во кампот за да продолжат. Се извинуваме ако ова беше погрешно разбрано, се вели во реакцијата од грчката компанија. Новинарката Јорданка Ивановска- Јоци на својот сајт пишува дека е огромна трагедијата на СДСМ бидејќи прави веселба на инвистиција која е реализирана од минатата влада на Никола Груевски. -За што е веселбата !? За што се баханалиите ? Која е улогата на СДСМ во отворањето на автопатот, имаат ли воопшто улога ?! А и зошто се веселат и трошат пари на настан кој е платен и преплатен од даночни обврзници, од сите нас, а и кога се знае дека секој петти Македонец во државава е сиромашен, според последните вчерашни податоци, пишува Јоци. -СДСМ, дали е ова е вашиот начин на владеење ? Ефтин, без поента и без никаква логика? Вие не сте никаква арија, вие сте СДСМ-шунд и турбо фолк. Дали трошите ваши пари или наши ? Дали сте свесни дека откога сте дојдени на власт не сте излезени од кафеани и од турбо фолк рамка ? Ништо не работите, ништо не градите, трошите за ваши луксузи ,,шаком и капом”, а и ве сликаат постојано во пози кои се недостоинствени за функционери. Вие сте едно големо промашување ! Едно големо ништо, неизживеани и мали луѓе, на кои сепак најдобро им беше во опозиција. Барем бевте мирни и не доаѓаа до израз вашите ниски страсти, пишува Јоци.

ВИДЕО: Си играше чочек на отворањето на автопатот Демир Капија- Смоквица, директорот на ЈП Државни патишта лепеше пари на трубачи

Матеја Петровски — Mon, 23 Apr 2018 19:34:10 +0000

Денеска конечно беше отворен автопатот Демир Капија- Смоквица. Во тунелот на автопатот дури имаше и прослава со плех музика, која како што пишува Инфомакс ја нарачале од локалниот огранок на владејачката партија. Инфомакс во текстот пишуваат дека се фрлале пари на музичарите. На видеото кое го објави Инфомакс може да се види дека директорот на Јавното претпријатие за државни патишта, Зоран Китанов ,,лепи" пари на трубачите Погледнете ја дел од атмосферата. Инаку од ВМРО-ДПМНЕ денеска обвинија дека поради политиканството на СДСМ, пуштањето на автопатот доцни цели осум месеци -Пуштањето на автопатот Демир Капија – Смоквица доцни цели осум месеци. Доколку СДСМ го ставеше политиканството во втор план и се посветеше на интересите на граѓаните, овој автопат ќе беше во употреба уште во август минатата година и граѓаните ќе можеа побргу и побезбедно да се движат по патниот коридор 10, истакна на денешната прес-конференција генералниот секретар на ВМРО-ДПМНЕ, Игор Јанушев. Тој истакна дека проектот го отпочна владата на ВМРО-ДПМНЕ уште во септември 2012 година, за него беа потрошени 270 милиони евра, од кои 107 милиони беа обезбедени од ЕБОР, 130 милиони евра ЕИБ, 45 милиони евра како грант од ЕУ и 6 милиони евра од Буџетот на Република Македонија. Истиот има 2 клучки, 2 тунели од 1200 метри, 6 моста, 6 натпатници и потпатници, две ленти за возење и зелен појас во ширина од три метри во средината помеѓу патните ленти. -ВМРО-ДПМНЕ го реализираше проектот за изградба на автопатот до завршна фаза уште во мај 2017 година. Преостануваше само да биде преместен уште еден далновод и да се заврши контролната соба. Целиот автопатот од 28 километри, кој поминува низ сложен карпест терен беше завршен за 5 години. СДСМ потроши цела една година за преместување на една бандера и доизградба на една просторија. СДСМ неосновано го одложуваше пуштањето во употреба на автопатот, со цел граѓаните да заборават дека автопатот е изграден од ВМРО-ДПМНЕ и да се создаде впечаток, дека ете и СДСМ нешто изградиле. Граѓаните не се со кратка меморија и покрај потценувачкиот однос кој секојдневно го добиваат од СДСМ, граѓаните точно знаат кој, што и колку направил, вели Јанушев. Тој посочува дека овој автопат исто како и автопатот Миладиновци – Штип и Кичево – Охрид се почнати и се во напредна фаза на реализација токму во време на ВМРО-ДПМНЕ, едниот 70%, другиот 50% реализирани. Сите проекти, кои СДСМ и Заев ги најавија како свои се проекти на ВМРО-ДПМНЕ. СДСМ нема отпочнато ниту еден километар нов автопат.

Јанушев: Ако СДСМ го ставеше политиканството во втор план и се посветеше на интересите на граѓаните, автопатот Демир Капија-Смоквица ќе беше пуштен во август лани

Ивона Петрова — Mon, 23 Apr 2018 14:27:44 +0000

Пуштањето на автопатот Демир Капија - Смоквица доцни цели осум месеци. Доколку СДСМ го ставеше политиканството во втор план и се посветеше на интересите на граѓаните, овој автопат ќе беше во употреба уште во август минатата година и граѓаните ќе можеа побргу и побезбедно да се движат по патниот коридор 10, истакна на денешната прес-конференција генералниот секретар на ВМРО-ДПМНЕ Игор Јанушев. Тој истакна дека проектот го отпочна владата на ВМРО-ДПМНЕ уште во септември 2012 година, за него беа потрошени 270 милиони евра, од кои 107 милиони беа обезбедени од ЕБОР, 130 милиони евра ЕИБ, 45 милиони евра како грант од ЕУ и 6 милиони евра од Буџетот на Република Македонија. Истиот има 2 клучки, 2 тунели од 1200 метри, 6 моста, 6 натпатници и потпатници, две ленти за возење и зелен појас во ширина од три метри во средината помеѓу патните ленти. -ВМРО-ДПМНЕ го реализираше проектот за изградба на автопатот до завршна фаза уште во мај 2017 година. Преостануваше само да биде преместен уште еден далновод и да се заврши контролната соба. Целиот автопатот од 28 километри, кој поминува низ сложен карпест терен беше завршен за 5 години. СДСМ потроши цела една година за преместување на една бандера и доизградба на една просторија. СДСМ неосновано го одложуваше пуштањето во употреба на автопатот, со цел граѓаните да заборават дека автопатот е изграден од ВМРО-ДПМНЕ и да се создаде впечаток, дека ете и СДСМ нешто изградиле. Граѓаните не се со кратка меморија и покрај потценувачкиот однос кој секојдневно го добиваат од СДСМ, граѓаните точно знаат кој, што и колку направил, вели Јанушев. Тој посочува дека овој автопат исто како и автопатот Миладиновци - Штип и Кичево - Охрид се почнати и се во напредна фаза на реализација токму во време на ВМРО-ДПМНЕ, едниот 70%, другиот 50% реализирани. Сите проекти, кои СДСМ и Заев ги најавија како свои се проекти на ВМРО-ДПМНЕ. СДСМ нема отпочнато ниту еден километар нов автопат. -Добро е што СДСМ во недостиг на сопствени идеи и проекти ги продолжува проектите на ВМРО-ДПМНЕ бидејќи од нив полза имаат граѓаните. Им порачуваме во иднина, токму заради доброто на граѓаните да не ги кочат проектите отпочнати од ВМРО-ДПМНЕНеодговорноста која ја манифестираат и политиката на неработење мора да запре. Граѓаните очекуваат работа и посветеност. Ноторен факт е дека СДСМ не знае да работи, нагласи генералниот секретар на ВМРО-ДПМНЕ.

Се случи чудо: И Героски ги фали проектите на ВМРО-ДПМНЕ, автопатот Демир Капија -Смоквица (ФОТО ГАЛЕРИЈА ПЛУС ИНФО)

Дарко Андоновски — Mon, 02 Apr 2018 19:49:30 +0000

Автопатот Демир Капија- Смоквица е речиси 95 проценти готов, а владата на СДСМ чека цела година за поставување на диспечерски центар и преместување на столб за да може целосно да го пушти во употреба. Имено ова е за прв пат проект кој започна да го реализира владата на ВМРО-ДПМНЕ да биде пофален од провладин медиум. Станува збор за ексклузивна фотогалерија на порталот Плус Инфо во која целосно се фали проектот на претходната влада на ВМРО-ДПМНЕ. Оваа инфраструктурна артерија нашата земја ја поврзува на север со Европа и на југ со Солунското пристаниште, а дури 70 отсто од увозот и извозот се одвиваат по неа, пишува Плус Инфо. Инаку ВМРО-ДПМНЕ автопатот започна да го гради во септември 2012 година, а го градеше компанијата „Актор“ со врвна изградба и технологија.