Демократски сили на Ромите – Kurir.mk

Демократски сили на Ромите со поддршка за ставовите на Мицкоски: Владата наместо да брза за измена на уставот и внес на Бугарите, да се запраша каде се Ромите во оваа држава и што со нивната сиромаштија!

Ивана Ефремовски — Tue, 06 Jun 2023 14:12:38 +0000

Партијата Демократски сили на Ромите во текот на вчерашниот ден свика итен состанок на претседателството и извршниот одбор на органите на партијата во пресрет на лидерската средба на претседателот на ВМРО-ДПМНЕ, Христијан Мицкоски со претседателот на СДСМ, Димитар Ковачевски, закажана на 07.06.2023 (среда ) во клубот на пратеници. На состанокот од страна на присутните било истакното дека Ромите во Македонија од страна на актуелната влада не се воопшто застапени во извршната власт, а постојано зборуваат за европски вредности и влез на Македонија во Европската Унија. -Партијата Демократски сили на Ромите апелира до актуелната влада наместо да брза за измена на уставот и внес на Бугарите, да се запраша каде се Ромите во оваа држава и што со нивната сиромаштија?! Наместо измена на уставот на државата и прослави по елитните хотели нека ги видат најновите истражувања, каде што минималните трошоци на едно семејство во март 2022 изнесуваа над 50.000 денари. Јавно ги прашуваме сите претставници на актуелната влада да кажат колку се тие семејства во Македонија кои имаат 50.000 денари плата за да го преживеат месецот, велат од партијата. ДСР ги прашува владините претставници: „Дали знаете дека Ромите најголем дел се социјални случаеви“?! -Дали имате сознанија дека Ромите по државните клиники се оставени да умираат без никаква соодветна здравствена помош да им се даде?! Дали знаете дека на Ромските деца во училиште им е забрането да ја искажат нивната религиозна определба?! Поради ова, партијата Демократски сили на Ромите – ДСР, како долгогодишен и стратешки партнер на ВМРО-ДПМНЕ, како и поради довербата што е стекната помеѓу двете партии, во пресрет на лидерската средба, недвосмислено ја дава поддршката на претседателот на ВМРО-ДПМНЕ, Христијан Мицкоски и ставовите кои се завземени заедно со ДСР и другите коалициони партии. ДСР силно верува во намерите и способностите на претседателот на ВМРО-ДПМНЕ професорот Мицкоски, кои ги има кон Ромите и кон сите граѓани во Република Македонија, велат од партијата.

Мицкоски ќе се обрати на свечена академија организирана од Демократски сили на Ромите

Ивана Ефремовски — Fri, 07 Apr 2023 16:22:22 +0000

Денеска 07.04.2022 година во 19:00 часот во Меморијалниот центар на холокаустот на Евреите од Македонија ќе се одржи свечена академија организирана од Демократски сили на Ромите. По повод 8-ми април, Светскиот ден на Ромите, претседателот на ВМРО-ДПМНЕ, Христијан Мицкоски ќе присуствува на настанот, каде што ќе се обрати пред присутните. Настанот можете да го следите во живо на линкот во продолжение:

Демократските сили на Ромите: Ниту еден Ром не се најде во реконструираната влада, СДСМ ги искористува Ромите само за гласови, бараме предвремени избори!

Дарко Андоновски — Mon, 13 Feb 2023 16:08:58 +0000

Демократските сили на Ромите преку реакција до јавноста велат дека ниту еден Ром не се најде во реконструираната влада и поради тоа бараат предвремени парламентарни избори што поскоро. „Денеска Собранието на Република Македонија ќе одлучува за реконструкција на Владата, по предлогот на премиерот Димитар Ковачевски. Предлогот за реконструкција на Владиниот кабинет следување по претходни преговори и консултации на партиите АА, СДСМ и ДУИ. Во оваа нова коалиција во кабинетот на премиерот ќе се најдат четири нови Министри и пет нови заменици Министри, од кои тројца се Албанци, еден Македонец и од пет заменици Министри тројца се Албанци и двајца Македонци заменици Министри. Според ваквото креирање на новиот владин кабинет и овој пат не се најде место за Министер или заменик Минитсер кој е припадник на Ромската заедница во Република Македонија. Поради ова, ДСР бара од пратеничката Љатифе Шиковска која е од редовите на СДСМ како и од сите пратеници кои мислат добро на Ромите во Македонија, да не го подржат овој предлог за реконструкција на Владата и час поскоро да се распишат предвремени парламентарни избори, бидејќи ова е уште еден доказ дека Ромите се бараат само кога им треба гласови а нема соодветна застапеност во институциите во системот! Ромите на следните парламентарни избори кога да се случат, треба добро да се размислат на кого ќе го дадат својот глас за поддршка!“, стои во нивната реакција до јавноста.

Демократските сили на Ромите до Османи: Постојано укажуваме на дискриминирање на Ромската заедница по сите основи

Дарко Андоновски — Thu, 26 Jan 2023 14:18:39 +0000

Демократските сили на Ромите преку реакција до јавноста го прашуваат министерот за надворешни работи Бујар Османи зошто Ромите се дискриминирани во оваа земја. „Министерот за надворешни работи, Бујар Османи денеска од Собранието на РМ, покрај останатото истакна дека во Македонија нема дискриминација кон одредена заедница. Исто така истакна дека, на било кој граѓанин од било која заедница да му се случи истото ( се мисли на претепувањето на Христијан Пендиков во Охрид ) макар и на крајот на светот да се наоѓа, ќе го посети како тоа што го направил во Софија. Партијата Демократски сили на Ромите сака да ја потсети македонската јавност и Владата на Република Македонија пред само неколку месеци, во Штип од страна на полициски службеници брутално беше претепан и фрлен на кров лицето Ерсој Ибов кој е од Ромска националност. Затоа јавно го прашуваме Министерот Османи или било кој друг функционер на Владата: ДАЛИ НЕКОЈ ГО ПОСЕТИЛ претепаниот Ром во Штип Ерсој Ибов?! Што е превземено од страна на надлежните органи во врска со овој случај?! ДСР како партија со демократски вредности постојано укажува за целосно дискриминирање на Ромската заедница по сите основи! ДСР како партија најостро го осудува насилството врз било кој човек од било која заедница! Во Македонија добар дел од политичарите генерално директно или индиректно не се свесни дека ги дискриминираат Ромите, а од страна на ДСР и Ромите во Македонија постои огромна недоверба кон надлежните институции и органите кои се надлежни за санкционирање на сторителите, односно оние кои дискриминираат“, стои во нивната реакција до јавноста.

Мицкоски: ВМРО-ДПМНЕ ќе предводи победничка коалиција на прогресивни партии која ќе го промени ова политичко мочуриште

Ивона Петрова — Sun, 01 Aug 2021 10:26:44 +0000

Претседателот на ВМРО-ДПМНЕ Христијан Мицкоски денеска присуствуваше на работниот состанок на партијата Демократски сили на Ромите по повод претстојните локални избори. Мицкоски истакна дека како што кажал и Шабан Салиу донесена е одлука практично за коалицирање на партијата ДСР со ВМРО-ДПМНЕ на следните локални избори во делот на безусловна поддршка на кандидатите за градоначалници кои што коалицијата предводена од ВМРО-ДПМНЕ ќе ги предложи. -Нормално учество на партијата Демократски сили на Ромите предводена од мојот драг пријател Шабан Салиу на советничките листи кои што исто така ќе бидат дел од следните локални избори. А, се радувам што одлуката е таква да партијата на господинот Шабан Салиу биде дел од коалицијата која што ќе ја предводи ВМРО-ДПМНЕ , дел од победничката коалиција за тоа што денеска е важно да сите оние прогресивни политички сили кои што се дел од македонската политичка сцена без разлика дали се тоа од македонскиот блок политички партии, од албанскиот блок политички партии, партиите на Ромите, Турците, Власите, Бошњаците, Србите, Египќаните и останатите се приклучат на овој опозициски победнички блок бидејќи само така можеме да го промениме ова политичко мочуриште кое што четири години практично ја репресира и уназадува нашата Македонија. Да го промениме овој хибриден режим и навистина да владее правото, навистина да се бориме бескомпромисно со криминалот и корупцијата, за силна економија, за сериозни реформи во здравството, во образованието, да одиме напред бидејќи сите одат напред, само за жал Македонија предводена од овој хибриден режим на СДСМ и Зоран Заев стагнира и уназадува, нагласи Мицкоски.

Демократските сили на Ромите на средба со коалицијата за Обнова на Македонија предводена од ВМРО-ДПМНЕ

Дарко Андоновски — Sat, 11 Jul 2020 21:46:55 +0000

Демократските сили на Ромите денеска остварија средба со коалицијата за Обнова на Македонија предводена од ВМРО-ДПМНЕ. -Демократски Сили на Ромите 11.07.2020 #ШутоОризари Средба на коалицијата за Обнова на Македонија во Шуто Оризари. Коалицијата за Обнова на Македонија денес оджа собир во Шуто Оризари. Пред граѓаните се обрати преседателот на ДСР д-р.Шабан Салиу,кандидатот за пратеник во ИЕ-2 д-р. Рашела Мизрахи и г-динот Ерџан Демир. Рашела Мизрахи кои меѓу другото рекоа дека сите Роми се добредојдени во Владата на РМ. „Ромите се дел од нашата Македонија. Ромите се достоинствени и чесни луѓе кои си ги почитуваат сопствените семејства но и останатите луѓе. Јас верувам дека овде може да биде поинаку и ви давам збор дека во наредните четири години ќе направиме препород не само во Шуто Оризари, туку секаде, низ цела Македонија, каде што живее ромскиот народ“, истакна на денешниот собир. На крајот ги повика Ромите од оваа општина својот глас да го дадат за коалицијата Обнова за Македонија. #ПобедничкаКоалиција #ОбноваНаМакедонија #РеденБрој14, стои во нивниот пост на Фејсбук.

Демократски Сили на Ромите 11.07.2020 #ШутоОризари Средба на коалицијата за Обнова на Македонија во Шуто... Posted by Dsr Suto Orizari on Saturday, July 11, 2020

Демократски сили на Ромите: Ако Заев не го разреши Рашковски, ќе значи дека споделуваат исти ставови кои се говор на омраза

Ивана Ефремовски — Tue, 02 Jul 2019 18:51:24 +0000

Партијата Демократски сили на Ромите, порачува дека дното е пробиено, а СДСМ наводно се залага за „Едно општество за сите“. Реакцијата на партијата ја пренесуваме во целост: Сведоци сме дека односот на СДСМ кон Ромите е лицемерен и срамен. Последниот скандал со генералниот секретар на Владата Драги Рашковски кој добива и меѓународни димензии е само нов показател за тоа како оваа влада ги третира Ромите во Македонија. Крајно е нечовечки да омаловажуваш еден народ од една пријателска земја која е членка на ЕУ, со зборови, кои патем, ги навредуваат и чувствата на Ромите во Македонија. Достоинството на еден човек не смее никој да го погазува, а најмалку функционер во Влада кој што плаќаме сите. Драги Рашковски не само што треба јавно да се извини на Ромите, тој треба да биде разрешен од страна на премиерот Зоран Заев. Ако тоа не го направи премиерот ќе значи дека и тој како и генералниот секретар ги споделува истите ставови кои не се ништо друго туку говор на омраза. Истовремено бараме Комисија за заштита од дискриминација да поведе постапка и соодветно да ги санкционира ваквите појави и испади. Да биде уште позагрижувачки, ова е втор јавно објавен случај во краток временски период, во кој некој функционер на СДСМ омаловажува припадник/ци на ромската етничка заедница. Случајот со градоначалникот на општината Шуто Оризари исто така ја вознемири јавноста, особено Ромите, кои слушнаа како тој на највулгарен начин навредува Ром, а дополнително има индиции дека го тепа и измачува. Очекуваме дека институциите соодветно ќе реагираат за овие два случаи, но истовремено бараме и невладините организации да се охрабрат и да ги осудат ваквите навреди кои го погазуваат достоинството на Ромите во Македонија, бидејќи само така ќе покажеме дека сме општество кое може да се спротивстави на говорот на омраза упатен кон било кој граѓанин на нашата Татковина, вклучително и Ромите.