демолирање – Kurir.mk

ВИДЕО: Момче со палка демолира автомобил во Битола

Тале Кристо — Sun, 20 Jun 2021 15:42:53 +0000

На социјалната мрежа „Твитер“ беше споделено видео од Битола во кое може да се види како младо момче со метална шипка демолира автомобил. – Добро утро, како спиеше комшија?! По улици возрасни убиваат, деца со палки се шетаат, сѐ е отидено – пишува во описот на видеото. Засега не се познати причините поради ваквиот потег на младото момче, кој е неговиот мотив за ваквото дело, но се очекува од МВР да излезат со повеќе детали за настанот.

Добро утро,како спиеше комшија?! 🆘️🚨🆘️🚨🆘️🚨 По улици возр асни убиваат,деца со палки се шетаат,се е отидено ... pic.twitter.com/NfBqxDMgJO
— Две Ѕвезди (@dvezvezdi1) June 19, 2021

ДЕТАЛИ: Струмичанецот искршил 45 апарати и рулет машини во „Сенатор“, приведен е во станица

Ивона Петрова — Thu, 22 Mar 2018 08:05:10 +0000

Во казиното „Сенатор“ во центарот на Струмица синоќа околу 18 часот лицето А.В. со копач искршило 45 слот апарати и рулет машини. Од СВР Струмица го потврдија настанот. - Лицето е лишено од слобода и задржано во Полициската станица во Струмица. Се работи на целосно расчистување и документирање на настанот, рече портпаролката на СВР Струмица, Хризантема Рендевска. Инаку, синоќа на социјалните мрежи се појави видео во кое се зборува како непознат човек го демолирал казиното.

Драма во Слупчане: Демолирале ресторан на Нова година поради судски процес

Ивона Петрова — Tue, 02 Jan 2018 09:35:14 +0000

Шест лица демолирале ресторан во Слупчане, Липково на 1-ви околу 1:20 часот поради судски процес. Имено како што информираат од полицијата, лицата од кои едно познато на сопственикот Р.М. (22) влегле во ресторанот и по кратко време почнале да му се закануваат на Р.М. да се повлече од судски процес за некој претходен настан. -Тие најпрво го оштетиле тоалетот, а потоа продолжиле да го кршат инвентарот, музичките инструменти и опремата. Истовремено едно од лицата земало чаша со која го удрил А.Г. (39) од село Ваксинце во пределот на лицето и главата. Притоа, со повреди се здобил и Б.С. (38) од Куманово, информираат од полицијата. На повредените им била укажана лекарска помош во Општата болница Куманово. Полициски екипи извршиле увид на местото на настанот и се преземаат мерки за целосно расчистување на случајот.