ден на полиција – Kurir.mk

Турнир во мал фудбал во Кавадарци во чест на 7-ми Мај – Денот на македонската полиција

Тале Кристо — Wed, 04 May 2022 10:25:52 +0000

Во чест на овогодинешното одбележување на 7-ми мај – Денот на македонската полиција, ОВР Кавадарци спроведе превентивна активност под мотото „Полицијата и учениците се дружат“. Денеска (04.05.2022) од 10.00-12.00 часот на спортското игралиште во гимназијата „Добри Даскалов“ во Кавадарци се одржа турнир во мал фудбал со екипи од трите средни училишта и една екипа од младите полициски службеници при Полициската станица Кавадарци, а на која беа доделени дипломи и пехари на најдобрите. Бидејќи Кавадарци може да се пофали со спорт и спортски клубови, а ОВР Кавадарци е во постојана соработка со Сојузот на спортови на Кавадарци, како и со Сојуз на училишни спортови во Кавадарци и локалната самоуправа, преку денешниов турнир во мал фудбал под мотото „Полицијата и учениците се дружат“, ОВР Кавадарци имаат за цел да ја потврдат уште еднаш таквата соработка помеѓу сите овие субјекти со што ќе се подобри и комуникацијата и соработката со полицијата со цел превенирање на насилство помеѓу учениците во училиштата на какви било јавни собири и на спортски натпревари.

7 Мај – Ден на македонската полиција

Ивона Петрова — Fri, 07 May 2021 05:40:00 +0000

Во организација на Министерството за внатрешни работи денеска во Полицискиот центар „Ѓорче Петров “ ќе се одржи централната прослава по повод одбележувањето на 7 Мај – Денот на македонската полиција. Како што соопшти МВР, на свеченоста по повод празникот ќе говорат министерот за внатрешни работи, Оливер Спасовски и претседателот на Македонија, Стево Пендаровски. Во пресрет на празникот, завчера во Ресен беше презентиран комплетно реновираниот објект на Одделението за внатрешни работи (ОВР), обновен првпат после 40-тина години. Во рамки на зафатите за осовременување и модернизација на условите за работа на полицијата и другите припадници на МВР се работи на реконструкција или реновирање на објектите на СВР Куманово, на Полициското одделение Ростуше, а во претстојниот период во план се работи и на Одделението за внатрешни работи Прилеп, Полициската станица во Крушево и Полициското одделение во Чашка.

Чулев: Нека е честит Денот на македонската полиција, Ви благодариме за секоја минута помината на вашите работни места (ВИДЕО)

Ивона Петрова — Thu, 07 May 2020 09:43:59 +0000

Министерот за внатрешни работи Наќе Чулев на сите припадници на полицијата им го честита 7 Мај - Денот на македонската полиција. -Ова видео е посветено на сите полициски службеници, здравствени работници, припадници на армијата и на сите оние кои се во првите редови во справувањето со пандемијата од коронавирусот. Ви благодариме за секоја минута и секој час поминат на вашите работни места. Неизмерно сме ви благодарни за сета посветеност и за сите жртви кои ги давате секојдневно во борбата против оваа пандемија. Сите заедно сплотени сме на само чекор од совладувањето на еден од поголемите предизвици со кои се соочило човештвото досега. Нека е честит Денот на македонската полицијa, пишува Чулев на Фејсбук.

ВО ЖИВО: Свеченост по повод Денот на полицијата, единиците на МВР со показни вежби

Ивона Петрова — Thu, 07 May 2020 09:26:24 +0000

Свеченост по повод 7 Мај - Денот на македонската полиција ќе започне во 11:30 часот во Полицискиот центар „Ѓорче Петров“, каде што во присуство на раководството на МВР, вработени и поканети гости од дипломатскиот кор ќе се обрати министерот за внатрешни работи Наќе Чулев. Ќе има показни вежби од единиците на МВР и доделување плакети за посебен придонес и заложба во работењето на Министерството за вработени во МВР и плакети за благодарност до претставниците на дипломатскиот кор.

7 Мај – Ден на македонската полиција

Ивона Петрова — Thu, 07 May 2020 05:03:59 +0000

Министерството за внатрешни работи денеска ќе го одбележи 7 Мај – Денот на македонската полиција. Свеченоста од 11.30 часот ќе се одржи во Полицискиот центар „Ѓорче Петров“, каде што во присуство на раководството на МВР, вработени и поканети гости од дипломатскиот кор ќе се обрати министерот за внатрешни работи Наќе Чулев. Ќе има показни вежби од единиците на МВР и доделување плакети за посебен придонес и заложба во работењето на Министерството за вработени во МВР и плакети за благодарност до претставниците на дипломатскиот кор. Претходно, во 9.45 часот, во кругот на МВР пред зграда бр.1 раководството на МВР ќе им оддаде почит на загинатите бранители, со положување свежо цвеќе на спомен-обележјата.

ВИДЕО: Димни и шок бомби, апсења, спасувачки акции – полициските специјалци одржаа показни вежби пред штипјани

Ивона Петрова — Sun, 06 May 2018 13:40:44 +0000

Припадниците на македонската полиција денеска на градскиот стадион во Штип во рамки на одбележувањето на 7 Мај- Денот на македонската полиција, и презентираа на јавноста дел од своите можности преку низа показни вежби. Граѓаните имаа можност да се уверат во подготвеноста на македонската полиција за справување со различни предизвици. Вежбите на специјалните единици на МВР погледнете ги во продолжение.