ден на вљубените – Kurir.mk

За Денот на вљубените, филипинска општина награди самци

Катерина Бојаџиева — Tue, 14 Feb 2023 13:14:12 +0000

По повод Денот на вљубените, самци вработени во градска општина на Филипините добија парична награда, бидејќи локалните власти сакаат да ги наградат за прекувремената работа и да ги потсетат дека „некој ги сака“. Луѓето кои се сами повеќе од пет години и работат во општината на мал град во провинцијата Кезон на југоисточниот дел на Филипините, добија парична награда во вредност од три дневни плати, изјави градоначалникот Мет Флоридо. „Знам низ што минуваат денеска, ги разбирам“, додаде Флоридо, кој вели дека е „самец од раѓање“. Градоначалникот рече дека на Денот на вљубените никој нема да им подарува и додаде дека затоа смислил таков подарок, за да знаат самците дека некој ги сака. Веќе трета година Флорида им дава бонус на самците кои работат во малиот град во кој се одгледуваат ананаси. Тие пари се и потврда за ограничувањата што им се наметнуваат на самците, бидејќи тие често работат и прекувремено.

Легенди за Денот на вљубените

Катерина Бојаџиева — Tue, 14 Feb 2023 11:17:53 +0000

Во голем дел од светот 14 февруари се слави како Ден на вљубените, а за потеклото на овој празник се поврзуваат неколку „теории“ и легенди, а најпозната и најраспространета е онаа за епископ кој бил погубен поради тајно венчавање двојки. Обичаите на изразување љубов, размена на подароци, споделување заеднички моменти се карактеристиките на празникот со кој денес се слави љубовта. Најраспространета легенда за потеклото на овој празник секако е онаа за Свети Валентин, кој го загуби животот поради „борбата за љубов“. Епископот Валентин бил убиен во 269 година за тајно венчавање парови, што било против царската забрана. Меѓу христијаните, тој почнал да се почитува како светец во IV век, но дури во 15 век го поврзуваат со празникот на љубовта. Оттогаш луѓето го слават како заштитник на љубовниците. Постои уште една теорија поврзана со потеклото на самиот празник, а таа е поврзана со Католичката црква. Се тврди дека Католичката црква одлучила празникот Свети Валентин да се одржи на средината на февруари во обид да ја „христијанизира“ паганската прослава на Луперкалија. Луперкалија бил празник на плодноста посветен на Фаун, римскиот бог на земјоделството, како и на римските основачи Ромул и Рем. Симбол на Свети Валентин е и античкиот римски бог на љубовта Купидон, кој често е прикажан како држи лак и стрела, бидејќи се верува дека тој што ќе го погоди со својата магична стрела веднаш се вљубува. Како една од главните карактеристики на прославата на Денот на вљубените е размената на подароци, а со текот на времето чоколадото и црвената боја станаа симбол на овој празник.

НЕ Е ДЕНЕСКА: Овој датум се смета за најромантичен оваа година, убаво запомнете го за да го прославите

Катерина Бојаџиева — Mon, 14 Feb 2022 10:21:09 +0000

Календарите ни кажуваат дека најромантичен ден во годината е 14 февруари, но астролозите велат дека не е и дека еден друг датум оваа година е многу поважен за љубовниот живот. Според нив, најромантичниот ден во годината исто така е во февруари, но неколку дена по Денот на вљубените, поточно 16 февруари. Тоа ќе биде најромантичниот ден со оглед на тоа како се поставени планетите, пишува „My Imperfect Life“. Велат дека тогаш Марс е во врска со Венера во Јарец. Апсолутно немаме идеа што значи тоа, но тоа е наводно рецептот за романтика според астролозите. Тоа е денот кога романтиката ќе биде на врвот, па не е лошо да го забележите во календарот и да го тестирате. За некои можеби ќе биде ден кога ќе им се појави некоја нова љубов во животот, кога ќе запознаат некој, кога нивната врска ќе оди едно скалило погоре или кога едноставно ќе се случи нешто убаво за нивниот љубовен живот. Доколку планираш да направиш некој голем љубовен ризик, можеби ова е денот кога ќе можеш да се обидеш тоа да го реализираш, ѕвездите ќе ти бидат наклонети, а кој би му пречела дополнителна среќа.

Не е 14 февруари- овој датум се смета за најромантичен оваа година, убаво запомнете го за да прославите

Катерина Бојаџиева — Thu, 10 Feb 2022 07:54:33 +0000

Брза торта за Денот на вљубените: Најслаткиот начин да покажете љубов!

Катерина Бојаџиева — Tue, 08 Feb 2022 12:36:51 +0000

Доколку сè уште не знаете како да го изненадите вашиот сакан, или сакана, за Денот на вљубените, ви носиме одличен предлог! Состојки: – 8 јајца – 11 лажици брашно – 1 прашак за пециво – 1 ванилен шеќер – 1 дл. млеко – 0,5 дл. масло – рендана кора од портокал За фил: – 2 пудинга од јагода – 1 дл. млеко за матење на пудингот – 500 мл. млеко за варење на пудингот – половина маргарин – шлаг – по желба и 1 лажица екстракт од јагода Подготовка: Направете бисквит за тортата, така што ќе ги изматите жолчките и шеќерот, после тоа додадете го маслото и млекото, добро соединете, па додадете го брашното, прашакот за пециво, ванилниот шеќер и ренданата кора од портокал. Кога смесата ќе се соедини додадете ги изматените белки. Кората печете ја 20 минути на 200 степени во калап во облик на срце. Кога кората ќе се испече, пресечете ја така што ќе добиете две кори. Изматете ги двата пудинга од јагода и варете во половина литар млеко. Кога ќе се олади доадете половина маргарин и исфилувајте ја тортата. Изматете го шлагот, во кој може да додадете екстракт од јагода за да добиете црвена боја. Тортата можете да ја украсите и со цели јагоди или малини, или само со шлаг, како што вам најмногу ви се допаѓа.

Неговиот хороскоп открива: Што сака вашиот партнер за Денот на вљубените?

Катерина Бојаџиева — Fri, 04 Feb 2022 19:37:59 +0000

Бирање подароци за партнерот во повеќето случаеви е тешка задача, бидејќи во исто време сакате да го воодушевите и изненадите, а тоа е исклучително тешко кога станува збор за Денот за вљубените. За среќа, и во оваа ситуација може да се потпреме на хороскопот, па со оглед на знакот на посилната половина, може да се открие што сака тој. Овен Овенот сака убаво парче накит со кое може да се пофали. Луѓето родени во овој знак едноставно сакаат скапи и луксузни работи и очекуваат од нивните партнери тоа да го знаат. Бик Биковите сакаат авантура. Тие се спремни за акција, но бидете сигурни дека во тој процес ќе научат нешто ново, бидејќи само тогаш тоа го сметаат за добар подарок. Близнаци Тие сакаат изненадувања. Близнаците сакаат стари предмети кои им будат убави сеќавања и предмети поврзани за она што ги интересира, како што се детали од филмови и серии кои ги сакаат. Рак Раковите ќе бидат среќни ако добијат букет рози и нешто што покажува дека ги обожувате. Колку букетот е побогат – толку подобро. Тие копнеат по традиционална романтика. Лав Лавот сака да го „полиете“ со внимание и романтичен гест. Почнете да обрнувате внимание на деталите од неговиот или нејзиниот живот, за да може да бидете во тек со она што Лавот секојдневно го прави. Девица Девицата ќе биде задоволна со нешто убаво, креативно и романтично. Иако се романтични како Раковите, Девиците ценат оригиналнот, па не очекувајте да се задоволат со бомбоњера и ружа. Вага Вагата ќе биде воодушевена со интимен и мистериозен состанок. Таа го сака целото ваше внимание на Денот на вљубените и најверојатно фантазира за нешто што е секси и на граница на табу. Шкорпија Би биле среќни кога би добиле стара колекција со астролошки книги. Шкорпиите по природа се трагачи по вистината, а истовремено се и многу љубопитни. Шкорпиите најмногу сакаат старински вредности. Стрелец Иако Стрелецот најмногу сака авантура, овој знак е прилично плашлив на тоа поле. Но, од друга страна, желбата за патување е преголема, па мора да најде начин како да се помири со овие две спротивности во себе. Поради тоа, најдобро е да му купите книга која ќе може да му помогне да најде најдобар начин за справување со своите финансии, за да си ги исполни своите потреби. Јарец Јарецот најмногу сака да биде главен и да биде прашан за сè, а таа потреба е особено зголемена кога знае дека со нешто може да биде изненаден. Сепак, ако немате храброст да го прашате било што, следете ги неговите навики исто како што тоа треба да го направите со Лавот, и дознајте што го интересира. Водолија Тие секогаш се расположени за нешто магично и несекојдневно. Некое духовно искуство или членарина за јога ќе биде совршен подарок за Водолија. Риби Идеален подарок за нив е карта за концерт на нивниот омилен изведувач. И покрај тоа што Валентајн е интимен ден, Рибите би биле најсреќни кога би го поминале во што е можно поголемо друштво.

Овој 14 февруари ќе биде рекорден по потрошувачката: Американците за Денот на вљубените ќе потрошат 27 милијарди долари

Катерина Бојаџиева — Fri, 14 Feb 2020 13:55:50 +0000

Граѓаните на САД на Денот на вљубените ќе потрошат околу 27,4 милијарди долари, прогнозираат аналитичарите. Овој 14 февруари, според прогнозите, ќе биде рекорден по потрошувачката. Американците во 2018 година потрошија 19,6 милијарди долари, а во 2017 година вкупно 18,2 милијарди. Од минатата година зголемен е и бројот на луѓето кои го слават овој празник. Сега тој број изнесува 55 отсто од популацијата. Според извештајот на Националната федерација за малопродажба, 62 отсто од луѓето на возраст од 35 до 44 години ќе го одбележат овој празник, што е поголем процент од оние во групата од 25 до 34 години, од кои слават 60 отсто. Од друга страна, само 46 отсто од постарите од 65 години ќе го слават Денот на вљубените. Според проценките, заљубените трошат рекордни 198 долари по личност, додека во 2019 година таа сума изнесува 161 долар. Како и претходно, мажите трошат повеќе од жените, 291 долар трошат мажите, а 106 долари жените. Минатата година 2,4 милијарди долари се потрошени за колачи, 1,3 за честитки, 2,3 милијарди за цвеќиња и 5,8 милијарди долари за накит. За излегување по ресторани, кафулиња и кино потрошени се околу 4,3 милијарди долари.

Принцот Вилијам со посебно изненадување за Кејт Мидлтон за Дeнот на вљубените

Ивона Петрова — Fri, 14 Feb 2020 07:57:04 +0000

Британскиот принц Вилијам за сопругата Кејт Мидлтон планира посебно изненадување за Денот на вљубените, пренесуваат западните медиуми додавајќи дека се работи за романтична вечера. Според некои извори, принцот Вилијам резервирал романтична вечер во својот омилен италијански ресторан во Лондон. – Вилијам и Кејт често го посетуваат тој ресторан, тоа им е омилено место каде имаат одредено ниво приватност. Ним им е тешко да излезат некаде, а притоа никој да не ги следи или да гледа во нив. Вилијам има своја нежна страна и сигурна сум дека за својата Кејт веќе обезбедил честитка, убав поклон, а можеби и тивка вечера дома, изјави Кејти Никол – познавач на кралското семејство. Двојката минатата недела е фотографирана како се држи за раце во Јужен Велс, каде што се запознале додека биле студенти, 2001 година. Во брак се 10 години и „нивната љубов оттогаш само расте“, според колумнистката. – Не знам дали принцот Вилијам би признал, но тој е прикриен романтичар. Ќе се потруди Кејт да се почувствува посебно на Денот на вљубените, додава Никол.

ВИДЕО: Ова е подарокот од Здравко Чолиќ за сите заљубени

Ивана Ефремовски — Wed, 14 Feb 2018 17:31:42 +0000

Здравко Чолиќ ги израдува обожавателите на Денот на вљубените. 66-годишниот пејач го објави спотот за новата песна „Kuća puna naroda“. Видеозаписот е снимен во Дубровник и го претставува враќање на босанско-српскиот музичар во градот на изгубената љубов. Покрај Здравко, во спотот се појавува и манекенката Тијана Саренац. -Оваа песна за која текстот го напиша Џибони, а е наша прва соработка, асоцира на мене, на мојот отворен дух и алтруистички пристап кон луѓето. Со својот глас сакам да допрам до луѓето. Самиот текст кажува: „Животе мој, подари ми глас, со песните да ве прегрнам вас“, вели Чола за новата песна.

Љубов или лудило: Тоа што овој пилот го направи за Денот на вљубените е романтично, но и ризично

Ивана Ефремовски — Wed, 14 Feb 2018 16:19:15 +0000

Пилот на компанијата „Вирџин атлантик“ изведе посебен лет над Атлантскиот Океан. Во духот на Денот на вљубените пилотот на „ербас А330“ нацрта срце на небото. Иако неговиот потег е романтичен, сепак е ризично вака да си “игра“ межу облаците.

❤ ✈ @VirginAtlantic is drawing a giant heart in the sky to celebrate #ValentinesDay2018 ✈ ❤
Follow live at https://t.co/g2xxOPgLRK pic.twitter.com/k8PgCkstZP — Flightradar24 (@flightradar24) February 14, 2018