денеска – Kurir.mk

И денеска размена на артилериски оган во Нагорно Карабах

Тале Кристо — Wed, 30 Sep 2020 06:27:32 +0000

По целата линија на фронтот во самопрогласената република Нагорно Карабах и денеска продолжува размена на артилериски оган, соопшти ерменското Министерство за одбрана. – Ерменските единици за противвоздушна одбрана соборија две непријателски беспилотни летала над градот Степанакерт, изјави претставничката на Министерството за одбрана во Ереван, Шушана Степанијан. Во исто време, азербејџанското Министерство за одбрана утрово соопшти дека ерменската артилерија го гранатира градот Тертер, кој се наоѓа на самата линија на фронтот. Според достапни извештаи од местото на настанот, ерменската артилерија ја уништува инфраструктурата, а во нападите има и цивилни жртви. Двете страни меѓусебно се обвинуваат за оваа последна ескалација на насилството, која денеска влегува во четвртиот ден.

Какво време не очекува денеска?

Ивана Ефремовски — Sun, 09 Dec 2018 08:25:03 +0000

Времето денеска во Македонија ќе биде облачно со локален дожд, на повисоките места со дожд и снег, а на планините со снег. Во текот на денот ќе има разведрување, во текот на ноќта кон понеделник ќе има нови врнежи кои поради спуштање на постуден воздух од север на планините и на повисоките места ќе бидат од снег, а на некои пониски места од дожд и снег. Ќе дува слаб до умерен ветер од западен и северозападен правец. Утринската температура ќе се движи во интервалот од минус еден степен до 3 степени целзиусови, а дневната од шест до 13 степени Целзиусови. Во Скопје слично време. Утринската темература ќе се спушти до еден степен Целзиусов, а дневната ќе достигне девет степени.

Почнува 13. Европско првенство за ракометари

Дарко Андоновски — Fri, 12 Jan 2018 08:19:53 +0000

Со четири натпревари кои ќе се играат попладнево во Сплит и Пореч, ќе започне 13-то Европското првенство за ракометари. На шампионатот, на кој ќе учествуваат шеснаесет репрезентации, ќе настапи и селекцијата на Македонија, која своите средби од првата фаза ќе ги игра во Загреб, каде за противници редоследно ќе ги има Словенија, Црна Гора и Германија. Селекциите се поделени во четири групи, од кои само најслабо пласираните нема да минат во главната фаза. На програмата денеска се дуелите во А и Б конкуренција, а двојките се: А група (Сплит): Шведска – Исланд (од 18:15 часот) и Хрватска – Србија (20:30 часот) Б група (Пореч): Белорусија – Австрија (од 18:15 часот) и Франција – Норвешка (20:30 часот). Средбите од 1.коло во Ц и Д групите на програмата се утре.