денга треска – Kurir.mk

Надежни првични резултати од тестирањето на апчето на „Џонсон енд Џонсон“ против денга-треска

Катерина Бојаџиева — Fri, 20 Oct 2023 11:49:28 +0000

Пилулата за тропската денга-треска развиена од „Џонсон енд Џонсон“, се чини, штити од тој вирус кај неколку пациенти во мало испитување на луѓе во САД, според податоците што денеска ги презентираше компанијата на годишниот состанок на Американското здружение за тропска медицина и хигиена во Чикаго. „Во мигов не постои специфичен третман за болеста денга-треска, инаку растечка светска здравствена закана“, соопшти компанијата пред да ги претстави првичните податоци. Лекот делува така што го блокира дејството на два вирусни протеини, спречувајќи го вирусот да се размножува. Клучно прашање за иднината ќе биде обезбедувањето пристап до новиот лек, доколку се работи за потреби од поголем обем, во многуте земји со низок и среден приход каде што е најпотребен, порачуваат стручњаците и познавачите. - Оваа болест долго време погодува голем дел од Азија и Латинска Америка, предизвикувајќи милиони зарази секоја година и десетици илјади смртни случаи. Се предвидува побрзо ширење бидејќи климатските промени прават повеќе области - погодни за комарците што ја распространуваат, рече научникот на СЗО, Џереми Фарар. Преносители на денга-треска се главно комарци од родот „Aedes aegypti“ и „Aedes albopictus“ (тигрест комарец), кои најчесто виреат во тропските области. Тигрестиот комарец поледниве две десетлетија веќе е забележан и во подрачјето на Јадранот, по што следеа и случаи на денга-треска во Хрватска.

СЗО: Денга треската ќе стане голема закана за јужните делови на Европа и САД и делови од Африка

Катерина Бојаџиева — Fri, 06 Oct 2023 10:57:09 +0000

Денга треската оваа деценија ќе стане голема закана во јужниот дел на САД, јужна Европа и делови од Африка, со оглед на тоа дека повисоките температури создаваат поволни услови за комарците кои ја пренесуваат болеста, изјави Џереми Фарар, специјалист за заразни болести во Светската здравствена организација. СЗО). Фарар рече дека треба многу поактивно да се разговара за денга треската. „Мораме навистина да ги подготвиме земјите за тоа како ќе се справат со дополнителниот притисок што ќе дојде во иднина во многу големи градови“, додаде Фарар.

Аргентина: Комарци шират денга треска, 40 починати и над 60.000 заразени

Ивона Петрова — Sat, 22 Apr 2023 15:44:47 +0000

Аргентина се соочува со епидемија на денга треска, од која починаа 40 луѓе, а повеќе од 60.000 се заразени, главно во северозападниот дел на земјата. Инфекцијата ја шират комарците од жолта треска, а последната епидемија ја погоди Аргентина во 2020 година, наведува „Би-Би-Си“. Меѓутоа, Министерството за здравство вели дека бројот на случаи со денга почнува да се намалува.

Над 1.000 случаи на Денга треска во Индија

Ивона Петрова — Mon, 25 Oct 2021 10:52:16 +0000

За една година во Њу Делхи има повеќе од 1.000 случаи на треската Денга, од кои 238 се регистрирани само во последната недела, соопшти здравствената корпорација на индискиот главен град. Денга треската е вирусна инфекција која се пренесува со каснување од комарец и е широко распространета во Југоисточна Азија. Според СЗО, не постои посебен третман за неа, а вакцината против неа може да се дава само на луѓе кои веќе ја прележале. Постојат четири серотипови на вирусот, што значи дека едно лице може да се зарази со Денга дури четири пати. Според објавените податоци, од почетокот на оваа година до 23 септември во Њу Делхи се регистрирани 1.006 случаи на болеста, од кои 665 во октомври, кога во главниот град беше регистриран пикот на заболувањата. Според повеќе официјални податоци, најголем број смртни случаи од Денга биле регистрирани во 2015 година, кога таа во главниот град на Индија однела 60 животи. Кон крајот на септември, властите во Индија предупредија 11 држави за можноста од Денга треска и наредија рано дијагностицирање, отворање телефонски линии и проверка на залихите на комплетите за тестирање, инсектициди и лекови.

Денга треска доведува до имунитет против коронавирусот

Ивона Петрова — Tue, 22 Sep 2020 09:01:03 +0000

Луѓето кои имале денга треска најверојатно развиле одреден имунитет на Ковид-19, наведува во проф. Мигел Николелис од Универзитетот „Дјук“ во САД. Американскиот научник во своето истражување открил дека во регионите каде што во последните години е регистрирана голема појава на денга треска, ширењето на коронавирусот е побавно. – Ова неверојатно откритие дава интересна можност за имунолошка вкрстена реакција помеѓу серотиповите на флеговирус на денга и САРС-КоВ-2, рече Николелис. Според него, доколку се потврди оваа хипотеза, луѓето ќе можат да добијат одреден имунитет на Ковид-19 по вакцинацијата против денга.

Во Сингапур се влошува ситуацијата со денга треската

Дарко Андоновски — Tue, 21 Jul 2020 12:08:52 +0000

Во Сингапур дошло до неочекувано ширење на денга треската, а само вчера починале три лица, со што вкупниот број на смртни случаи се зголеми на 19. Досега во земјата се регистрирани 413 активни кластери на болеста, пред се во источните делови на Сингапур. Како што наведуваат локалните власти, ова е шеста последователна недела во која денга треската не се смирува, а досега се регистрирани неколку илјади случаи во оваа мала островска земја. Само минатата недела се регистрирани 1.736 болни. Од јануари со денга треската се заразиле 18.673 лица, што е најлош резултат од 2013 година, кога во текот на целата година биле заразени 22.170 лица. Минатата година од оваа болест починале вкупно 20 лица.

На Централна Америка по пандемијата со Ковид-19 и се заканува денга треска

Тале Кристо — Fri, 24 Apr 2020 12:19:34 +0000

Здравствените системи во земјите од Централна Америка, кои веќе се борат против пандемијата со новиот коронавирус, сега се соочуваат и со закана од епидемија на денга треска поради почеток на сезоната на дождови. Повеќе од 23.000 луѓе се заразиле со денга треската од почетокот на годината во Централна Америка. Минатата година 255 луѓе починале од 192.000 инфицирани со болеста што ја пренесува тигрестиот комарец. Денга треската брзо се шири за време на сезоната на дождови. Во Хондурас од почетокот на годината хоспитализирани се 10.975 луѓе заболени од денга треска, а деветмина починале од последици на вирусот, што предизвикува мачнина, пукање на кожата, слабост, боли во мускулите и главоболка. Во шестте држави од Централна Америка регистирани се над 6.000 заболени лица од Ковид-19, а 200 починале. Само Владата на Никарагва донесе драстични мерки за сузбивање на епидемијата, затворајќи ги границите и воведувајќи изолација на граѓаните.