Денис Шредер – Kurir.mk

Денис Шредер: Леброн сака да игра уште 5-7 сезони и да заврши на 45 години

Ивона Петрова — Mon, 12 Dec 2022 10:48:39 +0000

Плејмејкерот на Лос Анџелес лејкерс, Денис Шредер, во интервју за германските новинари раскажа колку сезони сака да помине неговиот соиграч Леброн Џејмс во НБА-лигата пред да се пензионира. – Леброн ми кажа дека сака да игра уште 5-7 сезони и да заврши на 45 години, рече Шредер. Триесет и седумгодишниот Џејмс ја игра својата 20-та сезона во НБА. Тој започна да игра во лигата во 2003 година. Во тековната сезона Џејмс има просек од 26,2 поени, 8,5 скока, 6,3 асистенции и 1,2 украдени топки по натпревар.

Шредер го повреди палецот, ќе пропушти 3-4 недели

Ивона Петрова — Tue, 18 Oct 2022 07:41:02 +0000

Кошаркарот на Лос Анџелес лејкерс, Денис Шредер ќе пропушти 3 до 4 недели поради повреда на палецот. Лејкерси ќе го започнат регуларниот дел од сезоната во вторник на 18 октомври со гостувањето кај бранителот на титулата Голден стејт. Оваа вонсезона, Шредер потпиша едногодишен договор со Лејкерс вреден 2,64 милиони долари. Германскиот дефанзивец веќе настапуваше за тимот од Лос Анџелес во сезоната 2020/21.

Шредер се враќа во Лос Анџелес лејкерс

Ивана Ефремовски — Sat, 17 Sep 2022 11:11:39 +0000

Германскиот кошаркарски репрезентативец Денис Шредер во новата сезона ќе настапува во НБА лигата, откако се врати во редовите на Лос Анџелес лејкерс. Клубот потврди дека е ставен потпис на соработката без да ги објави деталите од договорот, но менаџерот на Шредер за американските медиуми изјави дека станува збор за едногодишен договор вреден 2.64 милиони долари. Шредер, кој во четвртокот наполни 28 години, настапуваше за Лејкерси во сезоната 2020/21 и тогаш одби продолжување на договорот за уште четири сезони за 84 милиони долари. Германскиот кошаркар потоа потпиша едногодишен договор вреден 5.9 милиони долари со Бостон, по што беше разменет во Хјустон. (МИА)

ФОТО: Шредер се пошегува за изгубениот голем договор

Дарко Андоновски — Thu, 16 Sep 2021 06:54:01 +0000

Кошаркарот на Бостон селтикс, Денис Шредер, се пошегува на неговиот роденден за пропуштањето на големиот договор оваа година. Лос Анџелес лејкерс му понудија на Шредер 84 милиони долари за четири години во текот на сезоната 2020/21, но тој се надеваше дека ќе добие поголеми понуди и ќе може да избере. Во реалноста, тој мораше да се задоволи со 5,9 милиони долари од Бостон. Шредер објави свои фотографии на улица со позадина на скапи автомобили и торби. – Ќе го сторам тоа еднаш! Вметнете ја вашата најдобра шега за правење пари овде … Роденден ми е … ајде да завршиме со тоа и да се вратиме на работа! – напиша кошаркарот на Инстаграм.

View this post on Instagram

A post shared by Dennis Schröder (@ds17_fg)

Шредер нов кошаркар на Бостон

Бошко Тасиќ — Sat, 14 Aug 2021 17:55:30 +0000

Германскиот кошаркар Денис Шредер во новата сезона ќе го носи дресот на Селтикс, објави клубот од Бостон.Дваесет и седумгодишниот Германец им се приклучи на Селтикс како слободен играч. Шредер претходно играше за Лос Анџелес лејкерс. Во сезоната 2020/21, тој имаше просек од 15,4 поени, 3,5 скокови и 5,8 асистенции по натпревар.

Лејкерс го потврди доаѓањето на Шредер

Ивана Ефремовски — Thu, 19 Nov 2020 08:02:27 +0000

Кошаркарот Денис Шредер официјално стана нов играч на Лос Анџелес лејкерс. Во замена за Германецот, Лејкерси во Оклахома го испратија Дени Грин и ги отстапија правата за ангажман на Џејден МекДаниелс. Сезоната 2019/20, Шредер ја заврши со просек од 18,9 поени, 4 асистенции и 3,6 скока по натпревар. (МИА)