Денис Закарија – Kurir.mk

Монако понуди 22 милиони евра за Закарија, Јувентус сака 25 милиони

Ивона Петрова — Thu, 10 Aug 2023 10:42:01 +0000

Монако работи на трансферот на Денис Закарија. Според Фабрицио Романо, францускиот клуб на Јувентус му понудил 22 милиони евра, вклучувајќи бонуси за трансферот на фудбалерот од средниот ред. „Бјанконерите“ сакаат да добијат 25 милиони евра од продажба на играчот. Двете страни се блиску до постигнување договор. Швајцарскиот фудбалер за врска минатата сезона забележа седум настапи во Премиер лигата за Челзи како позајмен играч.

Вест Хем нуди 18 милиони евра за Закарија, Јувентус бара 25

Ивона Петрова — Thu, 06 Jul 2023 10:38:13 +0000

Играчот од средниот ред на Јувентус, Денис Закарија би можел да се пресели во Вест Хем. Лондончани во блиска иднина би требало да понудат околу 18 милиони евра за 26-годишниот швајцарски репрезентативец, додека клубот од Торино бара 25 милиони. Според новинарот Џанлука Ди Марцио страните најверојатно ќе дојдат до компромис следната недела. Јувентус има намера да ги потроши приходите за трансферот на фудбалерот од средниот ред на Лацио, Сергеј Милинковиќ-Савиќ. Закарија минатата сезона ја мина на позајмица во Челзи, постигнувајќи еден гол на 11 натпревари во сите натпреварувања.

Рома го сака и Закарија од Јувентус

Бошко Тасиќ — Sun, 21 Aug 2022 07:10:57 +0000

Рома го сака Денис Закарија, играчот од средниот ред кој пристигна од Борусија Менхенгладбах во јануари оваа година. Трансферот на Швајцарецот би му помогнал и на Јувентус кој сака што поскоро да го реализира доведувањето на Леандро Паредес од ПСЖ. Мурињо нема да има лесна работа, затоа што Закарија наводно го следи и Борусија Дортмунд.

Јувентус не застанува, по Влаховиќ нов играч во Торино

Бошко Тасиќ — Sat, 29 Jan 2022 18:15:40 +0000

Италијанскиот фудбалски тим Јувентус по комплетирањето на трансферот на Душан Влаховиќ сега тргнува и по Денис Закарија од Борусија Менхенгладбах.

Фудбалерот од средниот ред во јуни ќе биде слободен фудбалер, а веќе и јавно објави дека не планира да го продолжи договорот со германскиот тим. Јувентус инсистира да го доведе Швајцарецот уште сега во јануари. Двата клуба се близу до договор, па се чини дека во последните моменти од преодниот рок Закарија ќе го засили Јувентус.