денот на вљубените – Kurir.mk

Дали знаете зошто се прославува денот на вљубените – ова сигурно ќе ве интересира да го прочитате

Дарко Андоновски — Mon, 14 Feb 2022 08:14:28 +0000

Секоја година на 14.февруари се празнува Св.Валентин. Тоа е ден кога и изразуваме љубов на саканата личност, но знаете ли кој е Купид, што се случува кога ќе ве погоди неговата стреличка и зошто воопшто го славиме Св.Валентин? Симбол на Св.Валентин е римскиот бог Купид прикажан со лак и стрела. Се вели дека оној кој ќе биде погоден со неговата стрела, веднаш ќе се заљуби. Овој празник го добил името по светецот Валентин кој живеел во 3.век после Исус Христос. Традицијата на славење Св.Валентин Традицијата на славење на Св.Валентин е најверојатно една од најдолгите во историјата на христијанството. Првите честитки за Св.Валентин датираат од Англија и Шкотска, во раниот среден век, кога постоел обичај на прагот на својата сакана да се остави љубовна порака или честитка украсена со чипка или со некој друг материјал. Во некои земји постоел обичај на девојката да и се подари облека, а ако таа ја задржи облеката, тоа би било знак дека се согласува да го поминете остатокот од животот заедно. Постојат повеќе верзии за настанокот на оваа легенда. Официјалната католичка црква се држи до тоа дека Св.Валентин бил свештеник исцелител (името Валенс на латински значи здрав), заштитник на здравјето. Венчавките тогаш се одржувале некаде околу месецот февруари, кога Св.Валентин бил погубен, за да се навести дека доаѓа пролетта и да се избегне големата гужва за време на Божиќ и Велигден. Оттука е и неговата поврзаност со бракот. Многу од т.н Пагански религии како што се римската и грчката го земале токму месец февруари за да се слави магијата поврзана со бракот или љубовта, па се претпоставува дека тој обичај можеби е преземен од древните религии. Колку е ова вистина, никој не можел да докаже. Свети Валентин – заштитник на празникот на љубовта Најпознатата приказна е онаа во која Св.Валентин се наведува како свештеник кој тајно ги венчавал римските војници и нивните одбранички. Во тоа време римскиот цар Клаудие донел наредба според која ниту еден римски војник не би смеел да се венча, бидејќи тоа би му го одземало вниманието кое требало да го има кон војувањето. Сите морале да ја почитуваат таа одлука, вклучувајќи ги и свештениците. Свештеникот Валентин не ги почитувал тие наредби и почнал тајно да ги венчава младите парови ризикувајќи на овој начин да заврши во затвор и да биде погубен, што на крајот и се случило на 14.февруари, еден ден пред римскиот празник Луперкалија, на Валентин му била отсечена главата. Недолго потоа, од страна на народот тој бил прогласен за светец, а подоцна кога христијанството се зацврстило и кога завршило прогонството, свештенството се одлучило тој датум да се слави како ден на Светиот Валентин. Денот на заљубените денес Како и да е, денот на Светиот Валентин денес е познат низ целиот свет како Ден на заљубените. Веројатно не можете да си замислите ситуација да сте во врска, а на тој ден на саканата личност да не и купите барем некој скромен подарок или пак да организирате заедничка вечера, кино, прошетка или нешто по ваш избор.

Неодолива понуда за Денот на вљубените со myWorld

Ивана Ефремовски — Sat, 12 Feb 2022 11:20:06 +0000

Во пресрет на Денот на вљубените, myWorld подготви многу изненадувања, попусти и промоции за своите лојални членови. Доколку сакате да го изненадите вашиот партнер или партнерка и да им посветите посебно внимание за Денот на вљубените, а истовремено да искористите попуст и да добиете поврат на средства директно на вашата трансакциска сметка, сето тоа можете да го постигнете со myWorld на многу едноставен начин. Потребно е само да го одберете вистинскиот подарок од широкиот асортиман кои го нудат трговските партнери на myWorld заедницата, меѓу кои и одличната промотивна понуда во соработка со Booking.com преку која вие добивате 4% Super Cashback за патувањето на вашата следна долгопосакувана дестинација, додека преку Travel World можете да креирате супер зделки за патувањето или за сместувањето на посакуваната дестинација, за која можете да најдете повеќе информации на страната на Benefit Lounge. Заедно со трговските партнери Цвеќарни Примавера, Занаетчија Барби и Еликсир, myWorld се погрижи да ги добиете најдобрите понуди за Денот на вљубените, со одличната понуда на најпосакуваните парфеми за мажи и жени, најдобрите третмани за лице и тело, како и најуникатните букети. Уживајте во шопингот со myWorld и добијте поврат на средства директно на вашата трансакциска сметка и одреден број шопинг поени (Shopping Points-SP). Прославете го Денот на вљубените со саканите и направете уште едно незаборавно шопинг искуство со myWorld (МАЈВОРЛД).

Не е денот на вљубените – овој датум се смета за најромантичен оваа година, убаво запомнете го за да го прославите

Дарко Андоновски — Thu, 03 Feb 2022 13:47:45 +0000

Календарите ни кажуваат дека најромантичен ден во годината е 14 февруари, но астролозите велат дека не е и дека еден друг датум оваа година е многу поважен за љубовниот живот. Според нив, најромантичниот ден во годината исто така е во февруари, но неколку дена по Денот на вљубените, поточно 16 февруари. Тоа ќе биде најромантичниот ден со оглед на тоа како се поставени планетите, пишува „My Imperfect Life“. Велат дека тогаш Марс е во врска со Венера во Јарец. Апсолутно немаме идеа што значи тоа, но тоа е наводно рецептот за романтика според астролозите. Тоа е денот кога романтиката ќе биде на врвот, па не е лошо да го забележите во календарот и да го тестирате. За некои можеби ќе биде ден кога ќе им се појави некоја нова љубов во животот, кога ќе запознаат некој, кога нивната врска ќе оди едно скалило погоре или кога едноставно ќе се случи нешто убаво за нивниот љубовен живот. Доколку планираш да направиш некој голем љубовен ризик, можеби ова е денот кога ќе можеш да се обидеш тоа да го реализираш, ѕвездите ќе ти бидат наклонети, а кој би му пречела дополнителна среќа.

ФОТО: Изнајмил цел еден аквариум со поглед под морето – еве како Мајкл Б. Џордан го прослави Денот на вљубените со својата девојка

Магдалена Андонова — Tue, 16 Feb 2021 08:31:26 +0000

Глумецот Мајкл Б. Џордан и Лори Харви го прославија Свети Валентин со поглед под морето. Имено, тој изнајмил цел еден аквариум за неговата девојка и помлада колешка за Денот на вљубените. Лори се пофали со тоа преку „Приказните“ на Инстаграм. „Мојот најмил изнајми цел аквариум за да можеме да направиме приватна обиколка и да ги видиме желките, а потоа влеговме во ова…“, напиша таа споделувајќи видео од тунел украсен со цветни ливчиња и свеќи. На друго видео, Лори ја покажа и вечера, којашто вклучува огромни букети рози, повторно свеќи и оброк од луксузниот јапонски ресторан „Нобу“ во САД. Потоа следеше и романтичната постела. Ова е нивниот прв Ден на вљубените заедно. (МИА)

ВИДЕО: Доби необичен подарок за Денот на вљубените- што се случува кога мажот лајкува други жени на Инстаграм

Дарко Андоновски — Mon, 15 Feb 2021 15:06:30 +0000

Корисничка сподели видео на Тик Ток во кое на својот избраник му подари исклучително необичен подарок за Денот на вљубените. Имено, таа ги фотографирала сите девојки кои нејзиниот сопруг ги „лајкувал“ на Инстаграм и му подарил подарок. Видеото доби неверојатни 2.800.000 лајкови и над 200.000 споделувања, а коментарите беа различни, но во најголем дел доминираа женски коментари велеќи дека подарокот е одличен и дека сигурно ќе му се допадне.

@gr93laWhat did you gets get your man for Valentine’s Day ?😁 #fyp #valentinesday #messytiktok #couplegoals #crazy #fypシ ♬ Bust Your Windows - Glee Cast

На друго видео, таа исто така ја покажа реакцијата на нејзиниот сопруг, пишувајќи дека тој има смисла за хумор.

@gr93laI have a sense of humor with my man! I don’t know about y’all but I thought this was the perfect gift 🤣 He loved it 😘 #gorgeousgirls #fyp #joke ♬ original sound - Gloria

Откако момчето и го подарило ова за денот на вљубените, пејачката му раскинала: Младеновиќ во секси издание сама во спалната соба

Дарко Андоновски — Mon, 15 Feb 2021 10:13:47 +0000

Српската пејачка Александра Младеновиќ по повод денот на вљубените објави никогаш попровокативна фотографија на својот Инстаграм профил. Пејачката која очигледно и овој Валентајн го прослави сама, неодамна откри и една анегдота од својот љубовен живот. Инаку во тинејџерските денови за денот на љубовта нејзиното момче и приредило изненадување, а потоа таа му соопштила дека донела одлука да раскинат.

View this post on Instagram

A post shared by Aleksandra Mladenovic (@aleksandra_mladenovic_)

„Се сеќавам дека бев средно училиште и раскинав со момчето на денот на вљубените. Тоа беше во втора година средно и многу кратко бев со него. И денес се сеќавам на тие сцени кога момчето ми подари големо мече, а потоа му соопштив дека раскинуваме“, се присети Младеновиќ.

View this post on Instagram

A post shared by Aleksandra Mladenovic (@aleksandra_mladenovic_)

Инаку таа вчера по повод денот на вљубените објави никогаш попровокативна фотографија од спалната соба, погледнете.

View this post on Instagram

A post shared by Aleksandra Mladenovic (@aleksandra_mladenovic_)

Објави гола фотографија за денот на вљубените и конечно откри дали е сама- сите зборуваат за Северина и нејзината искреност

Дарко Андоновски — Sun, 14 Feb 2021 13:18:12 +0000

Хрватската пејачка Северна Којиќ веќе со месеци не живее заедно со својот сопруг Игор Којиќ откако минатата година го напушти неговиот дом и се врати во Хрватска. Двајцата досега се немаат огласено во јавноста во однос на нивниот брак, а многумина очекуваа и овие празници тие да ги поминат заедно. За жал освен новогодишните и божиќните празници, Северина е сама и за денот на вљубените, а по тој повод и се огласи на својот Инстаграм профил споделувајќи фотографија. -Тој преубав празник на љубовта кој нас сите кога тогаш не има мачено, а некои особено сега. Не можеме во ресторани, кафулиња, од страв ни кај козметичарите не ми се иде, а не да прославувам, кратко се огласи пејачката, во постот таа сопругот не го спомена, а со ова на фановите веднаш им стана јасно за нивниот однос со Игор.

View this post on Instagram

A post shared by Severina (@severina)

Брза торта за Денот на вљубените: Најслаткиот начин да покажете љубов!

Дарко Андоновски — Sun, 14 Feb 2021 12:41:15 +0000

Доколку сè уште не знаете како да го изненадите вашиот сакан, или сакана, за Денот на вљубените, ви носиме одличен предлог! Состојки: - 8 јајца - 11 лажици брашно - 1 прашак за пециво - 1 ванилен шеќер - 1 дл. млеко - 0,5 дл. масло - рендана кора од портокал За фил: - 2 пудинга од јагода - 1 дл. млеко за матење на пудингот - 500 мл. млеко за варење на пудингот - половина маргарин - шлаг - по желба и 1 лажица екстракт од јагода Подготовка: Направете бисквит за тортата, така што ќе ги изматите жолчките и шеќерот, после тоа додадете го маслото и млекото, добро соединете, па додадете го брашното, прашакот за пециво, ванилниот шеќер и ренданата кора од портокал. Кога смесата ќе се соедини додадете ги изматените белки. Кората печете ја 20 минути на 200 степени во калап во облик на срце. Кога кората ќе се испече, пресечете ја така што ќе добиете две кори. Изматете ги двата пудинга од јагода и варете во половина литар млеко. Кога ќе се олади доадете половина маргарин и исфилувајте ја тортата. Изматете го шлагот, во кој може да додадете екстракт од јагода за да добиете црвена боја. Тортата можете да ја украсите и со цели јагоди или малини, или само со шлаг, како што вам најмногу ви се допаѓа.

Првата дама на САД направи голема промена во Белата куќа за денот на вљубените, ова ниту Меланија не го има сторено за Трамп (ФОТО)

Дарко Андоновски — Fri, 12 Feb 2021 17:38:13 +0000

Првата дама на САД Џил Бајден утрово поставила специјално уметничко дело по повод денот на вљубените. Како што јавува АП претседателот на САД утрово заедно со сопругата излегол во дворот за да ги види овие живописни уметнички дела. На огромните срциња пишува „заедно“, „добро“, „храброст“, додека на едно од срцињата пишува „со љубов, Џил“. Претседателот Џо инаку за медиумите открил дека денот на вљубените инаку бил омилен празник на неговата сопруга, додека таа изјавила дека поради пандемијата имало многу луѓе несреќни, а таа на овој начин сакала да им го разубави денот на многумина.

Хороскоп за денот на вљубените: Овој знак судено му е сам да го помине денот, а овие знаци ќе уживаат во љубовта

Дарко Андоновски — Wed, 10 Feb 2021 12:52:26 +0000

Овен Ова ќе биде вистински ден на љубов кон вас. Важна личност за вас ќе ви покаже колку и значите . Ова ќе биде добро за вашата самодоверба, но исто така ќе бара активности што ќе одговараат на неговата / неговиот поим. Бик Очекувајте добри вести на љубовниот фронт. Сепак, не постои очекување на новина. Не брзајте. Ограничете ја вашата љубопитност на умерени прашања, но без премин на границите. Близнаци На денот на вљубените бидете повеќе љубезни, не си дозволувајте забелешки. Во вечерните часови ќе ви треба пријателски совет, но вашите зборови во утринските часови може да стават ѕид помеѓу вас и вашиот партнер. Само твоите акции можат да го уништат. Рак Вашиот најголем шарм ќе биде вашето трпение и толеранција. Постапувајте едно по едно , и до крајот на денот ќе бидете изненадени од тоа колку сте постигнале. Вечерта твојот брачен другар ќе ве изненади со убави вести. Лав Следува голема прослава на Денот на вљубените. Во последно време сте го занемариле вашиот партнер, па сега мора да бидете екстремно инспирирани. Земете го потребното внимание и не правете толку долго пауза во вашата комуникација. Девица Во прилог на празникот на вљубените, добро е да помислите и на вашето здравје. Во работата одложување на некои состаноци може да биде знак дека сега не е нивното време, не жалете за ништо. Вага Ќе научите важни информации што ќе ви помогнат да решите лично прашање со кое многумина пред вас не успеале да се справат. Немојте да го превидувате празникот и дајте си романтична вечера со вашиот партнер. Шкорпија На денот на вљубените ќе се изненадите. Но, не грижете се за предрасудите ако сакате добро да ги знаете работите. Се што ќе научите денес сигурно ќе ви користи во иднина. Стрелец Ќе биде добар ден за затворање на одложувањата и за започнување на нови предизвици. Имате шанса да завршите со работа два дена порано, но само ако не сте одвлечени од странични активности. Јарец Немојте да сте скептични во врска со романтичните иницијативи на вашиот партнер. Стиснете ги забите и обидете се да ги издржите своите обиди да ви покаже колку таа ве сака. Обидете се да го кажете истото. Водолија Овој ден нема да ве разочара, ниту во работата ниту во личностите. Ќе го имате вашиот одмор. Треба само да ја покажете својата желба за развој и за постигнување на нови врвови. Риби Ќе имате супер романтичен ден. Пристапете со смисла за хумор и обидете се да бидете нежни кон партнерот кој ве сака повеќе од се.