Денвер нагетс – Kurir.mk

Денвер Нагетс го продолжи договорот со Крис Браун

Бошко Тасиќ — Thu, 12 Oct 2023 04:09:22 +0000

Актуелниот НБА шампион Деневер Нагетс го продолжи договорот со Кристијан Браун, кој минатата сезона се прикажа во одлично светло и даде значаен придонес во освојувањето на првата шампионска титула. Браун во својата прва сезона имаше солиден просек, а особено беше добар во плеј-оф серијата, кога Денвер успеа да стигне до историската прва титула. Новата соработка предвидува Браун да остане во Колорадо уште најмалку две сезони, со опција за продолжување на договорот за уште две години. Играчот многу бргу влезе во легендите на лигата, затоа што во својата прва сезона меѓу професионалците успеа да стигне до шампионски прстен, а исто така триумфираше и во НЦАА лигата пред само две години.

Никола Јокиќ не го интересира НБА лигата

Бошко Тасиќ — Mon, 25 Sep 2023 04:06:42 +0000

Српскиот центар Никола Јокиќ го предводеше Денвер Нагетс до шампионскиот прстен минатата сезона во НБА лигата, со што докажа дека моментално е најдобриот на светот. Неговиот поранешен соиграч – 31-годишниот бек Остин Риверс, зборуваше за тоа колку долго Јокиќ ќе игра во најсилната кошаркарска лига во светот. Риверс гостуваше во популарниот подкаст што го води новинарот Бил Симонс, па му го поставија прашањето – има ли шанси Јокиќ да биде во лигата на 39 години и да има маргинална улога? -Не, нема шанси, изјави Риверс, кој беше соиграч на Јокиќ во сезоната 2021/2022. -Мислам дека тој само ќе се откаже во одреден момент, како Бери Сандерс во НФЛ. Мислам дека ќе игра уште 5-6 сезони. Има 28 години, а мислам дека нема да игра повеќе од 34 години. Можеби до 35. Мислам дека тогаш ќе оди во Србија и нема да се врати во САД. Едноставно не го гледам да игра во НБА како 39-годишник, изјави синот на познатиот тренер Док Риверс.

Никола Јокиќ наскоро ќе стане најплатен кошаркар во историјата на НБА-лигата

Бошко Тасиќ — Sat, 29 Jul 2023 06:33:46 +0000

Според новинарот на Би-Би-Си Курт Хелин Јокиќ во 2026 година, може да потпише договор вреден дури 404 милиони долари. „Никола Јокиќ веројатно е најдобриот кошаркар на светот и минатата година потпиша нов договор со Денвер вреден 274 милиони долари. Сепак, благодарение на клаузулата која ја има во договорот, до 2026 година би можел да го потпише првиот договор во НБА-лигата кој ќе биде вреден 400 милиони долари. Поточно, Јокиќ може да добие 404 милиони долари за пет години и тие пари би ги добил без разлика дали ќе освои нова шампионска титула или повторно ќе биде прогласен за МВП на лигата. Тој кога ќе го потпишува следниот договор ќе има поминато повеќе од 10 години во НБА и ќе се квалификува да добие ваков договор“, напиша Хелин.

Нови договори за двајца кошаркари на Денвер Нагетс

Бошко Тасиќ — Mon, 03 Jul 2023 06:22:33 +0000

Ветеранот Диандре Џордан и бекот Реџи Џексон ги продолжија своите договори со актуелниот НБА-шампион, Денвер Нагетс. Тимот кој 45 години чекаше на титулата, се обидува да задржи голем дел од играчите што го вивнаа клубот во најголемите височини и активно работи на комплетирање на ростерот за следната сезона. Џордан потпишува договор на уште една сезона, најверојатно за таканаречениот „ветерански минимум“, додека Џексон се обврза на двегодишна соработка која му гарантира плата од 10,5 милиони евра.

Мистер трипл-дабл Никола Јокиќ за водство на Денвер во големото НБА финале (ВИДЕО)

Бошко Тасиќ — Fri, 02 Jun 2023 06:06:22 +0000

Со историски деветти трипл-дабл учинок во плејофот сезонава, Никола Јокиќ ги водеше Нагетси до триумф во првиот меч од големото финале на НБА 104:93 против Мајами. Денвер има силна победничка низа во плејофот со неверојатни 9/9 победи. Двократниот МВП на НБА го заврши мечот со Мајами Хит со 27 поени, 10 скока и 14 асистенции. Го следеа Џамал Мареј со одличен учинок од 26 поени, Гордон со 16, Портер со 14 поени и 13 скока а Браун 10 поени. Кај гостите од Мајами кои и вториот меч ќе го играат во арената на Денвер, Бам Адебајо уфрли 26 поени со 13 скока и пет асистенции, а Џими Батлер имаше слаба шутерска вечер со само 13 поени. https://www.youtube.com/watch?v=zgasQ35rG08&embeds_referring_euri=https%3A%2F%2Foff.net.mk%2F&source_ve_path=MjM4NTE&feature=emb_title

НБА: Нов триумф на Денвер кој сега води со 3-0 во финалето на Западот (ВИДЕО)

Бошко Тасиќ — Sun, 21 May 2023 06:21:08 +0000

Џамал Мареј и Никола Јокиќ го однесоа Денвер нагетс на еден чекор од првото големо финале во својата клупска историја. Нагетси ноќеска славеа во Лос Анџелес против Лејкерс со 119-108 и сега водат со 3-0 во финалето од Западот и се на една победа пред пласман в големото финале. Мареј со 37 поени беше прв стрелец на Денвер, а Јокиќ постигна 24 поени имаше осум асистеции и шест скока. https://www.youtube.com/watch?v=dP2iRG2X1Tk&embeds_referring_euri=https%3A%2F%2Fsportmedia.mk%2F&source_ve_path=MjM4NTE&feature=emb_title

По новиот пораз на Денвер Јокиќ самокритичен: Мора да бидеме загрижени

Бошко Тасиќ — Sun, 19 Mar 2023 07:15:10 +0000

Тимот на Денвер Нагетс е еден од најголемите фаворити за освојување на шампионскиот прстен во НБА Лигата оваа сезона, но последните резултати може да донесат мала дестабилизација. Денвер има пет порази на последните шест средби, и иако тоа не им промени многу кога станува збор за табелата на Западот каде се уште го држат првото месото, јасно е дека треба да постои мала загриженост за во иднина. Никола Јокиќ, најдобриот кошаркар на клубот кој по поразот од Њујорк Никс (116:110) истакна дека целиот тим, почнувајќи од него мора да биде подобар. – Така е како што е, мора да бидеме загрижени. Мора да се обидеме да го добиеме следниот натпревар. Јас прв треба да се подобрам во скокот, а потоа и сите останати. Дури и да ги натеравме да промашуваат, не скокавме воопшто и тие имаа многу лесни поени. Имаа 15 скокови во напад, а тоа е многу, тоа се 15 шанси повторно да дадат кош, -изјави Јокиќ по поразот во Њујорк.

Никола Јокиќ се повреди пред стартот на новата сезона во НБА

Бошко Тасиќ — Sat, 08 Oct 2022 04:48:37 +0000

Најдобриот српски кошаркар, Никола Јокиќ, се повреди пред почетокот на новата сезона во НБА. На претсезонскиот натпревар против Оклахома, тој го повреди зглобот на десната рака и сега сите во клубот се загрижени. Поради ова, тој не тренираше со тимот на Денвер. Тренерот Мајкл Мелоун објасни дека зглобот го мачи Никола и мора да донесат паметни одлуки за тоа. Во текот на подготовките, Денвер ќе одигра уште четири натпревари, прво против Чикаго, а потоа против Феникс, Лос Анџелес клиперс и Голден стејт.Денвер ја започнува новата сезона во НБА со натпреварот против Јута (20 октомври). Но, додека повредата на двократниот МВП-играч во НБА ги загрижува, она што, секако, ги радува навивачите е враќањето на Џамал Мареј и на Мајкл Портер Јуниор. Двајца играчи кои во следната сезона, заедно со Никола, треба да бидат предводници на тимот.

Јокиќ стави потпис на рекордниот договор со Денвер

Бошко Тасиќ — Sat, 09 Jul 2022 05:40:45 +0000

Српскиот кошаркар Никола Јокиќ ќе го продолжи договорот со Денвер Нагетс, а со сумата предвидена за него е поставен и нов НБА рекорд. Српскиот центар ќе добие рекордни 270 милиони американски долари за наредните пет сезони, со што Денвер максимално го награди двократниот МВП на лигата. Денеска договорот и официјално е потпишан, нешто што го објави агентот Мишко Ражнатовиќ.Јокиќ заслужено ќе го одработува новиот договор од сезоната 2023/24, а најмногу би заработил од последната сезона.

Јокиќ потпишува нов договор со Денвер вреден 260 милиони долари

Бошко Тасиќ — Sat, 28 May 2022 05:12:38 +0000

Новинарот на „Атлетик“ Шемс Чарани денеска откри дека кошаркарот на Денвер Нагетс Никола Јокиќ постигнал договор со челниците на Денвер и дека во јули ќе потпише „супермакс“ договор на пет години. Тој договор ќе биде вреден 260 милиони долари, а доколку Јокиќ го потпише ќе стане најплатениот играч во историјата на НБА лигата Јасно е дека станува збор за понуда која не се одбива, Останува „само“ на Нагетс да формираат засилен тим заедно со Јокиќ, способен да се бори за титулата.