денвер – Kurir.mk

НБА: Денвер прв пат во историјата во големото финале

Тале Кристо — Tue, 23 May 2023 07:40:23 +0000

Кошаркарите на Денвер се пласираа во големото финале од разигрувањето за титулата во НБА лигата, откако синоќа во четвртиот натпревар од финалната серија во Западната конференција триумфираа на гостински терен против Лос Анџелес лејкерс со 113-111. Победничкиот кош за Денвер го постигна српскиот кошаркар Никола Јокиќ на 51.7 секунди пред крајот на натпреварот, а Лејкерси во следните два напади не успеаја да реализираат преку Леброн Џејмс. Јокиќ го заврши натпреварот со трипл-дабл ефект (30 поени, 14 скокови, 13 асистенции), што беше негов осми во плејофот, соборувајќи го рекордот на Вилт Чембрлен од 1967 година. За Денвер ова беше шести последователен плејоф триумф оваа сезона, а финалната серија на Западот ја комплетираа со максимални 4-0 во победи. Денвер прв пат во клупската историја ќе игра во големото финале во кое за противник ќе го има поуспешниот од финалната серија на Истокот меѓу Мајами и Бостон. Мајами води со 3-0 во серијата до четири победи. Финалната серија ќе стартува ноќта меѓу 1 и 2 јуни.

Никола Јокиќ мина со парична казна, ќе игра на петтиот натпревар против Феникс

Бошко Тасиќ — Tue, 09 May 2023 04:25:11 +0000

Српскиот кошаркар Никола Јокиќ нема да биде суспендиран поради конфликтот со сопственикот на Феникс, Мет Ишбија и ќе игра за Денвер во петтиот натпревар од полуфиналето на плеј-офот на Западната конференција на НБА лигата. Топката беше надвор од теренот, во првите редови на публиката, а Јокиќ тргна да ја земе за побргу да изведе. Топката ја држеше првиот човек на Феникс, Мат Ишбиа, па Србинот во обид да му ја одземе и го оттурна. Според пропозициите, Јокиќ прекрши правила, бидејќи правилникот забранува излетување на кошаркар од теренот во публика, ако причината не е случајна, како што сега беше битка за топка. Јокиќ ќе плати казна од 25.000 долари, како санкција за неспортскиот потег. Петтиот натпревар се игра во Денвер во ноќта меѓу вторник и среда. Моменталниот скор е 2-2.

НБА: Денвер поведе со 1-0 против Феникс во полуфиналето на Западот

Бошко Тасиќ — Sun, 30 Apr 2023 08:35:08 +0000

Денвер оствари сигурна победа над Феникс (125:107) и на посакуван начин ја отвори полуфиналната серија од „западната страна“ на НБА плејофот. Мари и Јокиќ го предводеа својот тим до важен триумф на домашен терен, а победата беше најавена по одличниот втор период, по кој Нагетс заминаа на полувреме со предност од 17 поени. Феникс се обиде да се приближи резултатски во третиот период, но откако не успеа да фати резултатски приклучок, во завршниот период имаше негатива и до 25 поени, со што противникот рутински поведе во серијата. Мари постигнал 34 поени, Јокиќ забележал дабл-дабл со 24 поени и 19 скокови, а одлична поддршка добиле и од Гордон кој го завршил дуелот со 23 поени. Букер со 29 и Дурент со 27 поени очекувано се истакнале во редовите на Феникс, но „сонцата“ ќе мора да се потрудат повеќе на вториот дуел против екипата која имаше најдобар резултат на Западот во регуларниот дел од сезоната.

НБА: Јокиќ го потпиша најбогатиот договор во историјата

Ивона Петрова — Fri, 01 Jul 2022 09:04:33 +0000

Двократниот најкорисен играч (МВП) во американската професионална кошаркарска НБА лига Никола Јокиќ (27) договори продолжување на соработката со Денвер, а за петгодишната верност од 2023 до 2028 година ќе инкасира рекордни 264 милиони долари. Петгодишниот договор, кој српскиот кошаркар го постигна со Денвер, е најбогат во историјата на НБА лигата. Јокиќ дојде во Денвер во 205 година како 41 избор на драфтот и се профилираше во еден од најсестраните играчи во НБА. Минатата сезона стана прв играч во историјата кој успеал да оствари повеќе од 2.000 кошеви, 1.000 скокови и 500 асистенции. Со договорените 264 милиони долари Јокиќ го надмина петгодишниот договор вреден 251 милиони долари, кој само неколку часа претходно го потпиша Бредли Бил (29) со НБА лигашот Вашингтон.

Медиуми: Втора МВП награда за Јокиќ

Ивана Ефремовски — Mon, 09 May 2022 15:02:28 +0000

Српскиот центар во редовите на Денвер, Никола Јокиќ, втора година по ред ќе ја освои наградата за најкорисен играч (МВП) во НБА лигата. Информацијата денеска на својот Твитер профил ја објави инсајдерот на НБА, Адријан Војнаровски, кој наведе дека одлуката официјално ќе биде објавена до крајот на оваа недела. Јокиќ (27) сезонава има просек од 27. 1 поени, 13.8 скокови и 7.9 асистенции по натпревар. Српскиот центар ќе биде шестиот кошаркар во 21. век кој два пати едноподруго ја освојува МВП наградата во НБА лигата, по Јанис Антетокумпо, Стеф Кари, Леброн Џејмс (два пати по две низи), Стив Неш и Тим Данкан. (МИА)

НБА: Малон останува на клупата на Денвер

Дарко Андоновски — Fri, 25 Mar 2022 15:37:36 +0000

НБА лигашот Денвер ја продолжи соработката со тренерот Карл Малон, јавија американските медиуми, наведувајќи дека двете страни потпишале „повеќегодишен“ договор, без да го прецизираат неговото времетраење. Малон (50) седи на клупата на Денвер од 2015 година и ја водеше екипата до финалето во Западната конференција во 2020, како и до две полуфиналиња на Западот во 2019 и 2021 година. Сезонава Денвер во моментов е на шестото место на Западот со ефект од 43 победи и 30 порази, иако игра без својот најдобар дефанзивец Џамал Мареј, кој во април лани ги скина вкрстените лигаменти на левото колено.

Вооружен инцидент во Денвер, убиени четири лица

Тале Кристо — Tue, 28 Dec 2021 08:12:41 +0000

Вооружен напаѓач уби четири лица и рани еден полицаец и уште двајца цивили во реонот на Денвер, главниот град на американската сојузна држава Колорадо, соопшти локалната полиција. „Осомничениот почина по размена на оган со полицијата“, се вели во соопштението на полицијата во предградието на Денвер, Лејквуд. Престрелките во областа Денвер се случиле на различни локации и завршија со ликвидација на напаѓачот, потврдија локалните власти. – Дивеењето започнало вчера околу 17 часот кога неидентификуван напаѓач застрела и уби две жени и рани еден маж во близина на центарот на Денвер. Осомничениот потоа побегнал со автомобил и уби маж во областа Чизман Парк во источниот дел на Денвер, пред повторно да почне да пука во населбата на западниот дел на градот каде никој не е погоден, изјави началникот на полицијата Пол Пазен. Осомничениот двапати пукал од своето возило кон полицајците од Денвер кои го бркале, при што успеал да го онеспособи полицискиот автомобил, а потоа се упатил кон соседниот град Лејквуд, каде го убил четвртото лице. – Потоа побегнал пеш во хотел каде ранил службеник на хотелот, потврди портпаролот на полицијата во Лејквуд, Џон Ромеро, додавајќи дека осомничениот пукал и кон полицајците и ранил еден од нив пред полицијата да успее да го убие. Ромеро рече дека засега нема информации за состојбата на ранетиот полицаец и цивилите.

Јокиќ: Направив глупав потег, се срамам

Ивана Ефремовски — Tue, 09 Nov 2021 08:59:31 +0000

Центарот на Денвер, Никола Јокиќ се извини за инцидентот со членот на Мајами хит, Маркиф Морис за време на натпреварот одигран ноќеска. Јокиќ го удри противничкиот кошаркар од зад грб и беше исклучен. -Тоа беше глупав чин. Се срамам. Жал ми е што се случи. Играа валкано против мене, морав да се бранам, но не требаше така да реагирам. Сè се случи во момент на емоции, истакна Јокиќ. За потсетување, Морис намерно го фаулираше Јокиќ во центарот на теренот, по што Србинот, како одговор, го удри силно во грбот. Американецот заврши на подот, по што на носилки беше изнесен од теренот. Од Мајами соопштија дека напаѓачот има повреда на вратот. Двајцата играчи добија втор степен неспортска грешка и беа исклучени. (МИА)

НБА: Рекорден ефект сезонава на Јокиќ, без хепиенд за Денвер

Тале Кристо — Thu, 04 Nov 2021 08:06:32 +0000

Кошаркарите на Мемфис го надиграа Денвер синоќа на домашен терен (108-106) во натпревар во кој Србинот Никола Јокиќ уфрли 34 поени за гостинскиот тим, но го промаши последниот обид да му донесе продолжение на својот тим. Српскиот центар го одигра најефикасниот натпревар во оваа сезона, додавајќи 11 скокови, пет асистенции и две украдени топки, но на крајот не успеа да му помогне на својот тим да избегне пораз. Најефикасен во редовите на Мемфис беше Џексон со 22 поени. Резултати од натпреварите во НБА лигата одиграни ноќта меѓу средата и четврток: Минесота – Лос Анџелес клиперс 115-126 Кливленд – Портланд 107-104 Индијана- Њујорк 111-98 Орландо – Бостон 79-92 Филаделфија – Чикаго 103-98 Вашингтон – Торонто 100-109 Бруклин – Атланта 11-108 Мемфис – Денвер 108-106 Сан Антонио – Далас 108-109 Голден Стејт – Шарлот 114-92 Сакраменто – Њу Орлеанс 112-99.

Џамал Мареј испиша историја во НБА

Ивана Ефремовски — Sat, 20 Feb 2021 09:30:54 +0000

Кошаркарите на Денвер триумфираа синоќа на гостински терен против Кливленд со 120:103, предводени од одличниот Џамал Мареј, кој имаше ноќ за паметење во НБА лигата. Канаѓанецот придонесе во триумфот на Денвер со 50 поени, станувајќи прв кошаркар во историјата на Лигата, кој стигнал до таа бројка, со процент на реализација од 80 отсто во обидите за тројки и од линијата за слободни фрлања. Резултати во НБА од ноќта меѓу петокот и сабота: Орландо – Голден Стејт 124:120 Кливленд – Денвер 103:120 Филаделфија – Чикаго 112:105 Бостон – Атланта 121 :109 Мемфис – Детроит 109 :95 Милвоки – Оклахома 98:95 Њу Орлеанс – Феникс 114 :132 Минесота – Торонто 81:86 ЛА Клиперс – Јута 116:112. (МИА)