Дерби Каунти – Kurir.mk

Дерби Каунти е пред згаснување

Бошко Тасиќ — Sat, 18 Sep 2021 06:56:14 +0000

Англискиот фудбалски тим Дерби Каунти се наоѓа во огромни проблеми, кои доколку не ги реши, клубот ќе престане да работи по цели 137 години. Еден од најстарите тимови во Англија, во моментов се наоѓа во Чемпионшип лигата, и е казнет од страна на ФА со 100 илјади фунти поради лошо водење на сметките од 2016 до 2018 година. А сега поради тоа, им се заканува одземање на 12 бодови, и ако не се средат работите наввремено, тимот ќе мора да оди под стечај. Актуелен тренер на Дерби Каунти е Вејн Руни, а во моментов екипата се наоѓа на 16. место во Чемпионшип лигата со седум освоени бодови од исто толку средби. Газдата на Дерби, Мел Морис од 2019 година се обидува да го продаде клубот, и покрај тоа што имааше заинтересирани страни, до договор не дојде.

Солскјер: Сите го сакаат Руни

Ивона Петрова — Fri, 06 Mar 2020 08:06:58 +0000

Менаџерот на Манчестер Јунајтед, Оле Гунар Солскјер зборуваше по победата од 3: 0 над Дерби Каунти во осминафиналето на ФА Купот. Дуелот ќе биде запаметен и по тоа што против „црвените ѓаволи“ се исправи поранешниот напаѓач Вејн Руни, кој играше на „Олд Трафорд“ помеѓу 2004 и 2017 година. – Сите го сакаат Руни. Навивачите ценат сé што направи за Јунајтед. Тој беше добар денес, покажа класа, иако премногу долго ја држеше топката. Што се однесува до нашата игра – денес не се чувствував како да имавме лесна победа, иако резултатот 3-0 вели поинаку. На моменти бевме сериозно загрижени. Не можам да кажам дека ми се допаѓаше нашата игра пред да бидат постигнати двата гола. Ние сè уште имаме многу повредени офанзивни и денес (вчера) имавме среќа што Игало имаше свој ден, прокоментира Норвежанецот. Во дуелот против Дерби Каунти, Одион Игало (41′, 70′) постигна два гола во својот прв дуел како стартер, а пред него беше прецизен Лук Шоу (33 ‘). Следниот ривал на Јунајтед е Норвич.

Руни во четврток ќе дебитира за Дерби

Ивона Петрова — Tue, 31 Dec 2019 10:37:49 +0000

Стрелецот број еден во историјата на Англија и Манчестер Јунајтед, Вејн Руни, во четврток ќе го направи своето деби за неговиот нов клуб, Дерби Каунти, откри менаџерот на „овните“, Филип Коку. 34-годишниот Руни ја презеде улогата на помошник тренер во тимот од Чемпионшип дивизијата кон крајот на минатиот месец, но немаше право да игра пред да се отвори јануарскиот преоден рок. Сепак, тој ќе биде на линија за натпреварот со Барнсли на 2 јануари. – Кога имате играч со квалитети, кариера и искуство на Руни, мора да бидете многу среќни. Тој е фит и може да биде стартер, но ќе му требаат неколку натпревари. Очекувањата за него ќе бидат големи, но треба да му дадеме неколку натпревари за да влезе во ритам и да се навикне на своите соиграчи. Тој можеби нема да биде совршен од почеток, но важно е тој да се приклучи на тимот што е можно поскоро, прокоментира Коку по вчерашната победа од 2:1 над Чарлтон Атлетик, која го остави Дерби на девет поени над зоната за испаѓање и подеднакво од местата кои се квалификуваат за плеј-офот. Вејн Руни ќе стане најскапиот фудбалер во историјата на Чемпионшип, добивајќи сто илјади фунти неделно од спонзорот од „32Ред“.