дерби – Kurir.mk

Дерби на денот: Еквадор и Сенегал сакаат во нокат фазата, но има само еден билет

Ристе Здравков — Tue, 29 Nov 2022 14:13:25 +0000

Денес започнуваат натпреварите од последното коло во групната фаза на Мундијалот и расплетот во Групата А. Двата меча се играат во исто време, а Еквадор и Сенегал во директен дуел ќе одлучуваат за место во нокаут фазата. Еквадор после првите две кола има четири бода, додека Сенегал има 3 бода, па ова е директен дуел за пласман во нокаут фазата. На репрезентацијата од Јужна Америка потребно и е реми, додека Сенегал мора да победи за да оди понатаму. На Еквадор му е доволен и бод Селекцијата на Еквадор пријатно ги изненади љубителите на фудбалот со начинот на кој игра на ова Светско првенство. Во првото коло беа супериорни над домаќинот Катар, додека против фаворитот Холандија одиграа реми, но лесно можеа да дојдат до победа. Бодот кој го освоија против „лалињата“ ги доведе во ситуација да му биде доволно и реми на овој меч, иако веруваме дека ќе одат на победа за потенцијално прво место во групата. За жал на тој дуел се повреди првата ѕвезда Енер Валенсија, па неговиот настап вечерва ќе биде под знак прашалник. Исто како и во квалификациите Еквадор покажа дека е многу тврда екипа со организирана одбрана која тешко прима голови. Меѓутоа, на овој меч не треба да калкулираат и да одат на реми бидејќи тоа може да им се одби од глава со оглед на фактот дека Сенегал покажа дека може да биде незгоден противник. Покрај Валенсија, овој дуел сигурно ќе го пропушти и фудбалерот на ЛА Галакси, Мендес, кој доби втор жолт картон против Холандија. Сенегал сака да покаже зошто е шампион на Африка Сенегал иако без првата ѕвезда, Садио Мане, сепак покажа дека има одличен тим и не е случајно шампион на Африка. Во првиот меч против Холандија играа одлично и паднаа дури во финишот, додека против Катар победија без поголеми проблеми. Сепак, Сенегал ќе мора да победи на овој меч доколку сака да оди во нокаут фазата, бидејќи не им е доволно реми. Тоа не значи дека Африканците безглаво ќе тргнат да го напаѓаат Еквадор, бидејќи покажаа дека имаат искусни поединци и се добро организирани. Сепак, доколку не дојдат до предност во првото полувреме во вториот дел ќе мора да ризикуваат повеќе, а тоа може да го казни Еквадор. Што се однесува до повредите, селекторот Сисе за овој дуел сигурно нема да може да смета на фудбалерот на Милан, Бало Туре, додека под знак прашалник е и Куате, кој одигра одлично против Холандија и токму со негово излегување следуваше падот на играта. Очекување Со оглед дека ова е натпревар со голем влог очекуваме тврд меч и внимателна игра на двете репрезентации. Сепак во последната третина од мечот ќе мора да има разврска и дуелот сигурно ќе се реши во тој период, бидејќи Сенегал ќе мора да ризикува, а Еквадор може да го казни тоа.

Арсенал му даде четири гола на Челси и го доби лондонското дерби (ВИДЕО)

Ристе Здравков — Wed, 20 Apr 2022 21:04:05 +0000

Арсенал ја прекина серијата порази и тоа на Стемфорд Бриџ каде го совлада Челси со 4-2, Манчестер Сити со убедливи 3-0 беше подобар од Брајтон и се врати на врвот во Премиерлигата. Арсенал беше во очајна форма, па Челси влезе како фаворит во лондонското дерби, но топчиите ги освоија трите бода. Нектија во 13. минута донесе водство за Арсенал од 1-0, но само четири минути подоцна Тимо Вернер го изедначи резултатот на 1-1. Во 27. минута Смит Роу го врати водството за Арсенал, овојпат од 2-1, но и оваа предност на гостите не траеше многу бидејќи капитенот Аспиликуета изедначи пет минути подоцна. Во 57. минута Нкетија постигна втор гол на мечот за водство на Арсенал од 3-2. Оваа предност не ја пропуштија, напротив, ја зголемија со гол на Сака од пенал во 92. минута за конечна победа од 4-2. Манчестер Сити се врати на врвот во Премиерлигата откако со 3-0 го победи Брајтон. Гостите пружија отпор во првото полувреме, но се распаднаа во 53. минута кога Марез даде гол за водство а Манчестер Сити од 1-0. Во 65. минута Фил Фоден зголеми на 2-0, а конечните 3-0 беа дело на Бернардо Силва во 82. минута. Евертон со гол на Ришарлисон во 92. минута се спаси од пораз против Лестер, мечот заврши 1-1, а гостите водеа со погодок на Барнс уште во петтата минута. Њукасл со гол на Алмирон во 32. минута го победи Кристал Палас со 1-0.

Серија А може да го одложи дербито помеѓу Јувентус и Наполи

Ристе Здравков — Tue, 28 Dec 2021 08:42:01 +0000

Коронавирусот откако повторно почна да прави големи проблеми во Англија, ситуацијата како да почнува да се влошува и во Серија А. Во Англија на големо се одложуваат мечеви во секое коло, додека во Италија тоа се случи само со натпреварот Салернитана – Удинезе. Сепак според италијанските медиуми може да дојде до одложување на дербито помеѓу Наполи и Јувентус во 20. коло од Серија А. Наполи и Јувентус треба да се сретнат на 6. јануари во Торино. Во наредните три-четири дена се очекува состанок на италијанската Серија А која во констулација со здравствените власти ќе решава за понатамошните постапки.

Трагедијата во Тетово го одложи дербито помеѓу Шкендија и Шкупи!

Дарко Андоновски — Thu, 09 Sep 2021 15:41:30 +0000

Големата трагедија во модуларната болница во Тетово, каде што синоќа во голем пожар загинаа дури 14 лица, е причина поради која е пролонгирано големото фудбалско дерби помеѓу Шкендија и Шкупи. Станува збор за пресметка од 6. коло од Првата лига, која сега е поместена за во вторник. Тетовци побараа преместување на средбата, додека составот од Чаир веднаш излезе во пресрет, сочувствувајќи со тага на жителите од градот под Шара. Претходно, ФФМ поради тридневната жалост во Македонија ги одложи сите второлигашки натпревари од сабота за недела.

На познатиот српски актер и водител му се заканува петгодишен затвор – учествувал во физичка пресметка на дерби Ц. Ѕвезда и Партизан

Магдалена Андонова — Thu, 17 Dec 2020 12:02:18 +0000

Популарниот српски актер и водител, Милан Калиниќ, се соочува со затворска казна во траење од пет години поради учество во тепачка на средбата помеѓу Црвена звезда и Партизан минатата година во април. Тој на натпреварот влегол во дуел со еден од финансиерите на црвено-белите, Далибор Крковиќ и тоа со цел да го одбрани својот пријател, кој е директор на маркетингот во овој клуб, а кој бил удрен во глава. Калиниќ неколку пати со тупаница го удрил Крковиќ во главата, која потоа била целата во крв. Актерот се товари за насилничко насилство на спортски натпревар, а судењето ќе почне на 26 јануари следната година, за што може да добие парична казна, но и казна затвор во траење од шест месеци до пет години. Видео од инцидентот може да видите на следниот линк. Извор: Спорт1.мк

Без голови на дербито во Манчестер

Тале Кристо — Sat, 12 Dec 2020 21:46:47 +0000

Градското дерби меѓу Манчестер Јунајтед и Манчестер Сити заврши вечерва без голови и без преголеми возбудувања на теренот. Сити влезе во пресметката со градскиот ривал како фаворит, но остана само на двата обиди на Габриел Жезус и Ријад Марез во првиот дел. Јунајтед во второто полувреме се понадева на пенал по прекршокот на Кајл Вокер над Маркус Рашфорд, но одлуката беше поништена по консултација со ВАР собата поради офсајд. По некомплетнто 11. коло во Премиерлигата, Јунајтед во моментов е на 7. позиција со 20 бодови, место погоре и бод повеќе од Сити.

Реал го доби дербито со Севиља

Магдалена Андонова — Sat, 05 Dec 2020 19:00:35 +0000

Шампионот на Шпанија, Реал Мадрид забележа победа со 1:0 на денешниот дерби натпревар од 11. коло во Ла Лига. Стрелец на автоголот вреден три бода за „кралевите“ беше Боно во 55. минута. Со оваа победа Реал се искачи на 3. место, а тренерот Зинедин Зидан го намали притисокот што изминатиот период беше насочен кон него, бидејќи навивачите бараат подобри резултати. Се шпекулираше и за можен отказ за Зидан доколку се загуби од Севиља, но за негова среќа до тоа не дојде. (МИА)

ПМФЛ: Без победник на дербито во Тетово

Тале Кристо — Sun, 22 Nov 2020 15:45:45 +0000

Нерешено 1:1 заврши дербито на 12. коло од Првата македонска фудбалска лига, одиграно попладнево во Тетово меѓу Шкендија и Шкупи. Пред ова коло, ова беше дуел на двете првопласирани екипи, но по денешната победа на Македонија ЃП, „лавовите“ се најдоа на втората позиција. Резултати: Академија Пандев – Пелистер 3:2 Работнички – Македонија ЃП 1:3 Шкендија – Шкупи 1:1 Силекс – Беласица 0:1 Струга Трим Лум – Ренова 1:0. Вчера, Борец – Вардар 0:2. Табела: Шкендија 26 бода, Македонија ЃП 25, Шкупи 24, Борец 19, Струга Трим Лум 19, Вардар 16, Силекс 14, Работнички 13, Пелистер 12, Академија Пандев 10, Ренова 8, Беласица 8.

Конте пред дербито со Милан: Важните натпревари се бесконечни од сега до крајот на сезоната

Тале Кристо — Fri, 16 Oct 2020 15:37:15 +0000

Тренерот на Интер, Антонио Конте е категоричен дека утрешното дерби со Милан е само првиот од многуте важни натпревари на тимот, кои ќе ги има до крајот на сезоната. Тој исто така го истакна зафатениот распоред на „нероазурите“ во наредните месеци и повика на повторно обединување за време на пандемијата, што утре ќе остави аут шестмина негови играчи – Се обидуваме да се претставиме добро на сите натпревари. Секоја победа вреди по три бода. Дербито носи повеќе потешкотии. Пред нас е силен Милан, на кој му оди добро после последните месеци од минатата сезона. Ова е уште еден силен тим како Лацио, но ние сакаме да го продолжиме патот. Ние сме само на почетокот. Важните натпревари се бесконечни од сега до крајот на сезоната. Јас секогаш очекувам раст, особено во однос на одговорноста. Важен аспект е да се направи нов чекор. Ако можам да изберам, би претпочитал уште еден ден на подготовка. Знаеме дека мора да ги почитуваме и меѓународните календари и ќе се прилагодиме, изјави Конте. Тој вели дека тимот ќе даде се од себе, без да бара премногу од играчите кои само што се вратија. – Алексис Санчез има замор во мускулите. Денес ќе направиме проценка за време на тренингот и ќе бидеме внимателни, бидејќи ќе одиграме седум натпревари за три недели. Ако тој е достапен, тоа ќе биде затоа што тој ни даде гаранции со преземање одговорност. Инаку, претпочитам да го чекам следниот натпревар, но не исклучувам ништо. Сите ние мора да соработуваме и да бидеме проактивни во прифаќањето на моменталната состојба со коронавирусот. Спортот воопшто и државата го прифаќаат. Ни треба трпеливост и подготвеност, поминавме многу тежок период. Многу ми беше жал што брзо го заборавивме. Се чини дека доаѓа нова комплексна фаза, затоа ни треба обединување за да се соочиме со тоа на најдобар можен начин и да одиме напред. Да се запре би било погубно. Нема смисла да се жалиме на отсутни луѓе или кој е најпогоден, вели Италијанецот. Додаде дека има помалку проблеми во споредба со другите периоди во однос на опциите со кои располага. – Утре ќе биде првиот натпревар од седум во рок од три или четири дена. Размислуваме и за Лигата на шампионите, затоа ќе бидат потребни ротации. Јас сум мирен, можеби утре ќе започнеме со тројца играчи од средниот ред, а во среда со други, а потоа и во сабота. Секој ќе учествува, јас работам добро со секого, сè додека има достапност, што ќе биде клучно оваа сезона. Важно е да излезете на терен и да имате влијание веднаш. Не знам дали Кристијан Ериксен игра многу или малку. За мене, тој игра доволно додека ја почитува екипата. Можам да направам грешки, но задоволен сум од тоа како Кристијан придонесува за тимот. Мислам дека и тој е задоволен. Ќе има место и за него, како и за сите други. Ќе биде долга и исцрпувачка сезона, рече Конте на својата прес-конференција пред натпреварот.

Де Бруин го пропушта дербито против Арсенал

Тале Кристо — Fri, 16 Oct 2020 15:15:22 +0000

Екипата на Манчестер Сити доби нов тежок удар откако стана јасно дека плејмејкерот Кевин Де Бруин нема да му биде на располагање на Пеп Гвардиола во следните неколку натпревари. Белгиецот се повреди за време на натпревар на својата татковина за време на паузата за натпревари на репрезентациите и ќе го пропушти утрешното дерби против Арсенал во Премиер лигата. Ова значи дека играчот за врска е надвор од мечот на „граѓаните“ и во Лигата на шампионите против Порто во среда. Де Бруин го напушти белгискиот табор претходно оваа недела. – Тимот е во нешто подобра состојба отколку што беше минатиот месец. За жал, Кевин е аут. Останатите играчи се вратија во добра физичка состојба. Мислам дека Кевин ќе биде надвор од терените во следните неколку натпревари, изјави шпанскиот тренер. Манчестер Сити повторно ќе може да се потпре на Серхио Агуеро откако напаѓачот продолжи со тренинзите пред неколку дена. Голгетерот на „граѓаните“ не играше од јуни откако се здоби со повреда на коленото за време на натпреварот против Барнли во Премиер лигата.