десет лица – Kurir.mk

Во Индија починаа десет лица по конзумирање на дезинфициенс

Магдалена Андонова — Fri, 31 Jul 2020 12:46:47 +0000

Десет мажи од индиската сојузна држава Андра Прадеш вчера починаа откако пиеле дезинфициенс на база на алкохол. Во Индија продавниците за алкохолни пијалаци се затворени пради карантинските мерки воведени поради новиот коронавирус, па зависниците конзумираат средства за дезинфекција. Голем број индиски држави, меѓу кои и Андра Прадеш, во одредени места се уше во сила е карантинот поради пораст на новозаболени лица од Ковид-19. Во Андра Прадеш во изминатите месеци деветпати е зголемен бројот на инфицирани, а на ниво на цела Индија – трипати. Во Индија од почетокот на пандемијата со новиот коронавирус се заразиле над 1,6 милиони луѓе, а починале повеќе од 35.000 лица. (MИА)

Кривична пријава против десет вработени во поштата во Чаир за проневера во службата и фалсификување службена исправа

Дарко Андоновски — Fri, 15 May 2020 12:46:15 +0000

Единицата за економски и компјутерски криминал при Секторот за внатрешни работи Скопје до ОЈО Скопје ќе поднесе кривична пријава против десет лица, З.Х. (29), Р.И. (34), И.Е.М. (32), С.П. (53), А.Ќ. (45), Ф.Љ. (35), Л.И. (26), М.Т. (62), Н.К. (55) и Х.Х. (42), сите од Скопје, вработени во АД „Пошта на Северна Македонија”, подружница Чаир, заради постоење основано сомнение дека ги сториле кривичните дела „проневера во службата“, и „фалсификување службена исправа“. Од МВР денеска соопштија дека пријавените, деветмина шалтерски работници во посочената подружница, заедно со нивниот претпоставен десетопријавениот Х.Х. во вкупно 26 наврати во временскиот период од февруари до ноември 2019 година со фалсификување на 26 налози за исплата-Образец ПП40, од лични трансакциски сметки сопственост на 26 физички лица, депоненти во банка од Скопје, неовластено присвоиле туѓи парични средства кои им биле доверени во вршењето на службата и прибавиле противправна имотна корист за сметка на десетопријавениот Х.Х. во вкупен износ од 1.570.822 денари. – Од страна на АД „Пошта на Северна Македонија” Подружница ЦРПС-Скопје на 24.01.2020 година до Единица за економски и компјутерски криминал при Секторот за внатрешни работи Скопје беше доставена писмена пријава за сторените кривични дела, стои во соопштението од МВР.

Десет лица повредени при оружен напад во Манчестер

Дарко Андоновски — Sun, 12 Aug 2018 07:29:03 +0000

Најмалку десет лица се повредени синоќа при оружен напад во англискиот град Манчестер, јави ДПА. Полицијата пристигнала на местото на инцидентот во квартот Мос Сајд во 02:30 часот по полноќ, по добиена информација за пукотници. Настраданите, кои биле веднаш хоспитализирани, имаат различен степен на повреди. Инцидентот се случил неколку часа по завршувањето на Карипскиот карневал, кој се одржувал во квартот. Други детали за случајот засега не се соопштуваат, а истрагата е во тек.