дескоска – Kurir.mk

Дескоска: Република Македонија се уште не е спремна да биде членка на Европската Унија

Тале Кристо — Fri, 19 Jun 2020 19:03:01 +0000

Во емисијата „Топ Тема“ министерката за правда, Рената Дескоска зборуваше за тоа колку Република Македонија е подготвена да го примени законодавството нa ЕУ и европските стандарди во областа на правото и рече дека Република Македонија не е целосно спремна да ги имплементира сите стандарди и поради тоа не е членка на Европската Унија. -Ние како држава не сме целосно спремни да ги имплементираме сите стандарди бидејќи да бевме спремни ќе не примеа уште утре во ЕУ, истакна Дескоска.

Колку е „квалитетно“ брифирана Антикорупциска за директниот конфликт на интереси на Дескоска за Венецијанската комисија?

Љупчо Цветаноски — Sat, 15 Feb 2020 08:41:14 +0000

Колку е „квалитетно“ брифирана Антикорупциската комисија во случајот со директниот конфликт на интереси на Дескоска да биде едновремено министер и член на Венецијанската комисија?

Зошто ДКСК при постапувањето по претставката го земала предвид само Статутот на Венецијанската комисија, но не и Процедуралните правила на комисијата (Rules of Procedure) кои се најважни и прецизни правила на постапување и работа на Комисијата?

Да ги имаа предвид овие правила ќе видеа зошто Дескоска не смее да биде едновремено министер и член на Венецијанската комисија.

Во чл. 3а од Правилата насловен како Независност и непристрасност на членовите на Комисијата, во точка 1 прецизно е наведено дека „Членовите треба да делуваат на начин кој е, или кој се смета дека е независен, непристрасен и објективен во однос на секое прашање што е предмет на разгледување од страна на Комисијата.

Во точка 3, од чл. 3а понатаму стои дека „Членовите треба да го информираат претседателот преку секретарот на Комисијата за каков било потенцијален конфликт на интерес, односно каква било околност која би можела да влијае врз неговата/нејзината непристрасност и објективна проценка на кое било прашање кое го разгледува Комисијата, посебно, но не и ограничено во случај на извршување одредена обврска, во случај на одредени исплатени средства или доделени од влада.Во случај ако ваква точка се појави во дневниот ред на Комисијата претседателот на Комисијата, ако тој или таа смета дека станува збор за потенцијален конфликт на интерес, може да и укаже на Комисијата дека членот нема да учествува во гласањето по точката.

Дали ДКСК не знае што значи поимот НЕПРИСТРАСНОСТ?

Дали министерската функција е непристрасна во случајот со Дескоска или напротив, комплетно пристрасна и во секој момент зависна од политиките на Владата?

Како тоа според ДКСК вршење министерска функција нема конфликт на интереси во делот на непристрасноста кога се знае дека 90% од прашањата/законите што се испраќаат на мислење до Комисијата доаѓаат токму од ресорот правда каде министерува токму Дескоска?

Дали министерката кога ќе дојдат точки на дневен ред од нејзината влада постојано ќе се оградува од владините политики иако таа седи во владата, активно работи во неа и се јавува како предлагач на законите што ги испраќа на мислење до Венецијанската комисија?

Кој и зошто упорно ја манипулира јавноста со небулози и кој ќе одговара за неодговорноста на институциите?

СКАНДАЛ: Антикорупциска оцени дека кај Дескоска немало конфликт на интереси во самономинацијата за Венецијанска комисија!

Љупчо Цветаноски — Fri, 14 Feb 2020 14:13:52 +0000

Нема судир на интереси во предлогот на владата министерката за правда Рената Дескоска да биде член на Венецијанската комисија, утврдила Антикорупциската комисија по анализа на целокупната документација за предметот. Соопштенеито на ДКСК, од друга страна, воопшто не соодветствува со реалниот проблем во случајот на Дескоска. Антикорупциска го пренебрегнува фактот што министерката сама се предложи за место што знае дека комисијата нема да го одбие, туку навлегува во тоа дали во Венецијанската комисија имало лица кои имале конфликт на интерес и ја примиле Дескоска?! „Според статутот на Венецијанската комисија, таа е составена од независни експерти, но она што е најважно во статутот е дека е предвидено дека членовите не ја претставуваат ниту земјата, ниту институцијата од каде што доаѓаат. Тие воопшто не учествуваат во расправата и гласањето поврзано со земјите кои ги претставуваат. На ваков начин сметаме дека Венецијанската комисија сама се има заштитено од судир на интереси,” велат од ДКСК. Експертите за Курир велат дека ова е класично извртување на случајот од страна на ДКСК. Во случајот на Дескоска таа самата се номинираше за позиција во Венецијанската комисија, свесна дека комисијата не избира дали ќе ја прифати или не националната номинација, туку само ја констатира националната номинација која доаѓа токму од министерството за правда. Венецијанска и верува на земјата дека изборот на членот е добар, така функционирала и ќе функционира. Познавачите на состојбите, потегот на тогаш Заевата влада и дозволата Дескоска да се самономинира, свесна дека ќе стане член, го протолкува како утешна награда и стимул за неа за да ја истера работата со контраверзниот Закон за ЈО, кој треба да го аменстира токму Зоран Заев. Како професорка таа не може да не биде свесна дека Законот е лош, потенцираат експертите, но со вакви „мали“ награди, може малку да замиже за истото. Други познавачи, пак, наградата со станувањето дел од Венецијанската комисија, ја протолкуваа како нејзина утешна предизборна награда за спас од владиниот брод кој очигледно тоне.

Не се вредни за тоа: Дескоска одби да го образложи контроверзниот Закон за ЈО пред пратениците

Љупчо Цветаноски — Fri, 14 Feb 2020 11:26:34 +0000

Министерката за правда Рената Дескоска одби да го образложи Законот за јавното обвинителство пред пратениците. Таа одговарајќи на повикот на координаторот на СДСМ пратениците од неговата партија да не дискутираат за овој закон за да се скрати времето за негово донесување иако беше пријавена за збор одби да излезе на говорницата и да дебатира со пратениците. Координаторот на пратеничката група на ВМРО-ДПМНЕ, Никола Мицески рече дека е срамота министерот за правда да бега од дебата со пратениците особено ако се има предвид дека станува збор за закон за кој СДСМ со месеци ги убедува пратениците да гласаат. Во знак на протест, Мицевски побара 1 час пауза. Талат Џафери ја прекина седницата и продолжението го закажа во 13 часот.

Дескоска БЛЕСКА: „Во Собрание бил по грешка донесен Законот со грешки“

Љупчо Цветаноски — Tue, 11 Feb 2020 13:08:33 +0000

Следствено на фактот што Законот за Јавно Обвинителство е во комисијата за европски прашања како „матична комисија“, доаѓа и оправдувањето на министерката Рената Дескоска која ги отфрли обвинувањата, па и натаму упорно тврди дека законот е утврден во Влада. „Во Собрание бил по грешка донесен Законот со грешки, кој не бил утврден на седница на Влада. Потоа по реакција на пратениците на ДУИ потврдивме дека е поднесен погрешен текст на законот, кој текнички го повлековме и во Собрание го донесовме Законот кој бил утврден на владина седница. И затоа не е вистина дека текстот не е утврден во Владина седница”, рече Дескоска Пратениците на ВМРО-ДПМНЕ побараа законот да се исфрли од дневниот ред, но предлогот беше одбиен со мнозинството гласови од членовите на комисијата со провладина констелација.

Дескоска сака да го контролира Собранието: Хаос уште на почетокот на Комисиската расправа (ВИДЕО)

Предраг Кукиќ — Wed, 29 Jan 2020 13:50:30 +0000

Денешната Комисиска расправа по однос на законот за јавно обвинителство започна жестоко уште на самиот почеток. Пратениците на опозицијата ја обвинија министерката за правда Рената Дескоска за обиди за воспоставување контрола врз Собранието на Република Македонија, поради фактот што министерката се наметнува уште еднаш преку ред да земе збор и да проповеда зошто законот за обвинителство е добар, закон кој што речиси сите релевантни правни експерти во Македонија го оценија како небулозен и недоречен. Покрај Дескоска во Собранието повторно сакаше да земе збор и јавниот обвинител Љубомир Јовевски. Небулозни одредби,текст со недоречености, закон со интенција за вдомување на кадрите на СЈО – вака експертите го оценуваат текстот на Предлог-законот за Јавно обвинителство. На вчерашната јавна расправа тие беа едногласни дека ова не е добро решение и како таков не смее да биде донесен. Расправата продолжува и денес.

Неправда во правда: Дескоска се пофали дека Венецијанска ја прифатила номинацијата за која сама се номинираше?!

Љупчо Цветаноски — Fri, 24 Jan 2020 13:04:37 +0000

Министерката за правда Рената Дескоска се пофали на Фејсбук дека Венецијанската комисија ја прифатила нејзината номинација за член на истата. Скандалот да биде поголем, Дескоска во фалбата вели: „Денеска е прифатена мојата номинација за член на Венецијанската комисија. Тоа е и потврда дека се исполнети критериумите за членство во комисијата. Благодарам за довербата!“ Прашањето е како министерката може да се фали дека нешто е наводно прифатено, кога Комисијата функционира на поинаков начин - државата предлага преку министерството за правда, а Венецијанска само го прифаќа понуденото решение или номинација, без да приговара за истото. Ова е голем правен преседан кој за Курир пред 20-на дена при ноиминацијата го потврдија и професори по уставно право. Всушност, Дескоска и „благодари“ на довербата која Венецијанската комисија ја има во државата Македонија, верувајќи ни дека никој не би сторил ваков правен преседан. Експертите одамна потврдија дека некој шири невистини на ова поле, тврдејќи дека изборот го врши Комисијата. Вистината е дека Венецијанска само ја прифаќа номинацијата, сметајќи дека државата направила добар избор и се потрудила избраникот на Македонија да ги исполнува условите. Во овој случај, Рената Дескоска како министер за правда беше предложена од своето министерство, т.е. се самопредложи за нешто што знаеше дека само ќе биде констатирано, а не и разгледувано. Познавачите на состојбите овој чин го толкуваат како ново вдомување на заслужните социјалдемократи пред избори. Дел од нив, претходно избегаа во кабинетот на Стево Пендаровски. Се очекува нов бран на вдомувања по разни основи. Стравот е јасен, велат експертите за Курир - соочени со изборите и нивниот резултат, социјалдемократите ќе се „снаоѓаат“ кој како знае и умее. Индикативно, Дескоска ова го објави на ФБ во 19 часот, само 6 часа по прес-конференцијата на лидерот на опозицијата Христијан Мицкоски, кој во 13 часот вчера побара Антикорупциска по допрен глас да отвори истрага за овој голем скандал во министерството за правда. Антикорупциска втор ден молчи, а гласот никако да допре до нив.

Вистината за скандалот со Дескоска: Владата лаже за начинот на кој се врши номинација за член на Венецијанската комисија!

Љупчо Цветаноски — Fri, 27 Dec 2019 13:06:11 +0000

Владата не е искрена во случајот со номинацијата на министерката за правда Рената Дескоска. Правните експерти за Курир потврдија дека владата сурово калкулира со јавноста во врска со начинот на кој се врши изборот и прифаќањето на претставникот во ова високо тело. Вистината е поинаква од онаа лиферувана од Заевата Влада дека тие само номинираат, а Венецијанска го има последниот збор. Всушност, постапката е многу поинаква од прикаската на институцијата од „Илинденска“ бр.2. Правните експерти за Курир велат дека неспорен факт е дека членот на Венецијанската комисија секогаш се предлага од Министерството за правда, а го потврдува Владата на Македонија. Таквата одлука се праќа до Венецијанската комисија која само го почитува изборот направен од националната влада. Венецијанска не одобрува или враќа, туку го прифаќа понуденото решение, сметајќи дка тоа е право на државата. Тоа е принципот кој секогаш се почитува. Тоа значи дека воопшто не се точни информациите дека Владата врши само номинација, а дека Венецијанската комисија го потврдува членот на државата. Во случајов со министерката за правда, таа самата се предложила пред владата, а владата сигурно ќе ја потврди како член на Венецијанската комисија, чин кој претставува правен преседан и скандал од меѓународни размери кој може да влијае и на онака нарушениот имиџ на земјата. Се работи за почитувано тело и институција со огромен кредибилитет и светска репутација. Проблемот и прашањето е дали изборот, направен на ваков начин од самиот старт, го става под знак на прашање кредибилитет на претставникот од Макеоднија? Домашните експерти, пак, на овој чин гледааат како подготовка за во опозиција на Заевата Влада, која со овој чин можеби ја наградува професорката за министерувањето со образование и правда во овој мандат на Заев. Јавноста во последно време во повеќе наврати сведочеше на случаи со „вдомување“ на советници и членови од кабинетот на Заев. Последен беше случајот со Забрчанец, а претходно дел од премиерскиот кабинет се пресели во кабинетот на Пендаровски, кој има уште повеќе од четири години мандат како шеф на државата.

„Директорот на Шутка да биде уапсен, а Дескоска да поднесе оставка од морални причини“

Дарко Андоновски — Sat, 21 Sep 2019 17:24:34 +0000

Новинарот Саше Димовски во разговор за Алфа зборуваше за последните случувања за случајот Рекет, згаснувањето на СЈО, како и за моменталната состојба во провосудниот систем. Погледнете го целиот разговор: