десна рака – Kurir.mk

ОТКРИЕНА ГОЛЕМА ТАЈНА: Еве зошто Путин десната рака ја држи речиси неподвижна (ВИДЕО)

Тале Кристо — Fri, 25 Feb 2022 20:07:45 +0000

Рускиот претседател Владимир Путин својата десна рака речиси никогаш не ја движи поради интезивната обука во КГБ, а не заради Паркинсова болест, објави Британскиот медицински журнал во својата студија. Тим на неуролози од Португалија, Италија и Холандија ги анализаа положбата и движењата кои можат да бидат први симптоми на некоја болест, а научниците биле изненадени на начинот на кој Путин се движи, пренесува агенцијата АФП.

При анализата се гледа дека неговата лева рака го следи движењето на Путин, додека десната е потполно вкочанета што е чест знак на Паркинсова болест. Но, докторите не нашле други симптоми, туку напротив, рускиот претседател има одлочни моторички способности, се занимава со џудо, плива и дига тегови.

Почина ,,десната рака” на Садам Хусеин

Магдалена Андонова — Mon, 26 Oct 2020 21:31:02 +0000

Почина Езат Ибрахим ал-Дури, вториот човек на режимот на Садам Хусеин, „кралот треф “ на мапите на официјалните лица од 2003 година, баран од Американците, соопшти денеска неговата партија и ќерката на ирачкиот диктатор. Човекот за чија глава САД понудија награда од 10 милиони долари за време на инвазијата што ја собори партијата Баас, која беше на власт во Ирак од 1968 година, бил во бегство. Ниту една изјава со која се објавува неговата смрт не го наведува местото или причината за смртта. Рагад Садам Хусеин, најстарата ќерка на ирачкиот диктатор, објави на Твитер дека жали за другарот од борбата, Езат Ибрахим. Партијата Баас исто така издаде соопштение во кое се објавува смртта на потпретседателот на револуционерната команда и потпретседателот на Ирак во 2003 година. Гласините за смртта на ал-Дури се појавиле неколку пати во минатото, но секој пат биле демантирани од официјални лица или приврзаници на поранешниот режим. По 2003 година, партијата Баас одигра клучна улога во востанието против Американците, а потоа се приближија до џихадистичката група Исламска држава (ИД), која беше воено поразена во Ирак кон крајот на 2017 година.

Холанѓаните секогаш ја отвораат вратата со десната рака кога излегуваат од автомобилот- причината ќе ве натера на истата навика (ВИДЕО)

Дарко Андоновски — Sat, 20 Jul 2019 19:44:59 +0000

Кога излегуваат од автомобилот, Холанѓаните не ја отвораат вратата со лева рака, туку со десната. Оваа едноставна промена на навиките која повеќето други возачи ја имаат кога излегуваат од автомобилот може да спаси бројни животи – велосипедисти, возачи и други учесници во сообраќајот. Ваквиот начин на отворање на вратата во текот на излегувањето од автомобилот добил дури и свој назив – „Dutch Reach”, а функционира на следниот начин: Кога сакате да излезете од автомобилот, фатете ја вратата со десната рака. Со тоа, вашето тело е приморано да се ротира така што ќе го видите патот зад вас и навреме ќе можете да реагирате доколку се најдете во потенцијално опасна ситуација – односно ако кон вас оди велосипедист, пешак или друго возило. Дури и доколку не погледнете право на патот, во најмала рака ќе бидете приморани да погледнете во ретровизорот. Како што јавува “NY Times”, во САД е забележан најголем број на смртно настрадани велосипедисти во последните 30 години, а слична е бројката и во Велика Британија. Најчестите несреќи се случувале токму поради невнимателното отворање на вратите на возилата од страна на возачите. Во Велика Британија во 2016 година, дури 600 лица загинале или биле повредени поради невнимателно отворање на вратата од автомобилот.