Експлозија и пожар кај аеродромот Хитроу: Се слушна детонација како бомба

Ивана Ефремовски — Sun, 07 Aug 2022 18:54:06 +0000

Околу лондонскиот аеродром Хитроу се шири голем пожар во околните дворови, по „големата детонација што личеше на бомба или експлозија“, пренесува лондонскиот весник „Мирор“. Лондонскиот весник додава дека огромен облак од чад се крева на небото и се верува дека доаѓа од авион што слетал на Хитроу, додека пожарникарите предупредија дека пожарот се проширил на градините на домовите на луѓето од населбата Фелтам. Пожарот зафатил дрвја, жива ограда, грмушки, трева на бројни домаќинства на патот кај Фелтам. Многумина кои живеат во близина на инцидентот изјавија дека слушнале силна експлозија, а еден очевидец дури кажа дека слушнал удар како „бомба или некој вид експлозија“. Десет противпожарни возила и околу 70 пожарникари се на местото на пожарот во Херефорд Роуд, а досега се примени 44 повици за интервенција. Градската полиција ги советува граѓаните да ја избегнуваат областа. (МИА)

Летало, најверојатно дрон се урна во Загреб

Ивона Петрова — Fri, 11 Mar 2022 06:45:14 +0000

Силен тресок синоќа нешто по 23 часот се слушна во Загреб, а хрватските медиуми јавуваат дека на земјата е видлив голем кратер и дека очигледно нешто удрило во земјата и експлодирало. Според Индекс.хр, повикувајќи се на добро упатени извори, според досега собраните информации од надлежните служби, на загрепски Јарун паднал дрон. Пронајдени се два падобрана. Полициската управа на Загреб соопшти дека добила повеќе пријави од граѓани дека почувствувале детонација во поширокото подрачје на Јарун. Местото го обезбедува полицијата и во тек е истрага. Полицијата засега нема пријави за повредени на поширокото подрачје на местото на инцидентот. Оштетени се неколку паркирани возила.

детонација – Kurir.mk

Експлозија и пожар кај аеродромот Хитроу: Се слушна детонација како бомба

Летало, најверојатно дрон се урна во Загреб